എന്ത് തെളിവിന്റെ അടിസ്ഥാനത്തിലാണ് തനിക്ക് സ്വര്ണക്കടത്തുമായി ബന്ധമുണ്ടെന്ന് പറയുന്നത്.; മാധ്യമങ്ങള്ക്കെതിരെ പൊട്ടിത്തെറിച്ച് മുഖ്യമന്ത്രി
സ്വര്ണക്കടത്ത് കേസുമായി ബന്ധപ്പെട്ട് മാധ്യമങ്ങള്ക്കെതിരെ ശക്തമായി പ്രതികരിച്ച് മുഖ്യമന്ത്രി പിണറായി വിജയന്. സ്വര്ണക്കടത്തു കേസുമായി തന്നെ ബന്ധിപ്പിക്കാന് എത്ര അധ്വാനിച്ചാലും നടക്കില്ലെന്ന് പിണറായി വിജയന് പറഞ്ഞു. താന് മുഖ്യമന്ത്രി കസേര ഒഴിയണമെന്നാണ് ചിലര് ആഗ്രഹിക്കുന്നത്. അതിന് മാധ്യമങ്ങള് കൂട്ടുനില്ക്കുകയാണെന്നും അദ്ദേഹം പറഞ്ഞു.
രാഷ്ട്രീയമായി തകര്ക്കാന് ശ്രമിക്കുന്നവര്ക്ക് മറ്റു ചിലര് കൂട്ടുനില്ക്കുന്നു. മുഖ്യമന്ത്രിയെ അപകീര്ത്തിപ്പെടുത്താന് ശ്രമം നടക്കുന്നു. പലര്ക്കും രാഷ്ട്രീയ താല്പര്യങ്ങളുണ്ടാകും. അതെല്ലാം മാധ്യമങ്ങള് ഏറ്റെടുക്കരുത്. തനിക്കും തന്റെ ഓഫീസിനും ഒന്നും മറച്ചു വയ്ക്കാനില്ല. മാധ്യമങ്ങള് ആരുടേയും നാവാകരുത്.
എല്ഡിഎഫ് സര്ക്കാര് അധികാരത്തില് വന്നതു കൊണ്ട് കേരളത്തിനു എന്തു ദോഷമാണുണ്ടായത് ? എന്തുതെളിവിന്റെ അടിസ്ഥാനത്തിലാണ് ആരോപണങ്ങള് ഉന്നയിക്കുന്നത്? എല്ലാ വിവരവും പുറത്തുവരു. തനിക്കും ഓഫിസിനും ഒന്നും മറച്ചു വയ്ക്കാനില്ല. ആരുടെയൊക്കെ നെഞ്ചിടിപ്പ് കൂടുമെന്ന് അന്വേഷണം പൂര്ത്തിയാകുമ്ബോള് കാണാം. ‘എല്ഡിഎഫ് വന്നതുകൊണ്ട് കേരളത്തിന് എന്ത് ദോഷമാണുണ്ടായതെന്നും മുഖ്യമന്ത്രി വാര്ത്താസമ്മേളനത്തില് ചോദിച്ചു.
എന്ഐഎ അന്വേഷിക്കുന്നു, അത് കൃത്യമായി നടക്കട്ടെ. എവിടെയൊക്കെയാണോ അവര്ക്ക് പോകേണ്ടത്. അവര് അവരുടെ ഭാഗമായിട്ട് കാര്യം പറയുന്നുണ്ട്. അതില് ഏതാണ് ശരിയാണെന്ന് ഇപ്പോള് വ്യക്തമാകുന്നുണ്ട്. എന്ഐഎ പറഞ്ഞതാണോ മാധ്യമം പറഞ്ഞതാണോ എന്ന് പരിശോധിക്കണം. എന്ഐഎ പറഞ്ഞതിനപ്പുറം മാനം ചാര്ത്താന് ചിലര് ശ്രമിച്ചു. എന്ഐഎ പറഞ്ഞത് എന്ഐഎ പറഞ്ഞത് തന്നെ.മുഖ്യമന്ത്രി സ്വര്ണ്ണം കടത്താന് കൂട്ടു നിന്നെന്ന് സ്ഥാപിക്കാനാണോ ശ്രമിക്കുന്നത്. എത്ര അധ്വാനിച്ചാലും അത് നടക്കില്ല. നാടിന്റെ പൊതുബോധം മാറ്റാനാവുമോ എന്നാണ് നിങ്ങള് ശ്രമിക്കുന്നത്. ഉപജാപക സംഘത്തിന്റെ വക്താക്കളാവുന്നു. മുഖ്യമന്ത്രി സ്ഥാനത്തിരിക്കുന്ന എന്നെ കുറിച്ച് എന്ത് തെളിവിന്റെ അടിസ്ഥാനത്തിലാണ് ഇതൊക്കെ വിളിച്ചുപറയുന്നത്?
പ്രത്യേക രീതിയില് വ്യാഖ്യാനിച്ച് നാടിന്റെ ബോധം മാറ്റി ഉപചാപക സംഘത്തിന്റെ വക്താക്കളായി മാധ്യമങ്ങള് മാറുകയാണ്. എന്ത് തെളിവിന്റെ അടിസ്ഥാനത്തിലാണ് തനിക്ക് സ്വര്ണക്കടത്തുമായി ബന്ധമുണ്ടെന്ന് പറയുന്നത്. എന്തും വിളിച്ചുപറയാമെന്നും ഏത് നിന്ദ്യമായ നിലയും സ്വീകരിക്കാമെന്നും കരുതരുത്. കൃത്യമായ അന്വേഷണം നടക്കുന്നുണ്ട്. അതിന്റെ ഭാഗമായി കാര്യങ്ങള് വരട്ടെ. കുറച്ച് ദിവസങ്ങള്ക്കുള്ളില് കാര്യങ്ങള് സ്വഭാവികമായി പുറത്തുവരും. ആരുടെയൊക്കെ നെഞ്ചിടിപ്പ് കൂടുന്നുവെന്ന് അപ്പോള് കാണാം. താന് വെള്ളം കുടിക്കേണ്ടിവരുമെന്നാണ് കരുതന്നതെങ്കില് അത് മനസില് വച്ചാല് മതിയെന്നും മുഖ്യമന്ത്രി.
https://www.facebook.com/Malayalivartha