വിവാദങ്ങളിൽ പെട്ട് നട്ടം തിരിയുന്ന ഇടത് സർക്കാരിനെതിരെയും മുഖ്യമന്ത്രി പിണറായി വിജയനെതിരെയും പരിഹാസവുമായി അഭിഭാഷകനും രാഷ്ട്രീയനിരീക്ഷകനുമായ അഡ്വ.എ ജയശങ്കർ രംഗത്തെത്തിയിരിക്കുകയാണ്. മുൻപും സർക്കാരിനെതിരെ ജയശങ്കർ രൂക്ഷ വിമർശനങ്ങൾ തൊടുത്തുവിട്ടിട്ടുണ്ട്. ആരെയും കൂസാതെയുള്ള ജയശങ്കറിന്റെ വാദങ്ങളും അഭിപ്രായങ്ങളും എപ്പോഴും സോഷ്യൽ മീഡിയകളിൽ ഇടം പിടിക്കാറുണ്ട്. ഇത്തവണ തിരുവനന്തപുരം വിമാനത്താവളത്തെപ്പറ്റിയുള്ള വിവാദങ്ങൾക്കിടയിലാണ് ജയശങ്കറിന്റെ പ്രതികരണം പുറത്തു വന്നിരിക്കുന്നത്.

തിരുവനന്തപുരം വിമാനത്താവളം അദാനി കൊണ്ട് പോകാതിരിക്കാന്‍ നിയമോപദേശം തേടിയത് അദാനിയുടെ മകന്റെ ഭാര്യയോട് ആണെന്ന കാര്യം ഭവാനറിയുന്നില്ലെന്നാണ് മുഖ്യമന്ത്രിയെ ജയശങ്കർ പരിഹസിച്ചത്. തനറെ ഫേസ്ബുക്ക് പോസ്റ്റിലോടെയായിരുന്നു ജയശങ്കർ മുഖ്യമന്ത്രി പിണറായി വിജയനെതിരെ വിമർശനം രേഖപ്പെടുത്തിയത്.

മന്ത്രി ജലീല്‍ ഗള്‍ഫില്‍ നിന്ന് മതഗ്രന്ഥം ഇറക്കുമതി ചെയ്യുന്ന ബിസിനസ് തുടങ്ങിയ കാര്യവും അറിഞ്ഞില്ല. സ്പ്രിംഗ്‌ളര്‍ ശിവശങ്കരന്‍ ഇദയക്കനി സ്വപ്നയുമൊത്ത് സ്വര്‍ണക്കടത്തു തുടങ്ങിയതും അറിഞ്ഞില്ല.

എന്തിനു പറയുന്നു? ക്ലിഫ് ഹൗസിലാണ് താമസം, സെക്രട്ടേറിയറ്റിലാണ് ഓഫീസ് എന്നല്ലാതെ താനാണ് മുഖ്യമന്ത്രി എന്നുപോലും അറിയുന്നില്ല! ഇങ്ങനെ ഒന്നും അറിയാത്ത മുഖ്യമന്ത്രിയാണ് കേരളം ഭരിക്കുന്നതെന്നും ജയശങ്കര്‍ അക്ഷേപിക്കുന്നു.

ജയശങ്കറിന്റെ ഫേസ്ബുക്ക് പോസ്റ്റ് ഇങ്ങനെയാണ് ....

അറിയുന്നില്ല.. ഭവാൻ അറിയുന്നില്ല....

തിരുവനന്തപുരം വിമാനത്താവളം അദാനി കൊണ്ടുപോകാതിരിക്കാൻ നിയമോപദേശം തേടിയത് അദാനിയുടെ മകൻ്റെ ഭാര്യയോടാണെന്ന കാര്യം ഭവാൻ അറിഞ്ഞില്ല.

റെഡ് ക്രസന്റിനെ മറയാക്കി യുഎഇ കോൺസുലേറ്റ് യൂണിടാക്കുമായി കരാർ ഉറപ്പിച്ചതും നാലരക്കോടി കമ്മീഷൻ അടിച്ചതും അറിഞ്ഞില്ല

മന്ത്രി ജലീൽ ഗൾഫിൽ നിന്ന് മതഗ്രന്ഥം ഇറക്കുമതി ചെയ്യുന്ന ബിസിനസ് തുടങ്ങിയ കാര്യവും അറിഞ്ഞില്ല.

സ്പ്രിംഗ്ളർ ശിവശങ്കരൻ ഇദയക്കനി സ്വപ്നയുമൊത്ത് സ്വർണക്കടത്തു തുടങ്ങിയതും അറിഞ്ഞില്ല.

എന്തിനു പറയുന്നു? ക്ലിഫ് ഹൗസിലാണ് താമസം, സെക്രട്ടേറിയറ്റിലാണ് ഓഫീസ് എന്നല്ലാതെ താനാണ് മുഖ്യമന്ത്രി എന്നുപോലും അറിയുന്നില്ല!

#നിഷ്കളങ്കത.