പിണറായി വിജയന്‍ സര്‍ക്കാരിന് കുറേയേറെ നന്മകളും വളരെയേറെ തിന്മകളുമുള്ളതായി പി.സി ജോര്‍ജ്. എത്രയോ സര്‍ക്കാരിന് താന്‍ കത്ത് കൊടുത്തിട്ടുണ്ട്. പക്ഷേ ഏത് കത്തിനും അതിന്റെ മാനദണ്ഡങ്ങളനുസരിച്ച്‌ മറുപടി തരുന്നത് പിണറായി സര്‍ക്കാരാണെന്ന് അദ്ദേഹം പറഞ്ഞു.

‘ഏറ്റവും കൂടുതല്‍ ഉപദേശകരെവച്ച മുഖ്യമന്ത്രി പിണറായി സഖാവാണ്. അദ്ദേഹത്തിന്റെ കഷ്ടകാലം അവിടെയാണ് തുടങ്ങിയത്.’-അദ്ദേഹം പറഞ്ഞു. മത്തായിയുടെ മരണത്തെക്കുറിച്ചും പി.സി ജോര്‍ജ് സഭയില്‍ പറഞ്ഞു. ആ കുടുംബത്തിന് നഷ്ടപരിഹാരം കൊടുക്കാനുള്ള മര്യാദ കാണിക്കണ്ടേയെന്നും ഇതൊക്കെ കേരളത്തിലെ ജനങ്ങള്‍ കാണുന്നുണ്ടെന്നും അദ്ദേഹം പറഞ്ഞു.

‘തിരുവിതാംകൂര്‍ രാജകുടുംബം, ആ പൊന്നുതമ്ബുരാന്‍ കേരളത്തിന് നല്‍കിയതാണ് ആ വിമാനത്താവളം. ആ വിമാനത്താവളം ഇവിടെ നിന്ന് കൊണ്ടുപോകാന്‍ പറ്റില്ല. ബി.ജെ.പി അല്ല അതിനപ്പുറത്തെ പാര്‍ട്ടി നോക്കിയാലും അതിന് കഴിയില്ല. മുഖ്യമന്ത്രിയുടെ നിലപാട് വളരെ വ്യക്തമാണ്. സഭയുടെ തീരുമാനം വളരെ വ്യക്തമാണ് എന്നും പി.സി ജോര്‍ജ് പറഞ്ഞു.