എം സ്വരാജ് കുട്ടിക്കുരങ്ങന്‍ ആയ കഥ... ക്യാപ്പിറ്റല്‍ പണിഷ്‌മെന്റ് നല്കാന്‍ ജയശങ്കറിന്റെ കുട്ടിക്കുരങ്ങന്‍ സ്വരാജ് പിണറായിയെ പുകഴ്ത്തിയ അനക്ക് അച്ചുമാമനെ അറിയോ ?
മുഖ്യമന്ത്രി പിണറായി വിജയന്‍ പാര്‍ട്ടി സെക്രട്ടറി ആയിരുന്ന കാലത്തു വി എസ് അച്യുതാനന്ദനെ പുകച്ച് പുറത്തു ചാടിക്കാന്‍ ബഹളം വച്ച ഡി വൈ എഫ് ഐ നേതാവ് എം സ്വരാജ് ഇപ്പോള്‍ പാര്‍ട്ടിയുടെ പടയാളിയായി കളത്തില്‍ നിറഞ്ഞു നില്‍ക്കുകയാണ് .പ്രമുഖ രാഷ്ട്രീയ നിരീക്ഷകനായ അഡ്വ ജയശങ്കര്‍ സ്വരാജിനെ വിശേഷിപ്പിച്ചത് കുട്ടിക്കുരങ്ങന്‍ എന്നാണ് .കുരങ്ങന്‍ എന്ത് ചെയ്യുന്നതും മറ്റുള്ളവരെ കണ്ട്
പഠിച്ചാണ് .വി എസ് അച്യുതാന്ദനോടുള്ള അടങ്ങാത്ത അമര്‍ഷം പിണറായി കാത്തുസൂക്ഷിക്കുമ്പോള്‍ പിണറായുടെ വലംകൈയായി യുവനിരയില്‍ വി എസ് വിരുദ്ധ പ്രസംഗങ്ങള്‍ നടത്തിയ വ്യക്തിയാണ് എം സ്വരാജ് .അതിനാല്‍ തന്നെ പിണറായിയെ സ്വന്തം ഗോഡ്ഫാദറായി നെഞ്ചിലേറ്റി സ്വരാജ് കത്തിക്കയറിയ നിമിഷം .
പാര്‍ട്ടിയെ ജനകീയ അടിത്തറയുണ്ടാക്കാന്‍ ശ്രമിച്ച വി എസ്സിനെ കറിവേപ്പില പോലെ പുറം തള്ളുമ്പോള്‍ അട്ടഹസിച്ച എം സ്വരാജ് ഇപ്പോള്‍ പിണറായി കാണിക്കുന്ന നെറികേടുകളെ ന്യായീകരിക്കാന്‍ ഒരായുധമായി മുന്നോട്ട് വന്നിരിക്കുകയാണ് .ക്യാപിറ്റല്‍ പണിഷ്‌മെന്റ് നല്‍കി വി എസ്സിനെ പേടിപ്പിക്കാന്‍ ശ്രമിച്ച എം സ്വരാജിന് പണ്ട് മുതലേ പ്രിയം പിണറായിയോടാണ് .പിണറായുടെ സ്തുതിപാഠകനായ സ്വരാജിനെ നിയമസഭയില്‍ എത്തിച്ചാല്‍ പിണറായിക്ക് ഏറെ ഗുണം ഉണ്ടാകും എന്ന് കരുതി തന്നെയാണ് മലപ്പുറം കാരനായിരുന്നിട്ടു കൂടി തൃപ്പൂണിത്തറയില്‍ എത്തിച്ചു അട്ടിമറി വിജയം നേടിയെടുത്തത് .അന്ന് യു ഡി എഫ് മന്ത്രിസഭയില്‍ ഉണ്ടായിരുന്ന കെ ബാബു അഴിമതി ആരോപണം ഉള്‍പ്പടെ നേരിട്ടതിനാല്‍ അവിടം പിടിച്ചെടുക്കാന്‍ ഉള്ള തന്ത്രമാണ് സ്വരാജിന് നിയമസഭയില്‍ കടന്നു കൂടാന്‍ ഉപകാരമായത് .
വി എസ്സിനെ പോലുള്ള മുതിര്‍ന്ന നേതാക്കളെ പുലഭ്യം പറയുകയും പിണറായുടെ പ്രീതി പിടിച്ചു പറ്റുകയും ചെയ്യുന്ന സ്വരാജ് ചാനല്‍ ചര്‍ച്ചകളിലൂടെയാണ് ആളുകള്‍ അറിയുന്നത് തന്നെ .
സ്വന്തമായി വ്യക്തിത്വം പോലും ഇല്ലാത്ത രീതിയിലുള്ള സംസാരമാണ് ഇയാള്‍ക്കെന്ന തരത്തിലാണ് അഡ്വ എസ് ജയശങ്കര്‍ പറഞ്ഞിട്ടുള്ളത് .സ്വരാജ് ട്രൗസര്‍ ഇട്ടു നടന്ന കാലത്തു പോളിറ്റ് ബ്യുറോ മെമ്പറായിരുന്ന അച്യുതാന്ദനെ താറടിച്ചു കാണിക്കാന്‍ ജാതി യും മറ്റൊരു കാരണമാണ് എന്ന് തന്നെയാണ് രാഷ്ട്രീയ നിരീക്ഷകര്‍ കണക്കാക്കുന്നത് . ലൈഫ് മിഷന്‍ ,സ്വര്‍ണ്ണക്കടത്ത് വിവാദങ്ങളില്‍പ്പെട്ട മുഖ്യമന്ത്രി പിണറായി വിജയന്റെ പ്രതിച്ഛായ വീണ്ടെടുക്കാനുള്ള ശ്രമവുമായി സിപിഎം രംഗത്തിറക്കിയത് മനസപുത്രനായ സ്വരാജിനെയാണ്
കേരളത്തിലെ ജനങ്ങളെ കെടുതികളില്‍ നിന്ന് രക്ഷിക്കാന്‍ വന്ന രക്ഷകനാണ് പിണറായി എന്നായിരുന്നു ഇന്നലെ നിയമസഭയില്‍ എം സ്വരാജ് എം എല്‍ എ യുടെ പ്രസ്താവന .
ഏത് കെടുതിയും വരട്ടെ ഞങ്ങളെ കാക്കാന്‍ പിണറായി ഉണ്ടെന്നാണ് കേരളം പറയുന്നതെന്ന സ്വരാജിന്റെ പ്രസ്താവന പിണറായിയ്ക്ക് ഇമേജ് വര്‍ദ്ധിപ്പിക്കാനുള്ള ശ്രമത്തിന്റെ ഭാഗമായിരുന്നു .അവിശ്വാസപ്രമേയത്തെ എതിര്‍ത്ത് കൊണ്ടുള്ള പ്രസംഗത്തിലായിരുന്നു സ്വരാജിന്റെ പുകഴ്ത്തല്‍ . സര്‍ക്കാരിന്റെ കയ്യില്‍ കളങ്കമില്ല എന്നും ഈ സര്‍ക്കാര്‍ അധികാരത്തില്‍ വന്ന ശേഷം സപ്ലൈക്കോയില്‍ ആവശ്യവസ്തുക്കളുടെ വില കൂട്ടിയിട്ടില്ല എന്നും കേരളത്തില്‍ ഇടത് വിരുദ്ധ ദുഷ്ട സഖ്യം പ്രവര്‍ത്തിക്കുന്നുണ്ട് .അവര്‍ സിപിഎമ്മിനെ തകര്‍ക്കാന്‍ ശ്രമിക്കുകയാണ് എന്നുമായിരുന്നു സ്വരാജിന്റെ പ്രസ്താവന .പിണറായി വിജയന്‍ 2016 മുഖ്യമന്ത്രിക്കസേരയില്‍ വലിഞ്ഞുകയറി ഇരുന്നത് അച്യുതാന്ദനെ പറ്റിച്ചായിരുന്നു .തിരഞ്ഞെടുപ്പ് സമയത്തു തന്റെ 92 ആം വയസ്സില്‍ കേരളം മുഴുവന്‍ വി എസ്സിനെ നടത്തിച്ചു വോട്ടു പിടിച്ചു ഗുണം കൊയ്തതില്‍ മറ്റൊരു ഗുണന്‍ഭോക്താവ് കൂടിയാണ് എം സ്വരാജ് .
https://www.facebook.com/Malayalivartha
