ഇന്ന് ഉത്രാടം.... നാടും നഗരവും ഉത്രാടപ്പാച്ചിലിന്റെ തിരക്കില്‍, കൊവിഡ് നിയന്ത്രണങ്ങളെല്ലാം മറി കടന്ന് ജനങ്ങള്‍ ഓണലഹരിയില്‍, കൊറോണക്കാലത്തെ ഓണം നാടെങ്ങും ആഘോഷമാക്കുന്നു
ഇന്ന് ഉത്രാടം.... നാടും നഗരവും ഉത്രാടപ്പാച്ചിലിന്റെ തിരക്കില്‍, കൊവിഡ് നിയന്ത്രണങ്ങളെല്ലാം മറി കടന്ന് ജനങ്ങള്‍ ഓണലഹരിയില്‍, കൊറോണക്കാലത്തെ ഓണം നാടെങ്ങും ആഘോഷമാക്കുന്നു. ഓണച്ചന്തകളിലടക്കം ആളുകളുടെ നീണ്ടനിരയായിരുന്നു പൂരാടദിനത്തില്‍. കോവിഡ്ഭീതിയില്‍ അകലം പാലിച്ചും പാലിക്കാതെയുമാണ് ഓണത്തെ വരവേല്‍ക്കുന്നത്. കച്ചവടത്തിരക്കേറിയതോടെ പൊതുഗതാഗത സംവിധാനങ്ങളിലും തിരക്കേറെയാണ്്. തമിഴ്‌നാട്ടില്‍ നിന്ന് പൂക്കള്‍ വന്നില്ലെങ്കില്‍ മലയാളികള്‍ പൂക്കളമിടില്ലെന്ന പതിവ് തെറ്റിച്ച് വീട്ടുമുറ്റത്തും തൊടികളിലുമുള്ള തുമ്പയും ചെത്തിയും ചെമ്പരത്തിയും വിവിധ കാട്ടുപൂക്കളും ഇലകളും കൊണ്ടായിരുന്നു കൂടുതല്‍ പേരും പൂക്കളം തീര്‍ത്തത്. ഏതു സാഹചര്യത്തിലും മലയാളിത്തത്തിലേക്ക് മടങ്ങാനുള്ള മനസ് മലയാളിക്ക് നഷ്ടപ്പെട്ടിട്ടില്ലെന്ന് ഈ ഓണക്കാലം തെളിയിച്ചു.ണ്. പച്ചക്കറിപലചരക്ക് കടകളിലും തുണിക്കടകളിലും ഉപ്പേരിക്കടകളിലുമെല്ലാം തിരക്കാണ്.
#
കോവിഡ്മൂലം ആഘോഷങ്ങള്‍ക്ക് പരിമിതിയുണ്ടെങ്കിലും ഓണ്‍ലൈന്‍ ആഘോഷങ്ങള്‍ പൊടിപൊടിക്കുകയാണ്. അത്തപ്പൂക്കളമത്സരം മുതല്‍ മാവേലിവേഷം കെട്ടിയുള്ള മത്സരങ്ങള്‍, ഓണപ്പാട്ട്, പാചകമത്സരങ്ങള്‍ എന്നിങ്ങനെ ആഘോഷങ്ങള്‍ നീളുകയാണ്.ചെറിയൊരു സദ്യവട്ടവും പായസവുമില്ലാതെ മലയാളികള്‍ക്ക് തിരുവോണത്തെ പടികടത്താന്‍ കഴിയില്ല. ഓണം പ്രമാണിച്ച് പച്ചക്കറിവിലയും ഉയര്‍ന്നു. പല കടകളിലും സാമൂഹിക അകലം പേരിനുമാത്രമായി. തിരക്കു നിയന്ത്രിക്കാന്‍ കടകള്‍ക്കുമുമ്പില്‍ വൃത്തം വരച്ചും സാനിറ്റൈസര്‍ നല്‍കി കൈകഴുകിച്ചുമാണ് പ്രവേശിപ്പിക്കുന്നത്.
കൊവിഡ് നിയന്ത്രണങ്ങളെല്ലാം മറി കടന്ന് ജനങ്ങള്‍ ഓണലഹരിയില്‍ മുഴികിയിരിക്കുകയാണ്. ഓണമാരംഭിച്ചപ്പോള്‍ തിരക്കില്ലാതിരുന്ന വിപണി പൂരാടമായപ്പോഴേക്കും സജീവമായിരിക്കുകയാണ്. വഴിയോരക്കച്ചവടവും പൊടിപൊടിക്കുകയാണ്. തിരുവോണം, അവിട്ടം, ചതയം ദിനങ്ങളില്‍ അവധിയായതിനാല്‍ എ.ടി.എമ്മുകളിലും തിരക്കാണ്.സദ്യ
എന്തൊക്കയായാലും ഈ കൊറോണകാലത്തെ ആരും മറന്നു പോകരുത്. രോഗ വ്യാപനം വര്‍ദ്ധിച്ചിരിക്കുന്ന സാഹചര്യത്തില്‍ സാമൂഹിക അകലം പാലിച്ചും മാസ്‌ക് ധരിച്ചും സാനിറ്റൈസര്‍ ഉപയോഗിച്ചും കരുതലോടെ ഇരിക്കേണ്ടതാണ്. ഓണത്തിരക്കില്‍ കൊറോണയുടെ കാര്യം മറന്നുപോകരുതെന്ന നിര്‍ദേശമാണ് അധികൃതര്‍ നല്‍കുന്നത്.
https://www.facebook.com/Malayalivartha
