വടക്കാഞ്ചേരിയിലെ ലൈഫ് മിഷന് ഫ്ളാറ്റ് പദ്ധതിയുടെ സുപ്രധാന രേഖ നശിപ്പിച്ചു; ആരോപണവുമായി അനില് അക്കര എം.എല്.എ; സംഭവത്തില് മുഖ്യമന്ത്രി, തദ്ദേശസ്വയംഭരണ വകുപ്പ് മന്ത്രി, ലൈഫ് മിഷന് സിഇഒ തുടങ്ങിയവരെ നുണപരിശോധനയ്ക്ക് വിധേയമാക്കണം
വടക്കാഞ്ചേരിയിലെ ലൈഫ് മിഷന് ഫ്ളാറ്റ് പദ്ധതിയുടെ സുപ്രധാന രേഖ നശിപ്പിക്കപ്പെട്ടെതായി ആരോപണം. അനില് അക്കര എംഎല്എയാണ് ഗുരുതര ആരോപണവുമായി രംഗത്ത് വന്നത്. മുഖ്യമന്ത്രിയുടെ അധ്യക്ഷതയില് വടക്കാഞ്ചേരിയില് ഭവന സമുച്ചയം നിര്മിക്കാന് തീരുമാനമെടുത്ത 2019 ജൂലൈ 11 ലെ യോഗത്തിന്റെ മിനുട്സ് ആണ് നശിപ്പിക്കപ്പെട്ടതെന്നാണ് അനില് അക്കരയുടെ ആരോപിക്കുന്നത്. യോഗത്തിലെ തീരുമാനങ്ങള് അട്ടിമറിക്കപ്പെട്ടു. നിലവില് നിര്മ്മാണം നടത്തുന്നത് റെഡ് ക്രസന്റോ യൂണിടാക്കോ അല്ലെന്നും ഹാബിറ്റാറ്റിനെ മറയാക്കി സെയിന് വെഞ്ചേഴ്സിന്റെ കീഴിലുള്ള മറ്റൊരു കമ്പനിയാമെന്നും അനില് അക്കര പറഞ്ഞു. അന്വേഷണ സംഘം ആവശ്യപ്പെട്ടാല് രേഖകള് നല്കുമെന്നാണ് വെല്ലുവിളി.
വടക്കാഞ്ചേരി ലൈഫ് മിഷന് പദ്ധതിയുടെ ഭാഗമായി ചേര്ന്ന യോഗത്തിന്റെ മിനിറ്റ്സ് നശിപ്പിക്കാന് മുഖ്യമന്ത്രിയുടെ നേതൃത്വത്തില് ഗൂഢാലോചനയെന്ന് അനില് അക്കര എം.എല്.എ. വടക്കാഞ്ചേരിയിലെ നിര്മാണത്തിന്റെ മേല്നോട്ടം സര്ക്കാരിനല്ലെന്ന് പറയുന്നത് നുണയാണെന്നും മുഖ്യമന്ത്രിയും തദ്ദേശസ്വയംഭരണ വകുപ്പ് മന്ത്രിയുമാണ് മേല്നോട്ടം വഹിക്കുന്നതെന്ന് മിനിറ്റ്സില് പറയുന്നുണ്ടെന്നും അനില് അക്കര ആരോപിച്ചു. സംഭവത്തില് മുഖ്യമന്ത്രി, തദ്ദേശസ്വയംഭരണ വകുപ്പ് മന്ത്രി, ലൈഫ് മിഷന് സിഇഒ തുടങ്ങിയവരെ നുണപരിശോധനയ്ക്ക് വിധേയമാക്കണമെന്നും അദ്ദേഹം ആവശ്യപ്പെട്ടു.
ലൈഫ് മിഷന് ജീവനക്കാരാണ് മിനിറ്റ്സ് നശിപ്പിക്കാന് കൂട്ടുനിന്നത്. ലൈഫ് മിഷന് പദ്ധതിയിലെ അഴിമതി തെളിയിക്കാന് ഈ മിനിറ്റ്സാണ് ഏറ്റവും വലിയ തെളിവ്. എന്ഫോഴ്സ്മെന്റ് ഡയറക്ടറേറ്റ്, എന്.ഐ.എ. തുടങ്ങിയ ഏജന്സികള് അടിയന്തരമായി ഇക്കാര്യത്തില് അന്വേഷണം നടത്തണം. അന്വേഷണ ഉദ്യോഗസ്ഥര് ആവശ്യപ്പെട്ടാല് തന്റെ കൈവശമുള്ള രേഖകള് കൈമാറുമെന്നും എം.എല്.എ. പറഞ്ഞു.
ലൈഫ് മിഷന് പദ്ധതിയില് പാര്പ്പിട സമുച്ചയത്തിനൊപ്പം നിര്മിക്കുന്ന ആശുപത്രിക്ക് ഇതുവരെ ആരോഗ്യവകുപ്പിന്റെ അനുമതി ലഭിച്ചിട്ടില്ലെന്നും അനില് അക്കര ആരോപിച്ചു. അഞ്ച് കോടി മുടക്കിയാണ് ആശുപത്രി പണിയുന്നതെന്നാണ് സര്ക്കാര് പറയുന്നത്. എന്നാല് ലൈഫ് മിഷന് വേണ്ടി പിഡബ്യൂഡി തയ്യാറാക്കിയത് ഒന്നരക്കോടി രൂപയുടെ എസ്റ്റിമേറ്റാണെന്നും എം.എല്.എ. ആരോപിച്ചു. വടക്കാഞ്ചേരിയിലെ കെട്ടിടനിര്മാണത്തിന് യൂണിടാക്കിനെ ചുമതലപ്പെടുത്തിയതായി റെഡ്ക്രസന്റ് ഒരു രേഖയും നല്കിയിട്ടില്ല. സ്വപ്ന സുരേഷും ശിവശങ്കരനുമാണ് യൂണിടാക്കിനെ ചുമതലപ്പെടുത്താന് നിര്ദേശിച്ചത്. ഇത് മുഖ്യമന്ത്രിയും തദ്ദേശസ്വയംഭരണ വകുപ്പ് മന്ത്രിയും അംഗീകരിക്കുകയാണ് ചെയ്തതെന്നും അനില് അക്കര പറഞ്ഞു.
https://www.facebook.com/Malayalivartha
