വേണാട്, ജനശതാബ്ദി തുടങ്ങിയ ട്രെയിനുകള് നിര്ത്തലാക്കാന് പാടില്ലെന്ന് റെയില്വേ മന്ത്രി... കൂടുതല് പാസഞ്ചര് ട്രെയിനുകളും സെപ്ഷ്യല് ട്രെയിനുകളും സര്വീസ് നടത്താന് റെയില്വേക്ക് സംസ്ഥാന സര്ക്കാര് അനുമതി നല്കണമെന്ന് കോണ്ഗ്രസ് ലോക്സഭാ ചീഫ് വിപ്പ് കൊടിക്കുന്നില് സുരേഷ്
കേരളത്തില് കൂടുതല് പാസഞ്ചര് ട്രെയിനുകളും സെപ്ഷ്യല് ട്രെയിനുകളും സര്വീസ് നടത്താന് റെയില്വേക്ക് സംസ്ഥാന സര്ക്കാര് അനുമതി നല്കണമെന്ന് കോണ്ഗ്രസ് ലോക്സഭാ ചീഫ് വിപ്പ് കൊടിക്കുന്നില് സുരേഷ്. കൊവിഡ്-19ന്റെ മാനദണ്ഡങ്ങളുടെ പേരില് സംസ്ഥാനത്ത് സാധാരണക്കാര്ക്ക് യാത്രാ സൗകര്യം നിഷേധിക്കുന്നതില് യാതൊരു ന്യായീകരണമില്ല.
മറ്റ് സംസ്ഥാനങ്ങളില് പാസഞ്ചര്, ഇന്റര്സിറ്റി, മെമു സര്വ്വീസുകള് എല്ലാം സര്വ്വീസ് നടത്തുമ്പോള് കേരളത്തില് മാത്രം സര്വ്വീസ് നടത്താന് അനുമതി നല്കാത്തത് പ്രതിഷേധാര്ഹമാണെന്നും കൊടിക്കുന്നില് പറഞ്ഞു.
12-ാം തിയ്യതി മുതല് റെയില്വേ മന്ത്രാലയം നിര്ത്തലാക്കുമെന്ന് പ്രഖ്യാപിച്ചിട്ടുള്ള വേണാട്, ജനശതാബ്ദി തുടങ്ങിയ ട്രെയിനുകള് നിര്ത്തലാക്കാന് പാടില്ലെന്ന് റെയില്വേ മന്ത്രി പീയൂഷ് ഗോയലിനയച്ച കത്തില് എം.പി ആവശ്യപ്പെട്ടു. കേരളത്തിലോടുന്ന ട്രെയിനുകളുടെ വിവിധ സ്റ്റേഷനുകളിലെ സ്റ്റോപ്പുകള് നിര്ത്തലാക്കുന്ന നടപടി യാത്രക്കാരെ ദ്രോഹിക്കാനാണെന്നും ഇത് യാത്രക്കാരെ വല്ലാതെ വലച്ചിരിക്കുകയാണെന്നും കേന്ദ്ര സര്ക്കാരിനെ അറിയിച്ചു.
കൊവിഡ്-19ന്റെ പേരിലുള്ള നടപടികള് വലിയ ദുരിതങ്ങളാണ് റെയില്വേ യാത്രക്കാര്ക്ക് നല്കിയിരിക്കുന്നത്. സംസ്ഥാനത്തെ ജനങ്ങളുടെയും യാത്രക്കാരുടെയും താല്പര്യങ്ങള്ക്കനുസരിച്ച് ട്രെയിനുകള് പുനഃസ്ഥാപിക്കുന്നതിനുപകരം യാത്രക്കാര്ക്ക് ഗുണകരമല്ലാത്ത തീരുമാനങ്ങള് അടിച്ചേല്പിക്കുന്ന റെയില്വേ ഉദ്യോഗസ്ഥരുടെ നടപടി തിരുത്തണമെന്നും യാത്രക്കാര്ക്ക് ഉപകാരപ്രദമായ നടപടികള് സ്വീകരിക്കാന് റെയില്വേ മന്ത്രാലയം തയ്യാറാകണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
