കോഴിക്കോട് മെഡിക്കൽ കോളേജിൽ നിപ്പ രോഗികൾക്ക് കാലാവധി കഴിഞ്ഞ മരുന്ന് നൽകിയതായി സംശയിക്കുന്നുണ്ടെന്ന് നിയമസഭയിൽ വെളിപ്പെടുത്തി ആരോഗ്യമന്ത്രി കെ.മുരളീധരൻ. സാധാരണയായി വിപണിയിലെത്തുന്ന ഏത് മരുന്നിന്റെ കവറിലും നിര്‍മ്മാണ തീയതിയും (മാനുഫാക്ചറിങ് ഡേറ്റ്) കാലാവധി അവസാനിക്കുന്ന തീയതിയും (എക്‌സ്പയറി ഡേറ്റ്) കൃത്യമായി രേഖപ്പെടുത്തേണ്ടതുണ്ട്. എന്നാല്‍ നിപ ബാധിതര്‍ക്കായി എത്തിച്ച മരുന്നുകളില്‍ നിര്‍മ്മാണ തീയതി രേഖപ്പെടുത്തിയിരുന്നില്ലെന്ന ഞെട്ടിക്കുന്ന വിവരമാണ് ഇപ്പോള്‍ പുറത്തുവന്നിരിക്കുന്നത്.

ജീവന്‍രക്ഷാ മരുന്നുകളുടെ കാര്യത്തില്‍ ഉണ്ടായ ഈ വീഴ്ച അതീവ ഗൗരവത്തോടെയാണ് സര്‍ക്കാര്‍ കാണുന്നത്.കഴിഞ്ഞ സർക്കാരിന്റെ കാലത്ത് 2023- 2025 കാലയളവിൽ നല്‍കിയ മരുന്നാണിത്. 2021 ജൂണിൽ വാങ്ങിയവയുടെ കാലാവധി 2023 മേയിൽ കഴിഞ്ഞിരുന്നു.മെഡിക്കൽ സർവീസസ് കോർപറേഷൻ മുഖേന വാങ്ങിയ റെംഡിസിവർ മരുന്നിലാണ് സംശയം. കൊവിഡിനും ഇതു നൽകിയിട്ടുണ്ടെന്നാണ് വിവരം.മരുന്ന് കഴിച്ച മുഴുവൻ രോഗികളുടെയും വിവരം ലഭ്യമാക്കുന്നതിന് ആരോഗ്യഡയറക്ടർക്കും

മെഡിക്കൽ വിദ്യാഭ്യാസ ഡയറക്ടർക്കും നിർദ്ദേശം നൽകി. 2023ലെ ആറ് നിപ്പ രോഗികളിൽ രണ്ടുപേരും 2024ലെ രണ്ടു കേസുകളിൽ രണ്ടുപേരും 2025ലെ മൂന്ന് കേസുകളിൽ രണ്ടുപേരും മരിച്ചിരുന്നു. കാലാവധി കഴിഞ്ഞ മരുന്ന് ഉപയോഗിച്ചതുകൊണ്ടാണോമരിച്ചതെന്നും മറ്റുള്ളവർക്ക് പാർശ്വഫലമുണ്ടോയെന്നും അന്വേഷിക്കും. ഇതിനായി ഇൻഫക്ഷ്യസ് ഡിസീസ് മേധാവി ഡോ.അരവിന്ദിന്റെ നേതൃത്വത്തിൽ മെഡിക്കൽ ബോർഡ് രൂപീകരിക്കാൻ നിർദ്ദേശം നൽകും.

മാത്യു കുഴൽനാടന്റെ സബ്മിഷന് മറുപടി നൽകുകയായിരുന്നു മന്ത്രി.റെംഡിസിവർ മെഡിക്കൽ സർവീസസ് കോർപറേഷൻ മുഖേനയേ ആശുപത്രികളിൽ വിതരണം ചെയ്തിട്ടുള്ളൂ. അവശ്യ വിഭാഗത്തിൽപെട്ട നോബിഡർ ഇനമായതിനാൽ കാരുണ്യ വഴിയാണ് വാങ്ങിയത്.