കേരളത്തെ ഞെട്ടിച്ച കോടികളുടെ സാമ്പത്തിക തട്ടിപ്പ് കേസില്‍ ബി.എല്‍.എം ഗ്രൂപ്പ് ചെയര്‍മാനും മാധ്യമ സ്ഥാപന ഉടമയുമായ ആര്‍. പ്രേംകുമാര്‍ ക്രൈംബ്രാഞ്ച് പിടിയിലായ സംഭവത്തില്‍ മുഖ്യധാരാ മാധ്യമങ്ങള്‍ക്കും ചില മാധ്യമപ്രവര്‍ത്തകര്‍ക്കുമെതിരെ അതിരൂക്ഷ വിമര്‍ശനവുമായി മുന്‍ എം.എല്‍.എ രാഹുല്‍ മാങ്കൂട്ടത്തില്‍ രംഗത്ത്.ഫേസ്ബുക്കിൽ പങ്കുവച്ച പോസ്റ്റ് വായിക്കാം..ഒരു സാങ്കൽപ്പിക കഥ പറയാം..നമ്മുടെ നാട്ടിലെ ഒരു ചെറിയ തട്ടുകട. ആ കടയിൽ ദോശയ്ക്ക് GST ബിൽ കൊടുക്കുന്നില്ല എന്ന് പറഞ്ഞ് റെയ്ഡ് നടത്തി

ആ തട്ടുകടക്കാരനെ പോലീസ് അറസ്റ്റ് ചെയ്തു എന്ന് വിചാരിക്കുക.(സാങ്കല്പികം മാത്രം)എന്തായിരിക്കും പിന്നീടുള്ള ചാനൽ പുകിൽ?തട്ടുകടക്കാരനെ അറസ്റ്റ് ചെയ്ത് സ്റ്റേഷനിൽ കൊണ്ടുപോകുന്നതും, അവിടെ നിന്ന് കോടതിയിലേക്ക് കൊണ്ടുപോകുന്നതും,അവിടെ നിന്ന് ജയിലിലേക്ക് കൊണ്ടുപോകുന്നതും വരെയുള്ള മാരത്തോൺ ലൈവുകൾ. തട്ടുകടയിൽ നിന്ന് പണ്ട് ദോശ കഴിച്ചവരുടെ അനുഭവകഥകൾ. തട്ടുകടക്കാരന്റെ വീട്ടുകാരുടെ ഓരോ നിമിഷവും ഒളിക്യാമറയിൽ പകർത്തൽ. ഒടുവിൽ ഈ ചാനലുകാർ തന്നെ SIT ഒക്കെ ഉണ്ടാക്കി ഇയാളുടെ കൂട്ടുകാരായ തട്ടുകടക്കാരുടെ കടകളിൽ റെയ്ഡ്…

മൊത്തത്തിൽ ചാനലുകളുടെ ഉത്സവരാവ്!ഇനി ഇന്നലെ നടന്ന ഒരു യഥാർത്ഥ സംഭവം പറയാം…കേരളത്തിലെ സാധാരണക്കാരായ മനുഷ്യരിൽ നിന്ന് നിക്ഷേപം സ്വീകരിച്ച് നാലായിരം കോടി രൂപ പറ്റിച്ച കേസിൽ പ്രേംകുമാർ എന്ന ഒരാളെ കേരള പോലീസ് അറസ്റ്റ് ചെയ്തു. ആ അറസ്റ്റ് തമിഴ്‌നാട്ടിൽ വരെ വലിയ വിവാദവും വാർത്തയുമാണ്.ഇത്ര വലിയ തട്ടിപ്പായിട്ടും നിങ്ങൾ അത് അറിഞ്ഞോ? ഇല്ല.കാരണം എന്താണ്? ഒരു മാധ്യമവും കാര്യമായി വാർത്ത കൊടുത്തില്ല.

എന്താണ് കാരണം എന്നല്ലേ?ഈ പ്രേംകുമാർ കുറെയേറെ അന്തംകമ്മി മാധ്യമ അടിമകൾ ജോലി ചെയ്യുന്ന ന്യൂസ് മലയാളം എന്ന മാധ്യമ സ്ഥാപനത്തിന്റെ മുതലാളിയാണ്.അതായത്,പാവങ്ങളെ പറ്റിച്ച പണം മാസംതോറും വാങ്ങി മൂക്കുമുട്ടെ തിന്ന് ഏമ്പക്കവും വിട്ടിട്ടാണ് അതിലെ കമ്മി അടിമകൾ നാട്ടുകാരെ ധാർമികത പഠിപ്പിക്കാൻ ഇറങ്ങുന്നത് എന്ന് ചുരുക്കം.സിപിഎം സൈബർ ക്രിമികീടങ്ങൾ കൊടുക്കുന്ന സ്ക്രിപ്റ്റ് പ്രോംപ്റ്ററിൽ നോക്കി വായിക്കുന്ന കഥാപ്രസംഗകർക്ക് ആർക്കും ഇന്നലെ ഈ തട്ടിപ്പിന്റെ കഥ പറയണ്ടേ? എങ്ങനെ പറയും?

ആ തട്ടിപ്പിന്റെ കുപ്പിയും കോഴിക്കാലും വയറ്റിൽ നിന്ന് പോയിട്ടില്ലല്ലോ!ഇവരൊക്കെ കൂടിയാണ് കോൺഗ്രസിനെയും സർക്കാരിനെയുമൊക്കെ എല്ലാ വൈകുന്നേരവും ഉപദേശിക്കാൻ ഇറങ്ങുന്നത്. അതേ, രണ്ടും കൂടി വേണ്ടാ കേട്ടോ!തൽക്കാലം മുതലാളിയുടെ തട്ടിപ്പ് വൈറ്റ് വാഷ് ചെയ്തു കൊടുക്ക്. മമ്മൂട്ടിയെ തെറി പറഞ്ഞു നടക്കുന്ന സൈബർ ക്രിമികീടങ്ങൾക്ക് പുതിയ പണിയാകട്ടെ…ഇന്ന് കേരളത്തിൽ ഏതൊരു ക്രിമിനലിനും ഒളിച്ചിരിക്കാൻ പറ്റുന്ന ഏറ്റവും നല്ല ഒളിത്താവളം അന്തംകമ്മികൾ ജോലി ചെയ്യുന്ന മാധ്യമ സ്ഥാപനങ്ങളുടെ മുതലാളിക്കസേരയാണ്…

അപ്പോൾ കഥപ്രസംഗം തുടങ്ങാം, “മുഖ്യമന്ത്രി രാജിവെക്കുക...” എന്നും പറഞ്ഞാണ് പോസ്റ്റ് അവസാനിക്കുന്നത് . കമന്റ്..തട്ടുകടക്കാരൻ ദോശയ്ക്ക് ജി.എസ്.ടി കൊടുത്തില്ലെങ്കിൽ സ്പെഷ്യൽ ഇൻവെസ്റ്റിഗേഷൻ ടീമും, മാരത്തൺ ലൈവും നടത്തുന്ന ചാനൽ സിംഹങ്ങൾ... സ്വന്തം മുതലാളി 4,000 കോടി മുക്കിയപ്പോൾ വെള്ളത്തിനടിയിലെ മീൻ കണക്കെ സൈലന്റ്!എന്തായാലും 'സത്യം പറയട്ടെ' എന്ന ലോഗോ മാറ്റി ഇനി 'മുതലാളിയെ വെളുപ്പിക്കട്ടെ' എന്ന് മാറ്റുന്നതായിരിക്കും നല്ലത്. വൈകുന്നേരങ്ങളിൽ നാട്ടുരാജാക്കന്മാരെപ്പോലെ ഇരുന്ന് ധാർമികത പ്രസംഗിക്കുമ്പോൾ,

സ്വന്തം സ്റ്റുഡിയോയുടെ അടിത്തറ പണിതത് പാവങ്ങളുടെ പണം തട്ടിയ തട്ടിപ്പുകാരാനാണെന്ന കാര്യം കൂടി ഓർക്കുന്നത് നന്നായിരിക്കും!,,എന്നാണ് ഒരാൾ പങ്കുവച്ചത്. കേരളത്തിൽ ഇത് ചർച്ചയാകുന്നില്ലെങ്കിലും തമിഴ് നാട്ടിൽ ചൂട് പിടിച്ച ചർച്ചയാണ് നടക്കുന്നത്. 5,000 കോടി രൂപയുടെ സാമ്പത്തിക തട്ടിപ്പ് കേസിൽ കേരള പൊലീസിന്‍റെ പിടിയിലായ ബി.എൽ.എം. പ്രേംകുമാറും തമിഴ്നാട് മുഖ്യമന്ത്രി വിജയിയും ടി.വി.കെ. മുതിർന്ന നേതാക്കളും തമ്മിലുള്ള ബന്ധത്തിൽ കേന്ദ്ര ഏജൻസികളുടെ അന്വേഷണം വേണമെന്ന് പ്രതിപക്ഷ നേതാവ് ഉദയനിധി സ്റ്റാലിൻ.