കുരങ്ങന്മാരെ ഉന്നം വയ്ക്കുന്നത് കണ്ട് തോക്കു പിടിച്ചെടുത്ത വനപാലകര്ക്ക് പറ്റിയത് അമളി; പിടിച്ചെടുത്തത് ഉണ്ടയില്ലാ തോക്കായ എയര്ഗണ്!
തെന്മല വനം ഡിവിഷനല് ഒാഫിസിലെത്തി തിരികെ മടങ്ങുകയായിരുന്ന ഫ്ലയിങ് സ്ക്വാഡ് സംഘം നെടുവെണ്ണൂര്ക്കടവില് തോക്കുമായി ഉന്നം പിടിക്കുകയായിരുന്ന ആളില് നിന്നും തോക്കു പിടിച്ചെടുത്തു. എന്നാല് പിടിച്ചെടുത്തത് ഉണ്ടയില്ലാ തോക്കായ എയര്ഗണ് ആണെന്നു വ്യക്തത വന്നതോടെ വനംവകുപ്പ് തിരിച്ചു നല്കി.
കൃഷിയിടത്തില് കുരങ്ങന്മാരെ ഒാടിക്കാനായി വെടിപൊട്ടിക്കാന് തോക്ക് ഉന്നം പിടിക്കുകയായിരുന്നു കര്ഷകന്. സംഭവം നേരില് കണ്ടതോടെ വന്യമൃഗവേട്ടയെന്നു ഫ്ലയിങ് സ്ക്വാഡ് സംഘം തെറ്റിദ്ധരിച്ചു. കര്ഷകന്റെ അടുക്കലെത്തി തോക്ക് പിടിച്ചു വാങ്ങി അഞ്ചല് റേഞ്ചിലെ കളങ്കുന്ന് സെക്ഷന് വിഭാഗത്തിനു മേല്നടപടികള്ക്കായി കൈമാറി സംഘം മടങ്ങി.
അഞ്ചല് റേഞ്ച് അധികൃതര് സ്ഥലത്തെത്തി നടത്തിയ പരിശോധനയിലാണ് പിടിച്ചെടുത്തത് എയര്ഗണ് ആണെന്ന്് മനസ്സിലായത്. അമളി ആരും അറിയേണ്ടെന്നു കരുതി എല്ലാം രഹസ്യമാക്കി കാര്യങ്ങള് അവസാനിപ്പിച്ചു വനപാലകര് മടങ്ങി. വനാതിര്ത്തി മേഖലകളില് എയര്ഗണ് ഉപയോഗിച്ചു വെടിപൊട്ടിച്ചു ശബ്ദമുണ്ടാക്കി വന്യമൃഗങ്ങളെ ഒാടിക്കുക പതിവാണ്.
https://www.facebook.com/Malayalivartha
