വിദുര കോഴ്സുകള് പൂര്ണമായി ശ്രീനാരായണ ഗുരു ഓപ്പണ് സര്വകലാശാലയ്ക്ക് കീഴിലാക്കില്ല; നിര്ണായക വ്യവസ്ഥ ഹൈക്കോടതി സ്റ്റേ ചെയ്തു; ഹര്ജിക്കാര് പാരലല് കോളേജ് വിദ്യാര്ത്ഥികളും മാനേജ്മെന്റുകളും
ശ്രീ നാരായണ ഗുരു ഓപ്പണ് സര്വകലാശാല ഓര്ഡിനന്സിലെ നിര്ണായക വ്യവസ്ഥ ഹൈക്കോടതി സ്റ്റേ ചെയ്തു. സംസ്ഥാനത്തെ എല്ലാ വിദൂര, സ്വകാര്യ കോഴ്സുകളും പൂര്ണമായി ശ്രീനാരായണ ഗുരു ഓപ്പണ് സര്വകലാശാലയ്ക്ക് കീഴിലാക്കുന്ന വ്യവസ്ഥ ആണ് ഹൈക്കോടതി സ്റ്റേ ചെയ്തത്.
ഒരു കൂട്ടം വിദ്യാര്ത്ഥികള് നല്കിയ ഹര്ജി പരിഗണിച്ചാണ് ഹൈക്കോടതി സ്റ്റേ ഓര്ഡര് ഇറക്കിയത്. ഇഷ്ടമുള്ള കോഴ്സ് തെരഞ്ഞെടുക്കാനും ഇഷ്ടമുള്ള സ്ഥാപനത്തില് പഠിക്കാനുമുള്ള അവകാശത്തിന്റെ ലംഘനമാണ് ഓര്ഡിനന്സിലെ വ്യവസ്ഥയെന്ന് കോടതിയെ സമീപിച്ച വിദ്യാര്ത്ഥികള് ഹര്ജിയില് ചൂണ്ടിക്കാണിച്ചിരുന്നു.
പത്തനംതിട്ടയിലെ പാരലല് കോളേജ് വിദ്യാര്ത്ഥികളും മാനേജ്മെന്റുകളും ആണ് ഹര്ജിയുമായി കോടതിയെ സമീപിച്ചത്. ഒക്ടോബര് രണ്ട് ഗാന്ധി ജയന്തി ദിനത്തിലാണ് കൊല്ലം ആസ്ഥാനമായി ശ്രീ നാരായണഗുരു ഓപ്പണ് സര്വ്വകലാശാല മുഖ്യമന്ത്രി പിണറായി വിജയന് പ്രഖ്യാപിച്ചത്. സംസ്ഥാനത്ത് നിലവിലുള്ള നാല് സ!ര്വ്വകലാശാലകളുടെ വിദൂരവിദ്യാഭ്യാസ പഠന സംവിധാനങ്ങള് സംയോജിപ്പിച്ചാണ് ഓപ്പണ് യൂണിവേഴ്സിറ്റി പ്രവര്ത്തിക്കുക.
https://www.facebook.com/Malayalivartha
