സംസ്ഥാനത്ത പച്ചക്കറി വില കുതിക്കുന്നു. ഉള്ളിയും സവാളയും വിപണി കയ്യടക്കിയിരിക്കുകയാണ് . ഇതര പച്ചക്കറി സാധനകള്‍ക്കും വിലകുതിക്കുന്നു . കിലോക്ക് 100 മുതല്‍ 120 രൂപ വരെയാണ്​ ഉള്ളിവില. എന്നാൽ സവാള 100ല്‍നിന്ന് 80ലേക്ക് താഴുന്നു. മറ്റു പച്ചക്കറികള്‍ തമ്മില്‍ വിലവര്‍ധിക്കലില്‍ മത്സരം നടക്കുകയാണ് . കിലോക്ക്​ 20 രൂപയില്‍ താഴെ വിലയുള്ള പച്ചക്കറി ഒന്നും വിപണിയിലില്ല. നേരത്തെ കിലോക്ക്​ 16 രൂപയുണ്ടായിരുന്ന കുമ്ബളങ്ങയുടെ വില 20ല്‍ ആണ് ഇപ്പോൾ. വെള്ളരി 25, കായ 28 എന്നിവയാണ്​ പിന്നെ കുറഞ്ഞ വിലയ്ക്ക്​ കിട്ടാനുള്ളത്​. ഒരാഴ്​ച മുമ്ബ്​ കിലോക്ക്​​ 20 രൂപയുണ്ടായിരുന്ന വഴുതനങ്ങ വില 30 രൂപയായി. ചേനക്കും പടവലത്തിനും ഇതേ വിലതന്നെയാണ് ഉള്ളത് . ഓണത്തിന് വില കുറവായിരുന്നു. എന്നാൽ ഇതിന് ശേഷം വില ഇറങ്ങിയിട്ടില്ല. ഇടക്കിടെ കയറുകയുന്നുമുണ്ട് . 

ബീറ്റ്റൂട്ടിനും കാബേജിനും ആഴ്ചകളായി കിലോ വില 36 രൂപയായിരുന്നു. എന്നാല്‍, ഇപ്പോള്‍ കാബേജിന്​ 55 രൂപയും ബീറ്റ്​റൂട്ടിന്​ 40 മുതല്‍ 50 രൂപവരെയുണ്ട്​. കോവക്കക്ക്​ 50 രൂപയാണുള്ളത്​. 38 രൂപയായിരുന്ന മുരിങ്ങ കിലോ വില 70 ആണ്​. പയറിന് 40 രൂപയും. കോളിഫ്ലവറിന് 42 രൂപയുമായി. തക്കാളി വില 42ല്‍നിന്ന് താഴ്​ന്നതുമാത്രമാണ്​ എടുത്തുപറയാനുള്ളത്​. 26നും 30നും തക്കാളി കിട്ടാനുണ്ട്​. വെണ്ടക്കക്ക്​ 32 രൂപയാണെങ്കില്‍ കൊത്തമര വില 40 ആണ്. 55 രൂപയാണ് അമര പയറിെന്‍റ വില. 20നും 25നും ഇടയില്‍ മാത്രമേ വില ഉണ്ടായിരുന്നുള്ളൂ ഇത്തരം സാധനങ്ങള്‍ക്ക്. പച്ചമാങ്ങ വില 80 ആണ്​. നെല്ലിക്കക്ക് 50ഉം കൂര്‍ക്കക്ക്​ 45ഉമാണ്​ വില. ഉരുളക്കിഴങ്ങിന്​ 56 രൂപയുണ്ട്​. കാരറ്റ് വില 80. ബീന്‍സ്​ 50 ആയി കുറഞ്ഞു. പച്ചമുളക് വില കിലോക്ക് 50 ആണ്. ഇഞ്ചിക്ക് 80 രൂപയും വെളുത്തുള്ളിക്ക് 140ഉമാണ് വില. മല്ലി-പൊതിന വില 100 രൂപയാണ്. ഓണത്തിന് സ്വാഭാവികമായി ഉയരുന്ന വില പിന്നീട് കുറയുകയാണുണ്ടാവുക.

കോവിഡ് പശ്ചാത്തലത്തില്‍ ഉല്‍പാദനം കുറഞ്ഞതാണ് വിലക്കയറ്റത്തിന് പ്രധാന കാരണം. ഒപ്പം, തമിഴ്നാട്ടിലുണ്ടായ മഴ പച്ചക്കറികൃഷിയെ ബാധിക്കുകയും ചെയ്തു. രണ്ടു കാരണങ്ങളും വില കയറാന്‍ കാരണമായി. മാത്രമല്ല, കോവിഡ് വ്യാപനത്തിെന്‍റ സാചര്യത്തില്‍ അന്തര്‍സംസ്ഥാന ചരക്കുനീക്കത്തില്‍ ഉണ്ടായ കടുത്ത പരിശോധനയും പെരുമാറ്റച്ചട്ടവും വരവ് കുറയാന്‍ കാരണമാണ്. സര്‍ക്കാര്‍ ഇടപെടല്‍ ഉണ്ടായില്ലെങ്കില്‍ ഇനിയും വില വന്‍തോതില്‍ ഉയരാനാണ് സാധ്യതയെന്ന് വ്യാപാരികള്‍ .