കേരളത്തിൽ തുലാവർഷം തുടങ്ങി..നാളെയോടെ തുലാവർഷം ശക്തിപ്രാപിക്കുമെന്നാണ് പ്രതീക്ഷിക്കുന്നത്. ഇടുക്കി, പത്തനംതിട്ട, കോട്ടയം, കൊല്ലം, പാലക്കാട് ജില്ലകളിൽ അടുത്ത അഞ്ച് ദിവസവും ഇടിയോടുകൂടിയ ശക്തമായ മഴയ്ക്ക് സാധ്യതയുണ്ട്
കേരളത്തിൽ തുലാവർഷം തുടങ്ങി . തിരുവനന്തപുരം, കൊല്ലം, കോട്ടയം, പത്തനംതിട്ട ജില്ലകളിൽ ശക്തമായ മഴയാണ് ഇന്ന് ഉച്ചകഴിഞ്ഞ രേഖപ്പെടുത്തിയത്. നാളെയോടെ തുലാവർഷം ശക്തിപ്രാപിക്കുമെന്നാണ് പ്രതീക്ഷിക്കുന്നത്. ഇടുക്കി, പത്തനംതിട്ട, കോട്ടയം, കൊല്ലം, പാലക്കാട് ജില്ലകളിൽ അടുത്ത അഞ്ച് ദിവസവും ഇടിയോടുകൂടിയ ശക്തമായ മഴയ്ക്ക് സാധ്യതയുണ്ട്.
ഒക്ടോബർ 31 വരെ ഇടിമിന്നലോഡ് കൂടിയ കനത്ത മഴ ഉണ്ടാകുമെന്നു മുന്നറിയിപ്പ് പുറപ്പെടുവിച്ചിട്ടുണ്ട്. ഉച്ചയ്ക്ക് രണ്ട് മുതൽ രാത്രി പത്ത് വരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണെന്നും മലയോര മേഖലയിൽ ഇടിമിന്നൽ സജീവമാകാനാണ് സാധ്യത എന്നും ജാഗ്രത നിർദ്ദേശമുണ്ട്
ശക്തമായ മഴയ്ക്കുള്ള സാധ്യത കണക്കിലെടുത്ത് വിവിധ ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. വിവിധ ജില്ലകളിൽ യെല്ലോ അലേർട്ട് പ്രഖ്യാപിച്ച ദിവസങ്ങൾ ഇങ്ങനെ
27-10-2020: തിരുവനന്തപുരം, കൊല്ലം, പത്തനംതിട്ട, ഇടുക്കി
28-10-2020: തിരുവനന്തപുരം, പത്തനംതിട്ട, കോട്ടയം, ഇടുക്കി
29-10-2020: പത്തനംതിട്ട, ഇടുക്കി
30-10-2020: പത്തനംതിട്ട, ഇടുക്കി
31-10-2020: തിരുവനന്തപുരം, കൊല്ലം, പത്തനംതിട്ട
https://www.facebook.com/Malayalivartha