ഒന്നൊന്നര വെളിപ്പെടുത്തല്... സ്വര്ണക്കടത്ത് പിടികൂടിയ കസ്റ്റംസ് ഉദ്യോഗസ്ഥനെ പുറത്താക്കാനും പാഠം പഠിപ്പിക്കാനും ഉന്നത കേന്ദ്രങ്ങളില് ഇപെടലുകള് നടത്തിയിട്ടും ഫലമില്ല; ചങ്കുറപ്പോടെ നിന്ന കസ്റ്റംസ് ഉദ്യോഗസ്ഥനായ രാമമൂര്ത്തിക്ക് എല്ലാ പിന്തുണയും നല്കി അജിത് ഡോവല്; പാഠം പഠിപ്പിക്കാന് ഇറങ്ങിത്തരിച്ചവരെല്ലാം പെട്ടുപോയി
രാജ്യത്തെ സമ്പത്ത് കൊള്ളയടിച്ച് ഒറ്റയടിക്ക് പണക്കാരാവാനിരുന്ന സ്വപ്നയും കൂട്ടരും പെട്ടുപോയത് കസ്റ്റംസ് ഓഫീസര് രാമമൂര്ത്തിയുടെ ചങ്കുറപ്പ് ഒന്നുകൊണ്ട് മാത്രമാണ്. പ്രതിസന്ധിയില് രാമമൂര്ത്തി വിട്ടുകളഞ്ഞെങ്കില് ഇത്രയും വലിയ സ്വര്ണക്കടത്ത് കൊള്ള പിടികൂടാന് കഴിയില്ലായിരുന്നു. തിരുവനന്തപുരം വിമാനത്താവളത്തില് നയതന്ത്ര ബാഗേജ് തുറക്കാന് നേതൃത്വം നല്കിയ കസ്റ്റംസ് അസിസ്റ്റന്റ് കമ്മിഷണര് രാമമൂര്ത്തിയെ പാഠം പഠിപ്പിക്കാനും ജോലിയില്നിന്ന് പുറത്താക്കാനും ശക്തമായ ശ്രമങ്ങളാണ് നടന്നത്. ഈ നീക്കം പൊളിഞ്ഞതോടെയാണ് സ്വര്ണകടത്തില് സ്വപ്നയും കൂട്ടരും പിടിയിലായത്.
സ്വര്ണക്കടത്ത് പിടികൂടിയ കസ്റ്റംസ് ഉദ്യോഗസ്ഥനെ പുറത്താക്കാന് യു.എ.ഇ. കോണ്സുലേറ്റിലെ അഡ്മിന് അറ്റാഷെ നീക്കം നടത്തിയതായാണ് പുറത്ത് വരുന്ന റിപ്പോര്ട്ട്. തിരുവനന്തപുരം വിമാനത്താവളത്തില് നയതന്ത്ര ബാഗേജ് തുറക്കാന് നേതൃത്വം നല്കിയ കസ്റ്റംസ് അസിസ്റ്റന്റ് കമ്മിഷണര് രാമമൂര്ത്തിയെ ജോലിയില്നിന്ന് പുറത്താക്കാന് ഉന്നതകേന്ദ്രങ്ങളെ സ്വാധീനിക്കാന് വലിയ ശ്രമമാണ് നടന്നത്. സ്വര്ണക്കടത്ത് ബാഗേജ് തുറക്കുംമുമ്പേ യു.എ.ഇ.യിലേക്ക് തിരികെ എത്തിക്കാന് ഉന്നതസ്വാധീനമുള്ള മലയാളിയെയും ചുമതലപ്പെടുത്തി. കേന്ദ്ര ഇക്കണോമിക് ഇന്റലിജന്സ് ബ്യൂറോയ്ക്ക് കസ്റ്റംസ് നല്കിയ റിപ്പോര്ട്ടിലാണ് ഇക്കാര്യം വ്യക്തമാക്കിയിട്ടുള്ളത്.
യു.എ.ഇ. കോണ്സല് ജനറല് ജമാല് ഹുസൈന് അല് സാബി ഏപ്രില് 21ന് ദുബായിലേക്ക് മടങ്ങിയിരുന്നു. ഇതിനുശേഷം കോണ്സുലേറ്റിന്റെ ചുമതല അഡ്മിന് അറ്റാഷെയായ റാഷിദ് ഖാമിസ് അലി മുസൈക്രി അല് അഷ്മിയക്കായിരുന്നു. ഇയാള് പെട്ടെന്ന് പണമുണ്ടാക്കാനുള്ള മാര്ഗങ്ങള് സ്വപ്നാ സുരേഷിനോട് ആരാഞ്ഞിരുന്നു. നയതന്ത്രബാഗേജിന്റെ മറവില് സ്വര്ണം കടത്താനുള്ള തന്ത്രം റാഷിദിനോട് പങ്കുവെച്ചത് അപ്പോഴാണ്. ഒരുതവണ കടത്തുന്നതിന് തനിക്ക് 1500 യു.എസ്. ഡോളര് അതായത് 1.10 ലക്ഷം രൂപ കമ്മിഷന് വേണമെന്ന് റാഷിദ് ആവശ്യപ്പെട്ടു. സ്വപ്നയും സരിത്തും ഇത് അംഗീകരിച്ചു. അതുവരെ വ്യാജ ഒപ്പ് ഇട്ടാണ് കോണ്സുലേറ്റിന്റെ അംഗീകാരപത്രം സരിത്ത് കസ്റ്റംസില് നല്കിയിരുന്നത്. കമ്മിഷന് ഉറപ്പിച്ചശേഷം ഈ കത്തില് അറ്റാഷെ തന്നെ ഒപ്പുവെച്ചുനല്കാന് തുടങ്ങി. സ്വപ്നാ സുരേഷ് നേരിട്ടും െ്രെഡവര് മുഖേനയുമാണ് ഓരോ തവണയും അറ്റാഷെയ്ക്കുള്ള കമ്മിഷന് എത്തിച്ചിരുന്നത്.
ജൂണ് 30ന് എത്തിയ നയതന്ത്ര ബാഗേജ് കസ്റ്റംസിന് തടഞ്ഞുവെച്ചു. ജൂലായ് രണ്ടിന് കസ്റ്റംസ് അസിസ്റ്റന്റ് കമ്മിഷണര് രാമമൂര്ത്തി ഈ ബാഗേജ് തുറന്ന് പരിശോധിക്കണമെന്നും ഇതിന് അറ്റാഷെ റാഷിദിന്റെ സാന്നിധ്യം ആവശ്യമാണെന്നും ചൂണ്ടിക്കാട്ടി കത്തുനല്കി. ഇതില് ക്ഷുഭിതനായ റാഷിദ് സ്വപ്നാ സുരേഷിനെ വിളിച്ചുവരുത്തി. യു.എ.ഇ. അംബാസഡറുടെ അനുമതിയില്ലാതെ നയതന്ത്ര ബാഗേജ് തുറക്കാന് കസ്റ്റംസിന് അധികാരമില്ലെന്ന് ചൂണ്ടിക്കാട്ടി. ഇക്കാര്യം അധികൃതരെ അറിയിക്കാന് ആവശ്യപ്പെട്ടു. റാഷിദ് നേരിട്ട് യു.എ.ഇ. എംബസിയിലേക്ക് വിളിക്കുകയും ബാഗേജ് പരിശോധിക്കാന് അനുവദിക്കരുതെന്ന് ആവശ്യപ്പെടുകയും ചെയ്തു.
അസിസ്റ്റന്റ് കമ്മിഷണര് രാമമൂര്ത്തിയെ കസ്റ്റംസില്നിന്ന് പുറത്താക്കാന് ഉന്നതങ്ങളില് സ്വാധീനം ചെലുത്താന് അറ്റാഷെ സ്വപ്നയോട് ആവശ്യപ്പെട്ടു. സരിത്ത് രാമമൂര്ത്തിയെ വിളിക്കുകയും നയതന്ത്രബാഗേജ് തടഞ്ഞുവെച്ചാല് പ്രത്യാഘാതം ഗുരുതരമായിരിക്കുമെന്ന് അറിയിക്കുകയും ചെയ്തു. ബാഗേജ് തിരിച്ചയക്കാന് നിര്ദേശിച്ച് കോണ്സുലേറ്റില്നിന്നും അറ്റാഷെ രാമമൂര്ത്തിക്ക് കത്തുനല്കി. ജൂലായ് അഞ്ചിന് നയതന്ത്ര ബാഗേജ് തിരികെ ദുബായിലേക്ക് എത്തുമെന്ന് അംബാസഡര് ഉറപ്പുനല്കിയതായി അറ്റാഷെ റാഷിദ് സ്വപ്നയോട് വെളിപ്പെടുത്തി. ഉന്നതസ്വാധീനമുള്ള മലയാളിയെ ഇതിനായി അംബാസഡര് ചുമതലപ്പെടുത്തിയതായി റാഷിദ് പറഞ്ഞെന്ന് സ്വപ്ന അന്വേഷണ ഏജന്സികള്ക്ക് മൊഴി നല്കിയിട്ടുണ്ട്. എല്ലാരീതിയിലും ഇടപെടാന് സാധിക്കുന്നയാളാണിതെന്നും കസ്റ്റംസിന്റെ റിപ്പോര്ട്ടിലുണ്ട്. കോണ്സല് ജനറല് ജമാല് ഹുസൈന് അല് സാബിയും ബാഗേജ് തുറക്കാതെ തിരികെ അയക്കാന് വേണ്ടത് ചെയ്തിട്ടുണ്ടെന്ന് സ്വപ്നയെ വിളിച്ചറിയിച്ചിരുന്നു.
ഇത്രയേറെ രാഷ്ട്രീയ സ്വാധീനം ചെലുത്തിയിട്ടും രാമമൂര്ത്തി വീഴാതിരുന്നത് കേന്ദ്രത്തിന്റെ ശക്തമായ പിന്തുണയാണ്. രാജ്യസുരക്ഷാ ഉപദേഷ്ടാവ് അജിത് ഡോവല് പ്രശ്നത്തിലിടപെട്ടതോടെ അറ്റാഷെയുടെ അറ്റാക്ക് മറികടന്ന് രാമമൂര്ത്തി തന്നെ ബാഗ് തുറന്നു. അതോടെ അറ്റാഷെ രാജ്യത്തിന് പുറത്തും സ്വപ്ന അകത്തുമായി.
"
https://www.facebook.com/Malayalivartha
