അഭയ കൊലക്കേസ്: പ്രതികളിലേയ്ക്ക് എത്തുവാന് സഹായകരമായത് നാര്കോ ടെസ്റ്റ് നടത്തിയത് കൊണ്ടാണെന്ന് സി.ബി.ഐ ഡിവൈഎസ്പി അഗര്വാള്:പ്രതികളുടെ രേഖാമൂലമുള്ള സമ്മതത്തോടെയും സിജെഎം കോടതിയുടെ ഉത്തരവ് പ്രകാരമാണ് നാര്ക്കോ നടത്തിയതെന്നും സിബിഐ ഡിവൈഎസ്പി
സിസ്റ്റര് അഭയ കൊലക്കേസില് പ്രതികളിലേയ്ക്ക് സി.ബി.ഐക്ക് എത്തിച്ചേരുവാന് കഴിഞ്ഞത് നാര്കോ അനാലിസിസ് ടെസ്റ്റ്, പോളിഗ്രാഫ്, ബ്രെയിന് മാപ്പിംഗ് ഫിംഗര് പ്രിന്റ്സ് തുടങ്ങിയ ശാസ്ത്രീയ പരീക്ഷണങ്ങള് പ്രതികളുടെ സമ്മതത്തോടെ നടത്തുവാന് ഇടയായതാണെന്ന് സിബിഐ ഡിവൈഎസ്പി ആര്. കെ. അഗര്വാള് സാക്ഷിമൊഴി നല്കി. തിരുവനന്തപുരം സി.ബി.ഐ കോടതയില് സാക്ഷി മൊഴി നല്കവേയാണ് അഗര്വാള് സിബിഐ ജഡ്ജി കെ. സനില്കുമാര് മുമ്പാകെ ഇക്കാര്യം വെളിപ്പെടുത്തിയത്. പ്രതികളുടെ രേഖാമൂലമുള്ള സമ്മതപത്രത്തോടു കൂടി എറണാകുളം ചീഫ് ജുഡീഷ്യല് മജിസ്ട്രേട്ട് കോടതിയുടെ അനുമതി ഉത്തരവ് പ്രകാരമാണ് ശാസ്ത്രീയ പരിശോധനകള് നടത്തിയതെയെന്നും അന്വേഷണ ഉദ്യോഗസ്ഥന് മൊഴി നല്കി. പ്രോസിക്യൂഷന് ഭാഗം നാല്പത്തിയൊന്നാം സാക്ഷിയായാണ് ആര്. കെ. അഗര്വാള് സി .ബി .ഐ കോടതിയില് മൊഴി നല്കിയത്.
ഒന്നാം പ്രതി ഫാ. തോമസ് കോട്ടൂര് , രണ്ടാം പ്രതി സിസ്റ്റര്. സ്റ്റെഫി എന്നിവര് പരിശോധനക്ക് സമ്മതമാണെന്ന് സി ബി ഐ ക്ക് മുന്കൂറായി സ്വമേധയാ ഒപ്പിട്ട് നല്കിയ സമ്മതപത്രങ്ങള് , അതിന്റെ അടിസ്ഥാനത്തില് എറണാകുളം സിജെഎം കോടതി പുറപ്പെടുവിച്ച ശാസ്ത്രീയ പരിശോധന ഉത്തരവ് എന്നിവ പ്രോസിക്യൂഷന് ഭാഗം രേഖകളായി അക്കമിട്ട് സിബിഐ കോടതി തെളിവില് സ്വീകരിച്ചു.
പ്രോസിക്യൂഷന് ഭാഗം ഏക ദൃക്സാക്ഷിയായായ മൂന്നാം സാക്ഷി അടയ്ക്ക രാജു അഭയ കൊല്ലപ്പെട്ട ദിവസം പുലര്ച്ചെ പയസ് ടെന്റ് കോണ്വെന്റിലെ ടെറസില് വച്ച് രണ്ടു വൈദികരെ കണ്ടിരുന്നു എന്ന് അടയ്ക്ക രാജു തനിക്ക് മൊഴി നല്കിയിരുന്നുവെന്നും അന്വേഷണ ഉദ്യോഗസ്ഥന് ആയ ആര് .കെ അഗര്വാള് മൊഴി നല്കി.
2007 ജൂണ് മുതല് 2008 നവംബര് ഒന്ന് വരെയാണ് സിബിഐ ഡി.വൈ.എസ്.പി അഗര്വാള് അഭയ കേസിന്റെ അന്വേഷണം നടത്തിയെന്നും കോടതിയില് മൊഴി നല്കി. കേസില് സി ബി ഐ അന്വേഷണ സംഘത്തില് ഉണ്ടായിരുന്ന എസ്. പി. കെ . എം വര്ക്കിയെയും സി .ബി .ഐ കോടതിയില് വിസ്തരിച്ചു .
1992 മാര്ച്ച് 27 നാണ് അഭയ പയസ് ടെന്ത് കോണ്വെന്റിലെ കിണറ്റില് ദുരൂഹ സാഹചര്യത്തില് കൊല്ലപ്പെട്ട നിലയില് കാണപ്പെട്ടത്. ഫാ.തോമസ് കോട്ടൂര്, സിസ്റ്റര് സെഫി എന്നിവരാണ് ഇപ്പോള് വിചാരണ നേരിടുന്ന പ്രതികള്. പ്രതികള് ലൈംഗിക ബന്ധത്തില് ഏര്പ്പെട്ട് കോംപ്രമൈസിംഗ് പൊസിഷനില് കിടക്കുന്നത് , വെളുപ്പിന് പരീക്ഷക്ക് പഠിക്കാനായി സെല്ലാര് അടുക്കളയിലെ ഫ്രിഡ്ജില് നിന്ന് വെള്ളമെടുക്കാന് വന്ന , അഭയ കാണാനിയായതായും സംഭവം പുറം ലോകമറിയുമെന്ന് ഭയന്ന് കൈക്കോടാലി കൊണ്ട് പുറം തലയിലടിക്കുകയും ബോധരഹിതയായി വീണ അഭയയെ പ്രതികള് കൊലക്കുറ്റത്തില് നിന്ന് ഉണ്ടാകാനിടയുള്ള ശിക്ഷയില് നിന്ന് സ്വയം രക്ഷപ്പെടാന് വലിച്ചിഴച്ച് കൊണ്ടു പോയി കോംപൗണ്ടിലെ കിണറ്റില് എറിഞ്ഞ് ആത്മഹത്യയാക്കി മാറ്റി തെളിവ് നശിപ്പിച്ചുവെന്നുമാണ് പ്രോസിക്യൂഷന് കേസ്. കേസ് വിചാരണ ബുധനാഴ്ചയും തുടരും.
"
https://www.facebook.com/Malayalivartha
