ശബരിമല മണ്ഡലമകരവിളക്ക് തീര്ത്ഥാടന സമയത്ത് വഴിയോരത്ത് ഗ്യാസ് ഉപയോഗിച്ചുളള പാചകത്തിനും പ്ലാസ്റ്റിക്കിനും നിരോധനം
ഇത്തവണത്തെ ശബരിമല മണ്ഡലമകരവിളക്ക് തീര്ത്ഥാടന സമയത്ത് വഴിയോരത്ത് ഗ്യാസ് ഉപയോഗിച്ചുളള പാചകത്തിനും പ്ലാസ്റ്റിക്കിനും നിരോധനം ഏര്പ്പെടുത്തി. പത്തനംതിട്ട മുതല് പമ്ബ വരെയുള്ള വഴിയോരങ്ങള്, നിലയ്ക്കല് ബേസ് ക്യാമ്ബിലെ പാര്ക്കിംഗ് ഗ്രൗണ്ട് എന്നിവിടങ്ങളില് വാഹനങ്ങളുടെ സമീപം ഗ്യാസ് സിലിണ്ടര് ഉപയോഗിച്ച് പാചകം ചെയ്യുന്നതാണ് 2005ലെ ദുരന്തനിവാരണ നിയമപ്രകാരം നിരോധിച്ചു. ഇത് സംബന്ധിച്ച മുന്നറിയിപ്പ് ബോര്ഡുകള് വിവിധ ഭാഷകളില് ബന്ധപ്പെട്ട തദ്ദേശ സ്ഥാപനങ്ങളും വനംവകുപ്പും തിരുവിതാംകൂര് ദേവസ്വം ബോര്ഡും സ്ഥാപിക്കണമെന്നും ജില്ലാ കളക്ടറുടെ ഉത്തരവില് പറയുന്നു.
ഒപ്പം നിലയ്ക്കല് ബേസ് ക്യാമ്ബ് മുതല് സന്നിധാനം വരെയുള്ള കടകളില് മാംസാഹാരം പാകം ചെയ്യുന്നതും വിതരണം ചെയ്യുന്നതും ഉപയോഗിക്കുന്നതും കേരള പോലീസ് ആക്ടിലെ വകുപ്പ് 80 പ്രകാരം നിരോധിച്ചു. അതേസമയം ശബരിമല മണ്ഡലമകരവിളക്ക് തീര്ത്ഥാടന കാലയളവില് കച്ചവടക്കാര് അമിത വില ഈടാക്കി തീര്ഥാടകരെ ചൂഷണം ചെയ്യുന്നത് തടയുന്നതിനായി എല്ലാ ഭക്ഷണശാലകളിലും വിവിധ ഭാഷകളില് വില വിവര പട്ടിക പ്രദര്ശിപ്പിക്കുന്നത് നിര്ബന്ധമാക്കി. അതേസമയം വടശ്ശേരിക്കര മുതല് പമ്ബ വരെയുള്ള സ്ഥലങ്ങളിലെ കടകളില് ജോലിക്കായി എത്തുന്നവര്ക്കും മറ്റ് കരാര് ജോലിക്കായി എത്തുന്നവര്ക്കും തിരിച്ചറിയല് കാര്ഡ്, കോവിഡ് നെഗറ്റീവ് സര്ട്ടിഫിക്കറ്റ്, ഹെല്ത്ത് കാര്ഡ് എന്നിവയും നിര്ബന്ധമാക്കി.
https://www.facebook.com/Malayalivartha
