സഖാക്കള് കണ്ടം വഴിയോടി... ശിവശങ്കറിനെ കസ്റ്റഡിയിലെടുത്ത ശേഷം മണിക്കൂറുകള് കഴിഞ്ഞും അറസ്റ്റ് ചെയ്യാതായതോടെ തെളിവില്ലാതെ ശിവശങ്കര് ഊരുമെന്ന് വീരവാദം പറഞ്ഞ് സഖാക്കള്; പുലികളെയിറക്കി മുന്കൂര് ജാമ്യ ഹര്ജി തള്ളിയ ഡോവല് കളം നിറഞ്ഞപ്പോള് ഞൊടിയിടയ്ക്കുള്ളില് ഇടിത്തീയായി എന്ഫോഴ്സ്മെന്റ്; തെളിവുകള് വാരിക്കൂട്ടിയപ്പോള് പാതിരാത്രിയില് അറസ്റ്റ്
സ്വര്ണക്കടത്ത് കേസില് ഇന്നലെ നാടകീയ ക്ലൈമാക്സാണ് ഉണ്ടായത്. ഹൈക്കോടതിയിലെ മുന്കൂര് ജാമ്യ ഹര്ജി കാട്ടി കസ്റ്റംസിനേയും എന്ഫോഴ്സ്മെന്റ് ഡയറക്ടറേയും കളിയാക്കിയ സര്ക്കാര് മുന് പ്രിന്സിപ്പല് സെക്രട്ടറി എം. ശിവശങ്കറിനെ ഇഡി ചുരുട്ടിക്കൂട്ടിയങ്ങെടുത്തു. രാവിലെ തുടങ്ങിയ ക്ലൈമാക്സ് അവസാനിച്ചത് പാതിരാത്രിയാണ്.
കോടതി വിധി വന്നതിന് പിന്നാലെ ശിവശങ്കറിനെ കസ്റ്റഡിയിലെടുത്തപ്പോഴും തെളിവില്ലാത്തതിനാല് തൊടാന് കഴിയില്ലെന്നാണ് ചാനല് ചര്ച്ചാ സഖാക്കള് വാദിച്ചത്. ഇപ്പോള് മുന്കൂര് ജാമ്യം കിട്ടുമെന്ന് കരുതിയ സന്ദര്ഭത്തിലാണ് രാജ്യസുരക്ഷാ ഉപദേഷ്ടാവ് അജിത് ഡോവല് പുലികളെ ഇറക്കി ശക്തമായ തെളിവുണ്ടാക്കയാണ് ശിവശങ്കറിന് മുന്കൂര് ജാമ്യം നിഷേധിച്ചത്. അതിന് പിന്നാലെ കസ്റ്റംസ് ആദ്യം അറസ്റ്റ് ചെയ്യണോ ഇഡി ആദ്യം അറസ്റ്റ് ചെയ്യണോ എന്ന തര്ക്കമുണ്ടായി. രാത്രി വൈകിയതോടെ പഴയ മാരത്തോണ് ചര്ച്ച പോലെ എല്ലാം കഴിഞ്ഞ് ശിവശങ്കര് പുറത്തിറങ്ങുമെന്നാണ് കരുതിയത്. അപ്പോഴാണ് ഡോവലിന്റെ ഒന്നൊന്നര ഇടപെടല്. അതോടെ ശിവശങ്കറിന്റെ കാര്യം തീര്പ്പായി. നയതന്ത്ര സ്വര്ണക്കടത്തു കേസിലെ നാടകീയ നീക്കങ്ങള്ക്കൊടുവില് എം. ശിവശങ്കറിനെ എന്ഫോഴ്സ്മെന്റ് ഡയറക്ടറേറ്റ് രാത്രി വൈകി ഇ.ഡി അറസ്റ്റ് ചെയ്തു.
എന്ഫോഴ്സ്മെന്റ്, കസ്റ്റംസ് കേസുകളില് നല്കിയിരുന്ന മുന്കൂര് ജാമ്യാപേക്ഷകള് ഇന്നലെ രാവിലെ ഹൈക്കോടതി തള്ളിയിരുന്നു. തിരുവനന്തപുരത്ത് വഞ്ചിയൂരിലെ ആയുര്വേദ ആശുപത്രിയിലെത്തി, ശിവശങ്കറിനെ ഇ.ഡി കസ്റ്റഡിയിലെടുത്തിരുന്നു. കൊച്ചിയിലെത്തിച്ച് ഏഴു മണിക്കൂറോളം ചോദ്യം ചെയ്തതിനു ശേഷം രാത്രി 10.10 ഓടെയാണ് കള്ളപ്പണം വെളുപ്പിക്കല്കുറ്റം ചുമത്തിയുള്ള അറസ്റ്റ്. ഇന്ന് എറണാകുളം പ്രിന്സിപ്പല് സെഷന്സ് കോടതിയില് ഹാജരാക്കും. തദ്ദേശ തിരഞ്ഞെടുപ്പിന് തൊട്ടുമുമ്പ് ഇടതുസര്ക്കാരിനെ മുള്മുനയിലാക്കുന്നതാണ് കേസിലെ വഴിത്തിരിവ്.
കേസിലെ മുഖ്യപ്രതി സ്വപ്നയുടെ സാമ്പത്തിക ഇടപാടുകള് ശിവശങ്കര് നിയന്ത്രിച്ചിരുന്നതായാണ് കണ്ടെത്തല്. ഇതു സംബന്ധിച്ച് ശിവശങ്കറിന്റെ ചാര്ട്ടേര്ഡ് അക്കൗണ്ടന്റ് നല്കിയ മൊഴികള് അറസ്റ്റില് നിര്ണായകമായി. ചോദ്യം ചെയ്യല് ഒരു ഘട്ടം പിന്നിട്ടപ്പോള് കസ്റ്റംസ് ഉദ്യോഗസ്ഥര് കൂടി ഇ.ഡി ഓഫീസിലെത്തിയതോടെ അറസ്റ്റ് രാത്രി തന്നെ ഉണ്ടാകുമെന്ന അഭ്യൂഹം ശക്തമായിരുന്നു. തുടര്ന്ന് ഇ.ഡി സ്പെഷ്യല് ഡയറ്കടറും സ്റ്റാന്ഡിംഗ് കോണ്സലും കൂടി എത്തിയതോടെ ശിവശങ്കറിന്റെ വിധി നിര്ണയിക്കപ്പെട്ടു.
രാഷ്ട്രീയ പ്രാധാന്യമേറെയുള്ള കേസില് ദേശീയ അന്വേഷണ ഏജന്സിയും ഇ.ഡിയും കസ്റ്റസും ഇതുവരെ തൊണ്ണൂറു മണിക്കൂറിലധികമാണ് ശിവശങ്കറെ ചോദ്യം ചെയ്തത്. ശിവശങ്കറിന്റെ മുന്കൂര് ജാമ്യാപേക്ഷകള് ഇന്നലെ രാവിലെ 10.22 നാണ് ഹൈക്കോടതി തള്ളിയത്. ശിവശങ്കര് ചികിത്സയില് കഴിയുന്ന തിരുവനന്തപുരം വഞ്ചിയൂരിലെ ആയുര്വേദ ആശുപത്രിയില് പത്തു മിനിട്ടിനകം എന്ഫോഴ്സ്മെന്റ് ഉദ്യോഗസ്ഥരെത്തി, ചോദ്യം ചെയ്യലിന് ഹാജരാകാന് നോട്ടീസ് നല്കി. ഒപ്പം വരാന് നിര്ദേശിക്കുക കൂടി ചെയ്തതോടെ കസ്റ്റഡിയിലെടുത്തുവെന്ന് വ്യക്തമായി. എന്ഫോഴ്സ്മെന്റ് വാഹനത്തില് കൊച്ചിയിലെത്തിച്ച ശിവശങ്കറിനെ വൈകിട്ട് നാല് മുതല് ചോദ്യംചെയ്തു തുടങ്ങി. ശിവശങ്കറിന്റെ അറസ്റ്റ് എപ്പോഴെന്ന സംശയത്തിന്, കസ്റ്റഡിയിലെടുത്ത് പന്ത്രണ്ടു മണിക്കൂറിനകം അവസാനവുമായി.
സ്വര്ണക്കടത്തു കേസിലെ മുഖ്യപ്രതി സ്വപ്ന സുരേഷിന്റെ സാമ്പത്തിക വിഷയങ്ങള് കൈകാര്യംചെയ്തതാണ് ശിവശങ്കറിന് വിനയായത്. സര്ക്കാരിന്റെ പ്രതിനിധിയെന്ന നിലയില് യു.എ.ഇ കോണ്സുലേറ്റ് ജനറലിന്റെ സെക്രട്ടറിയായിരുന്ന സ്വപ്നയുമായി തനിക്ക് അടുപ്പമുണ്ടായിരുന്നെന്ന് ശിവശങ്കറിന്റെ മൊഴിയില് സമ്മതിക്കുന്നുണ്ട്. എങ്കില്പ്പോലും സ്വപ്നയുടെ സാമ്പത്തിക വിഷയങ്ങള് കൈകാര്യം ചെയ്യേണ്ട ആവശ്യം ശിവശങ്കറിനുണ്ടായിരുന്നില്ലെന്ന് ഇ.ഡിയുടെയും കസ്റ്റംസിന്റെയും കേസുകളില് ശിവശങ്കറിന്റെ മുന്കൂര് ജാമ്യാപേക്ഷകള് തള്ളിയ സിംഗിള് ബെഞ്ച് അഭിപ്രായപ്പെട്ടു. സ്വപ്നയുടെ സാമ്പത്തിക വിഷയങ്ങളില് ഇടപെട്ടതിലെ ദുരൂഹത ചൂണ്ടിക്കാട്ടിയ ഹൈക്കോടതി, ഇരുകേസുകളിലും ശിവശങ്കറിനെ പ്രതിയാക്കിയിട്ടില്ലെന്നും വിലയിരുത്തി. അതിനാല് ഈ ഘട്ടത്തില് മുന്കൂര് ജാമ്യാപേക്ഷ പരിഗണിക്കുന്നത് അപക്വമാണെന്ന് വ്യക്തമാക്കിയാണ് ഹര്ജികള് തള്ളിയത്. എന്തായാലും ഡോവലിന്റെ ശക്തമായ ഇടപെടലുകളാണ് ശിവശങ്കറിന്റെ അറസ്റ്റ് വേഗത്തിലാക്കിയത്.
https://www.facebook.com/Malayalivartha
