ഈ സര്ക്കാര് ഒരു അഴിമതിയും വച്ചുവാഴിക്കില്ല... ഒരു ഉദ്യോഗസ്ഥന്റെ ചെയ്തികളെ സര്ക്കാരിന്റെ തലയില് കെട്ടിവച്ച് അഴിമതിയുടെ ദുര്ഗന്ധം എറിഞ്ഞുപിടിപ്പിക്കാനുള്ള ശ്രമമാണ് പ്രതിപക്ഷം നടത്തുന്നതെന്ന് മുഖ്യമന്ത്രി
ഒരു ഉദ്യോഗസ്ഥന്റെ ചെയ്തികളെ സര്ക്കാരിന്റെ തലയില് കെട്ടിവച്ച് അഴിമതിയുടെ ദുര്ഗന്ധം ഭരണകൂടത്തിനുമേല് എറിഞ്ഞുപിടിപ്പിക്കാനുള്ള ശ്രമമാണ് പ്രതിപക്ഷം നടത്തികൊണ്ടിരിക്കുന്നതെന്ന് മുഖ്യമന്ത്രി പിണറായി വിജയന്. അടിസ്ഥാനരഹിതമായ അഴിമതി ആരോപണങ്ങള് ഒന്നിനുപിറകേ ഒന്നായി ഉന്നയിച്ച് സര്ക്കാരിനെ പ്രതിരോധത്തിലാക്കി ജനക്ഷേമകരമായ നടപടികളെ തമസ്കരിക്കാം എന്ന നിലപാടാണ് കേരളത്തിലെ പ്രതിപക്ഷത്തെ നയിക്കുന്നത്. തന്റെ മുന് പ്രിന്സിപ്പല് സെക്രട്ടറി എം. ശിവശങ്കര്, സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനീഷ് കോടിയേരി എന്നിവരുടെ അറസ്റ്റുകളില് പ്രതികരിക്കുകയായിരുന്നു അദ്ദേഹം. ഈ സര്ക്കാര് ഒരു അഴിമതിയും വച്ചുവാഴിക്കില്ല എന്ന നേരത്തത്തെ നിലപാട് തന്നെയാണ് ഇപ്പോള് ഉള്ളതെന്നും അദ്ദേഹം പറഞ്ഞു.
https://www.facebook.com/Malayalivartha