കവി ചെമ്മനം ചാക്കോയുടെ ഓര്‍മ്മയ്ക്കായി തൃക്കാക്കര സാംസ്കാരിക കേന്ദ്രം ഏര്‍പ്പെടുത്തിയ ചെമ്മനം സ്മാരക കവിതാ പുരസ്കാരത്തിന് ഇ സന്ധ്യയുടെ 'അമ്മയുള്ളതിനാല്‍' എന്ന കവിതാസമാഹാരം അര്‍ഹമായി 2019 പ്രസിദ്ധീകരിച്ച അമ്ബതോളം കവിതാസമാഹാരങ്ങള്‍ ആണ് പുരസ്കാരത്തിന് പരിഗണിച്ചത്.

അമ്ബതിനായിരം രൂപയും പ്രശസ്തി പത്രവുമാണ് പുരസ്കാരം 2021 മാര്‍ച്ച്‌ ഏഴിന് ചെമ്മനത്തിന്റെ ജന്മദിനത്തില്‍ കാക്കനാട് ഓണം പാര്‍ക്കില് ചേരുന്ന ചടങ്ങില്‍ പുരസ്കാരം സമ്മാനിക്കുമെന്ന് സാംസ്കാരിക കേന്ദ്രം പ്രസിഡന്‍റ് എ സി കെ നായരും കണ്‍വീനര്‍ പോള്‍ മേച്ചേരിലും അറിയിച്ചു.തൃശ്ശൂരിലെ പുതുക്കാട് പ്രജ്യോതി നികേതന്‍ കോളേജിലെ സ്റ്റാറ്റിസ്റ്റിക്സ് വിഭാഗം അസോസിയേറ്റ് പ്രൊഫസറായിരുന്ന സന്ധ്യയ്ക്ക് 2019 ലെ ഇടശ്ശേരി അവാര്‍ഡ് അടക്കം നിരവധി പുരസ്കാരങ്ങള് ലഭിച്ചിട്ടുണ്ട്.