വാഹനങ്ങള്‍ പ്രകൃതി സൗഹൃദമാക്കി മാറ്റുന്നതിനുള്ള നടപടിയുടെ ഭാഗമായി കെഎസ്ആര്‍ടിസി 400 ഡീസല്‍ ബസ്സുകള്‍ പ്രകൃതിവാതക ഇന്ധനത്തിലേക്ക് (എല്‍.എന്‍.ജി.) മാറ്റും. ഇതിനുള്ള നടപടിക്രമങ്ങള്‍ക്ക് ഗതാഗതവകുപ്പിന്റെ അനുമതി ലഭിച്ചിട്ടുണ്ട്.

ഒരു ബസ് ഡീസലില്‍ നിന്ന് പ്രകൃതിവാതകത്തിലേക്ക് മാറ്റുന്നതിന് ശരാശരി 25 ലക്ഷംരൂപ ചെലവ് കണക്കാക്കുന്നു. ഇതനുസരിച്ച് 400 ബസ്സുകളില്‍ ഇന്ധന സംവിധാനം മാറ്റുന്നതിന് 100 കോടി വകയിരുത്തണം. ഒരു വര്‍ഷത്തെ വാറന്റിയും ആറുവര്‍ഷത്തെ അറ്റകുറ്റപ്പണിയും അടക്കമുള്ള തുകയാണിത്. പഴയ ബസ്സുകള്‍ വന്‍തുക മുടക്കി പ്രകൃതിവാതക ഇന്ധനത്തിലേക്ക് മാറ്റിയാല്‍ മുടക്കു മുതല്‍ തിരിച്ചുകിട്ടുമോയെന്ന ആശങ്കയിലാണ് .