ഏഴാച്ചേരിയില്‍ ഗ്യാസ് സിലിണ്ടര്‍ ലീക്ക് ചെയ്ത് വിറകടുപ്പില്‍ നിന്നും തീ പിടിച്ച് പൊള്ളലേറ്റ ബാങ്ക് മാനേജര്‍ മരിച്ചു. ഏഴാച്ചേരി വെട്ടുവയലില്‍ കുടുംബാംഗവും സൗത്ത് ഇന്ത്യന്‍ ബാങ്ക് പ്രവിത്താനം ശാഖയില്‍ അസി. മാനേജരുമായിരുന്ന സെബിന്‍ എബ്രഹാം (27) ആണ് മരിച്ചത്. സെബിന് 80 ശതമാനം പൊള്ളലേറ്റിരുന്നു. അമ്മ കുസുമവും ( 67) പൊള്ളലേറ്റ് ചികിത്സയിലാണ്.

അതേസമയം ഏഴാച്ചേരി വെട്ടുവയലില്‍ സെബിന്‍ (27), അമ്മ കുസുമം (67) എന്നിവര്‍ക്കാണ് പൊള്ളലേറ്റത്. ഇരുവരെയും ചേര്‍പ്പുങ്കലിലെ സ്വകാര്യാശുപത്രിയില്‍ പ്രവേശിപ്പിച്ചു. സെബിന്റെ പൊള്ളല്‍ ഗുരുതരമായിരുന്നു. തീപിടിത്തത്തില്‍ അടുക്കളയുടെ ഒരു ഭാഗവും വയറിങും നശിച്ചു. നവംബര്‍ 18ന് രാവിലെ ആയിരുന്നു അപകടം നടന്നത് .പാചകവാതക സിലിണ്ടറിന്റെ നോബ് നീക്കുന്നതിനിടെ ഉണ്ടായ ശക്തമായ ഗ്യാസ് ചോര്‍ച്ചയില്‍ ഇടുങ്ങിയ അടുക്കളയിലെ വിറകടുപ്പില്‍ നിന്ന് തീ പടരുകയായിരുന്നു.

വാതകം ചോര്‍ന്നതോടെ തീ ആളുകയും ഇരുവര്‍ക്കും പൊള്ളലേല്‍ക്കുകയുമായിരുന്നു. സെബിന്റെ ദേഹമാകെപൊള്ളലേറ്റ നിലയിലായിരുന്നു. കുസുമത്തിന്റെ തലമുടി കത്തുകയും മുഖത്ത് പൊള്ളലേല്‍ക്കുകയും ചെയ്തു. പാലാ ഫയര്‍ഫോഴ്‌സ് ഓഫീസര്‍ കെ ആര്‍ ഷാജിമോന്റെ നേതൃത്വത്തില്‍ എത്തിയ ഫയര്‍ഫോഴ്‌സ് സംഘം അടുക്കളയില്‍നിന്ന് പാചകവാതക സിലിണ്ടര്‍ പുറത്തേക്ക് മാറ്റി വാതകം സുരക്ഷിതമായി നീക്കം ചെയ്ത് വന്‍ അപകടം ഒഴിവാക്കി. വീട്ടുകാരുടെ നിലവിളി കേട്ടെത്തിയ അയല്‍ക്കാരാണ് സെബിനേയും കുസുമത്തേയും ആശുപത്രിയിലെത്തിച്ചത്. 

 "