കണ്ണൂരില്‍ വീട്ടില്‍ നിര്‍ത്തിയിട്ടിരുന്ന കാര്‍ അക്രമികള്‍ കത്തിച്ചു. തളിപ്പറമ്ബ് 'മസിന വില്ല'യില്‍ ആലിയുടെ വണ്ടിയാണ് തീവെച്ച് നശിപ്പിച്ചത്. സംഭവത്തിനു പിന്നില്‍ ആരാണെന്ന് വ്യക്തമല്ല. സ്‌കൈ ഇമ്‌ബേക്‌സ് സ്ഥാപനമുടമ കൂടിയായ അലിയുടെ കെ എല്‍ 18 ക്യു 7010 ഹുണ്ടായി ക്രീറ്റ കാറാണ് കത്തി നശിച്ചത്. വെള്ളിയാഴ്ച പുലര്‍ച്ചയാണ് സംഭവം. കാറിന്റെ ടയര്‍ പൊട്ടുന്ന ശബ്ദം കേട്ടാണ് വീട്ടുകാര്‍ ഉണര്‍ന്നത്. അപ്പോള്‍ വാഹനം കത്തുന്നതാണ് കണ്ടത്. രണ്ടു പേര്‍ ബൈക്കില്‍ കയറി രക്ഷപ്പെടുന്നത് കണ്ടതായും വീട്ടുകാര്‍ പറയുന്നു.വീട്ടുകാരും പരിസരത്തുള്ളവരും ചേര്‍ന്നാണ് തീ ആദ്യം അണയ്ക്കാന്‍ ശ്രമിച്ചത്. പിന്നീട് പോലീസും ഫയര്‍ഫോഴ്‌സും എത്തി. സംഭവസ്ഥലത്ത് നിന്നും തീപ്പെട്ടിയും കത്തിക്കാന്‍ ഉപയോഗിച്ചെന്ന് കരുതുന്ന ടര്‍പ്പെന്‍ന്റൈന്‍ കുപ്പിയും പോലീസ് കണ്ടെടുത്തു. ഇരുചക്ര വാഹനത്തില്‍ എത്തിയ രണ്ടുപേരാണ് സംഭവത്തിനു പിന്നിലെന്നാണ് വീട്ടുടമ പറയുന്നത്.സംഭവത്തില്‍ തളിപ്പറമ്ബ് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. സംഭവത്തില്‍ രാഷ്ട്രീയ ബന്ധമില്ലന്നാണ് കരുതുന്നത്. പരിസരത്തുള്ള സി.സി.ടി.വികള്‍ പോലീസ് വിശദമായി പരിശോധിക്കുന്നുണ്ട്.