ബിനീഷ് കോടിയേരിയുമായി അടുത്ത ബന്ധം; മയക്കുമരുന്നിന്റെ തലസ്ഥാനമായ ബാങ്കോക്കിലേക്ക് ആറുതവണ പോയി; 2016ല്‍ നടത്തിയ വിദേശയാത്ര മറച്ചുവച്ചു; സക്കീര്‍ ഹുസൈനെതിരെ ലഭിക്കുന്ന പരാതികളുടെ പട്ടിക നീളുന്നു ;അന്വേഷിക്കാൻ ഇ ഡി
ബിനീഷ് കോടിയേരിയുമായി അടുത്ത ബന്ധം. മയക്കുമരുന്നിന്റെ തലസ്ഥാനമായബാങ്കോക്കിലേക്ക് ആറുതവണ പോയി . 2016ല്‍ നടത്തിയ വിദേശയാത്ര മറച്ചുവച്ചു. സക്കീര്‍ ഹുസൈനെതിരെ ലഭിക്കുന്ന പരാതികളുടെ പട്ടിക നീളുകയാണ്. സക്കീര്‍ ഹുസൈനെതിരെ അന്വേഷണം ആവശ്യപ്പെട്ട് എന്‍ഫോഴ്സ്മെന്റ് ഡയറക്ടറേറ്റിന് പരാതി ലഭിച്ചിരിക്കുകയാണ്. സിപിഎം കളമശേരി മുന്‍ ഏരിയ സെക്രട്ടറി വി. എ. സക്കീര്‍ ഹുസൈന്‍ പത്തു വര്‍ഷത്തിനിടെ സമ്ബാദിച്ച് കൂട്ടിയത് കോടികളുടെ അനധികൃത സ്വത്ത് ആണ് . സക്കീര്‍ ഹുസൈനെതിരെയുള്ള അച്ചടക്ക നടപടിയില്‍ സിപിഎം ജില്ലാ കമ്മിറ്റി തയാറാക്കിയ റിപ്പോര്‍ട്ടിലാണ് ഇക്കാര്യം പറയുന്നത്. അനധികൃത സ്വത്തുസമ്ബാദനത്തില്‍ അന്വേഷണമാവശ്യപ്പെട്ടായിരുന്നു കളമശേരി സ്വദേശിയായ ഗിരീഷ് ബാബു എന്‍ഫോഴ്സ്മെന്റിന് പരാതി നല്‍കിയത്.
സക്കീര്‍ ഹുസൈന്റെ വിദേശയാത്രകളിലും ദുരൂഹത കാണുന്നുണ്ട് . ആറു തവണയായിരുന്നു സക്കീര്‍ ബാങ്കോക്കിലേക്ക് പോയത്. മയക്കുമരുന്ന് കേസില്‍ പ്രതിയായ ബിനീഷ് കോടിയേരി യുമായി അടുത്ത ബന്ധമുണ്ട് സക്കീര്‍ ഹുസ്സൈയിന്, മാത്രമല്ല അദ്ദേഹം മയക്കുമരുന്നിന്റെ കേന്ദ്രമായ ബാങ്കോക്കിലേക്ക് നടത്തിയ യാത്രയില്‍ ദുരൂഹത നിഴലിക്കുകയാണ് . സക്കീറിനെതിരെ ഒമ്പത് പ്രധാനപ്പെട്ട കണ്ടെത്തലുകളാണ് സിപിഎം അച്ചടക്ക നടപടി റിപ്പോര്‍ട്ടിൽ ഉൾപ്പെടുത്തിയിട്ടുള്ളത് . രണ്ട് സെന്റ് സ്ഥലത്തുണ്ടായിരുന്ന വീട്ടില്‍ താമസിച്ചിരുന്ന സക്കീര്‍ ഹുസൈന്‍ 10 വര്‍ഷത്തിനിടെ അഞ്ച് വീടുകൾ സ്വന്തമാക്കി . 76 ലക്ഷം രൂപയ്ക്കാണ് അവസാനമായി വീട് സ്വന്തമാക്കിയത് .
2016ല്‍ നടത്തിയ വിദേശയാത്ര സക്കീര്‍ ഹുസൈന്‍ മറച്ചുവയ്‌ക്കുകയും ചെയ്തു . പാര്‍ട്ടി ഇതിനെക്കുറിച്ച്‌ ചോദിച്ചപ്പോള്‍ ദുബായ്‌യിലേക്കാണെന്ന് തെറ്റിദ്ധരിപ്പിക്കുകയും ചെയ്തു . ബാങ്കോക്കിലേക്കാണ് സക്കീര്‍ ഹുസൈന്‍ പോയതെന്ന് പാര്‍ട്ടി അന്വേഷണത്തില്‍ കണ്ടെത്തി. ഇതിന് പാര്‍ട്ടിയുടെ അനുമതി വാങ്ങിയില്ല. സക്കീറിനെതിരെ ഉയര്‍ന്ന ആരോപണങ്ങളില്‍ കളമശേരി ഏരിയ കമ്മിറ്റിയുടെ ഭാഗത്തുനിന്ന് പരിശോധന ഉണ്ടായിട്ടില്ലെന്നും സംഘടനാവീഴ്ച സംഭവിച്ചെന്നും റിപ്പോര്‍ട്ടില്‍ പറയുന്നുണ്ട്. ക്വട്ടേഷനെന്ന പേരില്‍ വ്യവസായിയെ ഭീഷണിപ്പെടുത്തല്‍, പ്രളയഫണ്ട് തട്ടിപ്പ്, അനധികൃത സ്വത്ത് സമ്ബാദനം, സ്ഥലം എസ്‌ഐയെ ഭീഷണിപ്പെടുത്തല്‍, ലോക്ഡൗണ്‍ ലംഘിച്ച്‌ യാത്ര ചെയ്യുന്നതിനിടെ തടഞ്ഞ പോലീസുകാര്‍ക്ക് നേരെ തട്ടിക്കയറല്‍ എന്നിങ്ങനെ നിരവധി വിവാദങ്ങള്‍ നേരിട്ടിരുന്നു ഇദ്ദേഹം. ഈ വിഷയങ്ങളിൽ ആരോപണ വിധേയനാവുകയും ചെയ്തയാളാണ് സക്കീര്‍ ഹുസൈന്‍.
https://www.facebook.com/Malayalivartha
