വാഹനാപകടത്തില്‍ അന്തരിച്ച പ്രശസ്ത മാധ്യമ പ്രവര്‍ത്തകന്‍ എസ് വി പ്രദീപിന് ആദരാഞ്ജലികള്‍ നേർന്നുകൊണ്ട് ‌ കവി സോഹന്‍ റോയിയുടെ കവിത . ' പ്രദീപം ' എന്ന നാലുവരി അണുകാവ്യത്തിലൂടെ മാധ്യമ ലോകത്തിന് അദ്ദേഹം നല്‍കിയ സംഭാവനകള്‍ എടുത്തു പറയുന്നുണ്ട്. 

'പ്രദീപം' കവിതയിലെ വരികള്‍:

അന്യനു ദീപമായ് കത്തിജ്വലിച്ച നീ
അന്യനായന്ധകാരത്തില്‍ മറയവേ
അന്തിച്ചു നിന്നൊരീ നാടു ചോദിയ്ക്കുന്നു
അന്ത്യം കുറിച്ചതോ കാലമെടുത്തതോ?

നിഷ്പക്ഷ മാധ്യമ പ്രവര്‍ത്തനമായിരുന്നു അദ്ദേഹം നടത്തിയിരുന്നത്. അദ്ദേഹത്തിന് അന്ത്യാഞ്ജലി അര്‍പ്പിക്കുമ്പോഴും അത് മുന്‍കൂട്ടി ചെയ്തതാണോ ആരെങ്കിലും ഉണ്ടായിരുന്നോ എന്ന സംശയം കൂടി കവി വരികളിലൂടെ പങ്കുവയ്ക്കുന്നു.  മാ​ധ്യ​മ​പ്ര​വ​ര്‍​ത്ത​ക​ന്‍ എ​സ്.​വി.​പ്ര​ദീ​പ് മ​രി​ച്ച സം​ഭ​വ​ത്തി​ല്‍ ലോറിയെയോ ഡ്രൈവറെയോ ഇത് വരെ കണ്ടെത്തിയിട്ടില്ല. എന്നാൽ അദ്ദേഹത്തിന്റെ മരണത്തിലേക്ക് നയിച്ച അ​പ​ക​ട​മു​ണ്ടാ​ക്കി​യ ടി​പ്പ​ര്‍ ലോ​റി ഡ്രൈ​വ​ര്‍​ക്കെ​തി​രേ പോ​ലീ​സ് കൊ​ല​ക്കു​റ്റം ചു​മ​ത്തി. എ​ന്നാ​ല്‍ ലോ​റി ഇ​തു​വ​രെ ക​ണ്ടെ​ത്താ​ന്‍ പോ​ലീ​സി​ന് ക​ഴി​ഞ്ഞി​ട്ടി​ല്ല. സം​ഭ​വ​ത്തി​ല്‍ ഫോ​ര്‍​ട്ട് അ​സി. ക​മ്മീ​ഷ​ണ​ര്‍ പ്ര​താ​പ​ച​ന്ദ്ര​ന്‍ നാ​യ​രു​ടെ നേ​തൃ​ത്വ​ത്തി​ല്‍ അ​ന്വേ​ഷ​ണം പു​രോ​ഗ​മി​ക്കുന്നു. അപകടത്തിന്റെ സിസിടിവി ദൃശ്യങ്ങള്‍ പുറത്തു വന്നു . പ്രദീപിനെ ഇടിച്ചത് ടിപ്പര്‍ ലോറിയാണെന്നും ലോറിയുടെ പിന്‍ഭാഗം ശരീരത്തിലൂടെ കയറുകയായിരുന്നുവെന്നും പൊലീസ് വ്യക്തമാക്കുകയും ചെയ്തു . ലോറിയുടെ മധ്യഭാഗം ഇടിച്ച്‌ പ്രദീപ് റോഡില്‍ വീഴുകയായിരുന്നുവെന്നും പൊലീസ് കണ്ടെത്തി . തുടര്‍ന്ന് വാഹനത്തിന്റെ പിന്‍ചക്രങ്ങള്‍ ശരീരത്തിലൂടെ കയറിയിറങ്ങി. അപകടശേഷം നെയ്യാറ്റിന്‍കര ഭാഗത്തേക്ക് പോയ വാഹനം ഇതുവരെ പൊലീസിന് കണ്ടെത്താനായിട്ടില്ല.