അടിത്തറ ഇളകിയിരിക്കുന്നത് കോണ്‍ഗ്രസിന്റെതാണ്, എന്നാല്‍ മുസ്ലിംലീഗ് കോട്ടകള്‍ ഭദ്രമാണെന്ന് കോണ്‍ഗ്രസിനെതിരെ ആഞ്ഞടിച്ച്‌ മുസ്ലിംലീഗ് നേതാവും എംപിയുമായ പി.കെ.കുഞ്ഞാലികുട്ടി. തദ്ദേശ തെരഞ്ഞെടുപ്പ് ഫലം അനുസരിച്ച്‌ ലീഗിന്റെ സ്വാധീന മേഖലകള്‍ ഭദ്രമാണെന്ന് അദ്ദേഹം അവകാശപ്പെട്ടു. തെരഞ്ഞെടുപ്പ് ഫലം യുഡിഎഫും കോണ്‍ഗ്രസും വിശദമായി പരിശോധിക്കണമെന്നും പി.കെ. കുഞ്ഞാലിക്കുട്ടി ആവശ്യപ്പെട്ടു.

ലീഗിന് സ്വാധീനമുള്ള മലപ്പുറം, കാസര്‍ഗോഡ്, വയനാട്, കോഴിക്കോട് തുടങ്ങിയ വടക്കന്‍ മേഖലകളില്‍ നിന്നും മികച്ച ഫലമാണ് ലഭിച്ചതെന്നും അദ്ദേഹം പറഞ്ഞു. തിരഞ്ഞെടുപ്പ് ഫലം പുറത്തുവന്നതിന്റെ പശ്ചാത്തലത്തില്‍ മാധ്യമപ്രവര്‍ത്തകരുടെ ചോദ്യങ്ങള്‍ക്ക് ഉത്തരം നല്‍കുകയായിരുന്നു അദ്ദേഹം. പാര്‍ട്ടിയുടെ സ്വാധീന മേഖലകളെല്ലാം ഭദ്രമാണെന്നും കുഞ്ഞാലിക്കുട്ടി വിശദീകരിച്ചു.