യുഡിഎഫിനെ കുറിച്ച് ഒന്നും പറയാനില്ല! തദ്ദേശ തെരഞ്ഞെടുപ്പില് തിരിച്ചടി നേരിട്ടെങ്കിലും ഇന്ത്യയില് മുഴുവനായും കാണുന്നത് പോലെ കേരളത്തിലും ബിജെപി വളരുന്നുവെന്നത് ഉറപ്പായ കാര്യമാണ്! 2 സീറ്റില് നിന്നും 300 സീറ്റിലേക്ക് കുതിച്ച ബിജെപി കേരളവും വരും വര്ഷങ്ങളില് പിടിച്ചെടുക്കും... തുറന്നടിച്ച് നടന് കൃഷ്ണകുമാർ
തദ്ദേശ തെരഞ്ഞെടുപ്പില് ഉന്നത വിജയം നേടിയ ഇടതുമുന്നണിക്ക് അഭിനന്ദനങ്ങള് നേര്ന്ന് നടന് കൃഷ്ണകുമാര്. ഫേസ്ബുക്കിലൂടെയാണ് താരത്തിന്റെ പ്രതികരണം. യുഡിഎഫിനെ കുറിച്ച് ഒന്നും പറയാനില്ലെന്നും അദ്ദേഹം പറയുന്നു. തദ്ദേശ തെരഞ്ഞെടുപ്പില് തിരിച്ചടി നേരിട്ടെങ്കിലും ഇന്ത്യയില് മുഴുവനായും കാണുന്നത് പോലെ കേരളത്തിലും ബിജെപി വളരുന്നുവെന്നത് ഉറപ്പായ കാര്യമാണെന്നും കൃഷ്ണകുമാര് കുറിക്കുന്നു. എല്ലാം അവസാനിച്ചു എന്ന് കരുതുന്നിടത്തുന്നാണ് പലതും തുടങ്ങുന്നത്. പാര്ലിമെന്റില് 2 സീറ്റില് നിന്നും 300 സീറ്റിലേക്ക് കുതിച്ച ബിജെപി, കേരളവും വരും വര്ഷങ്ങളില് പിടിച്ചെടുക്കും. പൂര്ണ വിശ്വാസത്തോടെ മുന്നേറുമെന്ന് കൃഷ്ണകുമാര് ഫേസ്ബുക്ക് പോസ്റ്റിലൂടെ വ്യക്തമാക്കി.
ഫേസ്ബുക്ക് പോസ്റ്റിലൂടെ...
തിരുവനന്തപുരം കോര്പറേഷന് ജയിച്ച ഇടതുപക്ഷ മൂന്നണ്ണിക്ക് അഭിനന്ദനങള്. രണ്ടാം സ്ഥാനത്തെത്തിയ ബിജെപി നയിച്ച NDA മുന്നണിക്കും അഭിനന്ദനങള്. UDF നേ പറ്റി ഒന്നും പറയാനില്ല. കഴിഞ്ഞ തവണ 34 സീറ്റ് ഉണ്ടായിരുന്ന NDA മികച്ച പ്രകടനത്തിലൂടെ 35 സീറ്റാക്കി ഉയര്ത്തി. ഭരണ പ്രതിപക്ഷ മുന്നണികള് തമ്മിലുള്ള ഒത്തുകളിയും, വോട്ടേഴ്സ് ലിസ്റ്റിലെ ക്രമക്കേടുകളെയും മറികടന്നു 35 സീറ്റുകള് നേടുമ്ബോള് NDA യുടെ പ്രത്യകിച്ചു ബിജെപി നേതാക്കള്, സംഘപ്രവര്ത്തകര്, ശക്തരായ സ്ഥാനാര്ഥികള്, പാര്ട്ടിക്കായി പ്രവര്ത്തിച്ച അനേകം വ്യക്തികള്, മീഡിയ, സോഷ്യല് മീഡിയ സഹോദരങ്ങള്, നല്ലവരായ ലക്ഷോപലക്ഷം വോട്ടര്മാര്ക്കും എല്ലാത്തിനും ഉപരി ദൈവത്തിനും നന്ദി. ഒരു കാര്യം ഉറപ്പായി ഇന്ത്യയില് മുഴുവനായും കാണുന്നത് പോലെ കേരളത്തിലും ബിജെപി വളരുന്നു. ബിജെപിയുടെ മുന്നേറ്റമാണ് ഇന്നത്തെ പ്രധാന വാര്ത്ത.
ഇനി വരും ദിനങ്ങളില് കാണാന് പോകുന്നത് NDA vs LDF+UDF മത്സരമായിരിക്കും. ഇന്ന് ജയിച്ചവരും, തോറ്റവരും നാടിന്റെയും, നാട്ടുകാരുടേയും നന്മക്കായി അതിശക്തമായി പ്രവര്ത്തിക്കുക, പ്രായത്നിക്കുക. നമ്മുടെ സഹോദരി ശ്രീമതി സ്മൃതി ഇറാനി നമുക്കൊരു പാഠമാണ് . ദശകങ്ങളായി ഒരു കുടുമ്ബത്തിന്റെ കോട്ടയായിരുന്ന അമേട്ടിയില് നിന്നും യുവരാജാവിനെ വയനാട്ടിലേക്ക് കേട്ടുകെട്ടിച്ചതോര്ക്കുക.എല്ലാം അവസാനിച്ചു എന്ന് കരുതുന്നിടത്തുന്നാണ് പലതും തുടങ്ങുന്നത്. പാര്ലിമെന്റില് 2 സീറ്റില് നിന്നും 300 സീറ്റിലേക്ക് കുതിച്ച ബിജെപി, കേരളവും വരും വര്ഷങ്ങളില് പിടിച്ചെടുക്കും. പൂര്ണ വിശ്വാസത്തോടെ മുന്നേറുക.. നമ്മള് ജയിക്കും നമ്മള് ഭരിക്കും.
https://www.facebook.com/Malayalivartha
