കള്ളന്റെ നന്മയും ദൈവത്തിന്റെ അടുത്തയാള്‍ക്കാരുടെ കള്ളത്തരങ്ങളും വെളിവാകുന്നതായിരുന്നു അഭയ കേസ്. കള്ളനെന്ന് മുദ്രകുത്തപ്പെട്ട അടയ്ക്കാ രാജുവിന്റെ മൊഴിയാണ് ഫാദര്‍ കോട്ടൂരിനേയം സിസ്റ്റര്‍ സെഫിയേയും ജയിലിനുള്ളിലാക്കിയത്. താന്‍ ഇപ്പോഴും കോളനിയിലാണെന്നും തന്റെ രണ്ടു പെണ്‍മക്കള്‍ ഒളിച്ചോടിയെന്നുമാണ് രാജു പറഞ്ഞത്. എങ്കിലും സന്തോഷമുണ്ട്. എന്റെ കുഞ്ഞ് അഭയയോട് കാണിച്ച ക്രൂരതയ്ക്ക് മാപ്പില്ലെന്ന് അദ്ദേഹം ഉറച്ചു നിന്നു.

ഇങ്ങനെ സിസ്റ്റര്‍ അഭയയെ കൊന്ന വൈദികരെ കണ്ടുവെന്ന മൊഴിയില്‍, പ്രലോഭനങ്ങള്‍ക്കും കൊടിയ പീഡനത്തിനും വഴങ്ങാതെ ഉറച്ചുനിന്ന് ഫാ. തോമസ് കോട്ടൂരിനും സിസ്റ്റര്‍ സെഫിക്കും ജീവപര്യന്തം ശിക്ഷയ്ക്ക് വഴിയൊരുക്കിയ അടയ്ക്കാ രാജുവിന് നാട്ടുകാരുടെ വക സ്‌നേഹ സംഭാവന ലക്ഷങ്ങളായി അക്കൗണ്ടിലേക്ക് ഒഴുകുന്നു.

15 ലക്ഷം രൂപയോളം കഴിഞ്ഞ ദിവസംവരെ രാജുവിന്റെ അക്കൗണ്ടില്‍ എത്തി. ക്രിസ്മസ് ആഘോഷത്തിന് അക്കൗണ്ടിലുള്ള ചെറിയ തുക പിന്‍വലിക്കാന്‍ എ.ടി.എമ്മിലെത്തിയ രാജു ലക്ഷങ്ങള്‍ അക്കൗണ്ടില്‍ വന്നത് കണ്ട് അന്തംവിട്ടു.

പയസ് ടെന്‍ത് കോണ്‍വെന്റില്‍ മോഷണത്തിന് കയറിയപ്പോള്‍ പ്രതികളെ കണ്ടുവെന്ന മൊഴി മാറ്റി പറയുന്നതിന് ലക്ഷങ്ങള്‍ സഭാ അധികൃതര്‍ വാഗ്ദാനം ചെയ്തിട്ടും വഴങ്ങാതിരുന്നപ്പോള്‍, മോഷണ ശ്രമത്തിനിടെ അഭയയെ കൊന്നത് രാജുവാണെന്ന് വരുത്തി തീര്‍ക്കാന്‍ ഉന്നത പൊലീസ് ഉദ്യോഗസ്ഥരുടെ സമ്മര്‍ദ്ദവും ക്രൂര മര്‍ദ്ദനവും ഉണ്ടായി. പ്രമുഖ അഭിഭാഷകന്‍ മണിക്കൂറുകളോളം വിസ്തരിച്ചിട്ടും അഭയയെ കിണറ്റില്‍ മരിച്ചനിലയില്‍ കണ്ടെത്തിയ ദിവസം പുലര്‍ച്ചെ മോഷണ ശ്രമത്തിനിടയില്‍ വൈദികരെ കോണ്‍വെന്റില്‍ കണ്ടുവെന്ന മൊഴിയില്‍ രാജു ഉറച്ചു നില്‍ക്കുകയായിരുന്നു.

അഭയയെ കൊന്നുവെന്ന് ഏറ്റാല്‍ രണ്ടു ലക്ഷം രൂപയ്ക്കു പുറമേ വീടും നല്‍കാമെന്ന് വാഗ്ദാനം ചെയ്തിട്ടും വഴങ്ങാതിരുന്ന രാജു ഇന്നും രണ്ടു സെന്റ് വീട്ടില്‍ ബുദ്ധിമുട്ടി കഴിയുന്നുവെന്ന വാര്‍ത്തക്കൊപ്പം മാദ്ധ്യമങ്ങള്‍ ബാങ്ക് അക്കൗണ്ട് നമ്പരും കൊടുത്തിരുന്നു. രണ്ടു പെണ്‍മക്കള്‍ വീട്ടുകാരുടെ സമ്മതമില്ലാതെ വിവാഹം കഴിച്ചു പോയിരുന്നു. പത്ര വാര്‍ത്തയെ തുടര്‍ന്നു അവരും വീട്ടിലെത്തിയതോടെ നാട്ടിലെ താരമായി ഫുള്‍ ഹാപ്പിയിലാണ് രാജു.

ഇപ്പോഴും രാജു പറയുന്നത് 'എനിക്ക് കാശൊന്നും വേണ്ട ആ കുഞ്ഞിന് നീതി കിട്ടിയല്ലോ. കുറ്റവാളികള്‍ ശിക്ഷിക്കപ്പെട്ടല്ലോ. അതിന് കാരണക്കാരനായതിന്റെ സന്തോഷം മതി ' എന്നാണ്.

കന്യാസ്ത്രീകളും പുരോഹിതരുമെല്ലാം കൂറുമാറിയപ്പോള്‍ പാറപോലെ ഉറച്ച് നിന്നത് അടക്ക രാജു എന്നറിയപ്പെടുന്ന രാജുവാണ്. അഭയയ്ക്ക് നീതി ലഭിക്കാന്‍ കോടികള്‍ വരെ വേണ്ടെന്ന് വെച്ച് പാറ പോലെ തന്റെ നിലപാടില്‍ ഉറച്ച് നിന്ന വ്യക്തിത്വമാണ് അടയ്ക്കാ രാജുവിന്റേത്. അദ്ദേഹത്തെ കേരള ജനത ഏറ്റെടുത്തു. കള്ളനെന്ന് മുദ്ര ചാര്‍ത്തിയ പോലീസിനെതിരെ ജനം തിരിഞ്ഞു. എന്നാല്‍ ആരാണ് ഈ രാജുവെന്ന് പലരും അന്വേഷിച്ചു. ഒടുക്കം ഒരു മാധ്യമ പ്രവര്‍ത്തനുമായുള്ള സംഭാഷണത്തില്‍ പുറത്തു വന്നിരിക്കുന്ന ചില കാരഹ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

താന്‍ ഇടതുപക്ഷ അനുഭാവവിയും പ്രവര്‍ത്തകനുമാണെന്നാണ് രാജു പറയുന്നത്. രാജുവിന്റെ വീട്ടിന് മുന്നില്‍ ചെങ്കൊടി കണ്ടല്ലോ എന്ന മാധ്യമപ്രവര്‍ത്തകന്റെ ചോദ്യത്തിന് മറുപടിയായാണ് താന്‍ സഖാവും പാരര്‍ട്ടി പ്രവര്‍ത്തകനുമാണെന്ന് രാജു വ്യക്തമാക്കുന്നത്. അങ്ങനെ അവസാനം അടയ്ക്കാ രാജുവിനെ ജനം ഏറ്റെടുക്കുന്ന കാഴ്ചയാണ് കാണുന്നത്.