'അന്തരീക്ഷത്തില് അനാവശ്യമായ പ്രപാരണങ്ങള് നടക്കുന്നു'; തെരഞ്ഞെടുപ്പില് യുഡിഎഫ് വിജയിക്കുക തന്നെ ചെയ്യും; അധികാരം പങ്കുവയ്ക്കുമെന്നത് വെറുമാധ്യമ സൃഷ്ടിമാത്രമാണെന്ന് പ്രതിപക്ഷ നേതാവ് രമേശ് ചെന്നിത്തല
മുഖ്യമന്ത്രി സ്ഥാനം പങ്കുവയ്ക്കുമെന്ന പ്രചാരണം തള്ളി പ്രതിപക്ഷ നേതാവ് രമേശ് ചെന്നിത്തല. അധികാരം പങ്കുവയ്ക്കുമെന്നത് വെറുമാധ്യമ സൃഷ്ടിമാത്രമാണെന്ന് അദ്ദേഹം പറഞ്ഞു. ഹൈക്കമാന്ഡുമായുള്ള ചര്ച്ചകള്ക്ക് ഡല്ഹിയിലെത്തിയതായിരുന്നു അദ്ദേഹം.
തെരഞ്ഞെടുപ്പില് അധികാരത്തിലെത്തിയാല് ഒരു ടേം ഉമ്മന്ചാണ്ടിക്ക് എന്നത് പ്രചാരണം മാത്രമാണ്. അത്തരത്തില് ചര്ച്ചകളൊന്നം പാര്ട്ടിയില് നടന്നിട്ടില്ല. അധികാരം പങ്കുവെക്കുമെന്നത് വെറുമാധ്യമ സൃഷ്ടിമാത്രമാണ്. അന്തരീക്ഷത്തില് അത്തരം അനാവശ്യമായ പ്രപാരണങ്ങള് നടക്കുന്നുണ്ട്. തെരഞ്ഞെടുപ്പില് യുഡിഎഫ് വിജയിക്കുക തന്നെ ചെയ്യുമെന്നും അദ്ദേഹം വ്യക്തമാക്കി.
കെപിസിസി അധ്യക്ഷന് മുല്ലപ്പള്ളി രാമചന്ദ്രനും ഉമ്മന് ചാണ്ടിയും ഹൈക്കമാന്ഡുമായുള്ള യോഗത്തില് പങ്കെടുക്കാന് എത്തിയിട്ടുണ്ട്. നിയമസഭ തെരഞ്ഞെടുപ്പ് ഒരുക്കങ്ങള്ക്കൊപ്പം തദ്ദേശ തെരഞ്ഞെടുപ്പിലെ മോശം പ്രകടനം കൂടി കേന്ദ്ര നേതൃത്വം ചര്ച്ച ചെയ്യും.
മികച്ച പ്രവര്ത്തനം നടത്താത്ത ഡിസിസികളില് അഴിച്ചുപണി വേണമെന്നാണ് മുല്ലപ്പള്ളി രാമചന്ദ്രന്റെ ആവശ്യം. എന്നാല്, കൂടുതല് ഡിസിസി അധ്യക്ഷന്മാരെ മാറ്റിയാല് പ്രതികൂല ഫലം ഉണ്ടാകുമെന്നാണ് മറ്റു നേതാക്കള് ചൂണ്ടിക്കാട്ടുന്നത്. കേരളത്തിന്റെ ചുമതലയുള്ള എഐസിസി ജനറല് സെക്രട്ടറി താരിഖ് അന്വര് നല്കി റിപ്പോര്ട്ടിന്റെ അടിസ്ഥാനത്തിലായിരിക്കും കേരള വിഷയം കോണ്ഗ്രസ് ഹൈക്കമാന്ഡ് ചര്ച്ച ചെയ്യുക.
https://www.facebook.com/Malayalivartha