തിരഞ്ഞെടുപ്പ് പെരുമാറ്റചട്ടം നിലവിൽ വരുന്നതിന് മുൻപ് സര്ക്കാര് ഉദ്യോഗസ്ഥര്ക്ക് ശമ്പളപരിഷ്കരണം നടപ്പിലാക്കും; ധനമന്ത്രി തോമസ് ഐസക്കിന്റെ പ്രഖ്യാപനം ബഡ്ജറ്റ് ചര്ച്ചയുടെ മറുപടി പ്രസംഗത്തിൽ; ക്യാന്സര്, എയിഡ്സ് രോഗികള്ക്കുളള പെന്ഷനും വര്ദ്ധിപ്പിക്കും
സര്ക്കാര് ഉദ്യോഗസ്ഥര്ക്ക് ശമ്പളപരിഷ്കരണത്തിനുളള നടപടികള് വേഗത്തിലാക്കി സര്ക്കാര്. തിരഞ്ഞെടുപ്പ് പെരുമാറ്റചട്ടം അടുത്ത മാസം പ്രഖ്യാപിക്കുമെന്ന് ഉറപ്പായതിനാല് അതിനുമുന്പുതന്നെ ഉദ്യോഗസ്ഥരുടെ ശമ്പളപരിഷ്കരണം നടപ്പാക്കുമെന്നാണ് ധനമന്ത്രി തോമസ് ഐസക്ക് ഇന്ന് അറിയിച്ചത്. ബഡ്ജറ്റ് ചര്ച്ചയുടെ മറുപടി പ്രസംഗത്തിലാണ് ധനമന്ത്രിയുടെ ഈ പ്രഖ്യാപനം.
ഏപ്രിലില് ശമ്പളപരിഷ്കരണം നടപ്പാക്കുമെന്നാണ് ആദ്യം ധനമന്ത്രി ബഡ്ജറ്റില് അറിയിച്ചത്. എന്നാല് ഇതിന്റെ ബാദ്ധ്യതവരുന്നത് അടുത്ത സര്ക്കാരിനാണെന്ന് പ്രതിപക്ഷം ചൂണ്ടിക്കാട്ടി. ഇതിനിടെ മുഖ്യതിരഞ്ഞെടുപ്പ് ഓഫീസര് ഫെബ്രുവരി മാസത്തില് തിരഞ്ഞെടുപ്പ് വിജ്ഞാപനമുണ്ടാകമെന്ന് സൂചനകള് നല്കിയതോടെയാണ് സര്ക്കാര് ശമ്ബളപരിഷ്കരണ നടപടി വേഗത്തിലാക്കിയത്. ക്യാന്സര്, എയിഡ്സ് രോഗികള്ക്കുളള പെന്ഷനും വര്ദ്ധിപ്പിക്കുമെന്നും ധനമന്ത്രി അറിയിച്ചു.
https://www.facebook.com/Malayalivartha
