മരുന്നും ഭക്ഷണവും നല്കാതെ ഒരു മാസത്തിലേറെയായി മകന് മുറിയില് പൂട്ടിയിട്ട വൃദ്ധ ദമ്പതികളില് ഭര്ത്താവ് മരിച്ചു..... ഭാര്യ ഗുരുതരാവസ്ഥയില്.....
മരുന്നും ഭക്ഷണവും നല്കാതെ ഒരു മാസത്തിലേറെയായി മകന് മുറിയില് പൂട്ടിയിട്ട വൃദ്ധ ദമ്പതികളില് ഭര്ത്താവ് മരിച്ചു..... ഭാര്യ ഗുരുതരാവസ്ഥയില്..... മുണ്ടക്കയം അമ്പനിയില് തൊടിയില് വീട്ടില് പൊടിയനാണ് (80) മരിച്ചത്. ഭാര്യ അമ്മിണി (75) ഗുരുതരാവസ്ഥയില് കോട്ടയം മെഡിക്കല് കോളേജ് ആശുപത്രിയില് ചികിത്സയിലാണ്.
അസ്വാഭാവിക മരണത്തിന് കേസെടുത്ത പൊലീസ് മകന് റെജിക്കായി അന്വേഷണം തുടങ്ങി. ചൊവ്വാഴ്ച വൈകിട്ട് നാലോടെ ദമ്പതികളുടെ ആരോഗ്യസ്ഥിതി അന്വേഷിക്കാന് ആശാവര്ക്കര് എത്തിയപ്പോഴാണ് മുറിക്കുള്ളില് മലമൂത്രവിസര്ജനം നടത്തി അവശനിലയില് ഇരുവരെയും കണ്ടെത്തിയത്. വിവരം പഞ്ചായത്ത് അധികൃതരെയും പൊലീസിനെയും അറിയിച്ചു.
അമ്മിണിയെ കാഞ്ഞിരപ്പള്ളി ജനറല് ആശുപത്രിയിലും, പിന്നീട് മെഡിക്കല് കോളേജ് ആശുപത്രിയിലും പ്രവേശിപ്പിച്ചു. ആശുപത്രിയില് എത്തിച്ചപ്പോഴേക്കും പൊടിയന് മരിച്ചിരുന്നു. രണ്ടുപേര്ക്കും മാനസികാസ്വാസ്ഥ്യം ഉണ്ടായിരുന്നുവെന്ന് പൊലീസ് പറഞ്ഞു.അതിനിടെ റെജി വീട്ടില് നിന്ന് മുങ്ങി. നാട്ടുകാരും ആരോഗ്യ പ്രവര്ത്തകരും നിര്ദേശിച്ചതനുസരിച്ച് റെജിയുടെ ഭാര്യ ജാന്സിയാണ് അമ്മിണിക്കൊപ്പം ആശുപത്രിയിലുള്ളത്.
രണ്ട് ആണ്മക്കളാണ് ഇവര്ക്കുള്ളത്. ഇളയമകന് റെജിയോടൊപ്പമായിരുന്നു താമസം. തൊട്ടടുത്ത മുറിയില് റെജിയും ജാന്സിയും താമസമുണ്ടെങ്കിലും മാതാപിതാക്കളെ ശ്രദ്ധിച്ചിരുന്നില്ല. ഇവര് ജോലിക്ക് പോകുമ്പോള് സമീപവാസികളോ ബന്ധുക്കളോ ഭക്ഷണം നല്കാതിരിക്കാന് വീടിന് മുന്നില് നായയെ കെട്ടിയിട്ടിരുന്നു.
കൂടാതെ മദ്യപാനിയായ റെജി അയല്വാസികളെ അസഭ്യം പറയുക നിത്യസംഭവമാണ്. അതുകാരണം ആരും ഇവിടേക്ക് എത്താറില്ല. പോസ്റ്റ്മോര്ട്ടം റിപ്പോര്ട്ട് ലഭിച്ച ശേഷം മാത്രമേ തുടര്നടപടികള് സ്വീകരിക്കുമെന്ന് മുണ്ടക്കയം പൊലീസ് .
"
https://www.facebook.com/Malayalivartha
