പിഎസ്സി റാങ്ക് ലിസ്റ്റുകളുടെ കാലാവധി ആറുമാസത്തേക്ക് നീട്ടാനുള്ള സംസ്ഥാന സര്‍ക്കാര്‍ ശുപാര്‍ശക്ക് പിഎസ്സിയുടെ അംഗീകാരം. 2021 ഫെബ്രുവരി അഞ്ചിനും ആഗസ്ത് നാലിനും ഇടയ്ക്ക് അവസാനിക്കുന്ന എല്ലാ റാങ്ക് ലിസ്റ്റുകളുടെയും കാലാവധി 2021 ആഗസ്ത് അഞ്ചുവരെ നീട്ടാനാണ് വെള്ളിയാഴ്ച ചേര്‍ന്ന കമ്മീഷന്‍യോഗം തീരുമാനിച്ചത്.

ഫെബ്രുവരി രണ്ടുമുതല്‍ ആഗസ്ത് രണ്ടുവരെ കാലാവധി കഴിയുന്ന ലിസ്റ്റുകള്‍ നീട്ടാനാണ് സര്‍ക്കാര്‍ ശുപാര്‍ശ ചെയ്തിരുന്നത്. എന്നാല്‍ അഞ്ചുമുതലുള്ള ലിസ്റ്റുകളാണ് നീട്ടുന്നത്. രണ്ടിനും അഞ്ചിനുമിടയില്‍ കാലാവധി തീരുന്ന ലിസ്റ്റുകള്‍ഇല്ല. ഉദ്യോഗാര്‍ഥികളുടെ ആവശ്യം പരിഗണിച്ചാണ് കാലാവധി നീട്ടാനുള്ള നിര്‍ദേശം സര്‍ക്കാര്‍ സമര്‍പ്പിച്ചത്.

എല്ലാ ജില്ലയിലെയും എല്‍ഡിസി, എല്‍ജിഎസ്, െ്രെഡവര്‍, സ്റ്റാഫ് നേഴ്‌സ് ഉള്‍പ്പെടെ 473 തസ്തികയില് റാങ്ക് പട്ടികയിലുള്ളവര്ക്ക് തീരുമാനം ? പ്രയോജനപ്പെടും. ഏപ്രില്‍, മെയ് മാസങ്ങളില്‍ സര്‍ക്കാര്‍ സര്‍വീസില്‍നിന്ന് വന്‍തോതില്‍ ജീവനക്കാര്‍ വിരമിക്കുന്നുണ്ട്. ഈ ഒഴിവുകളിലേക്ക് നിലവിലുള്ള റാങ്ക് പട്ടികയില് നിന്ന് നിയമനം ലഭിക്കുന്നതോടെ ആയിരക്കണക്കിന് ഉദ്യോഗാര്‍ഥികളുടെ തൊഴില്‍സ്വപ്നം സാക്ഷാല്‍ക്കരിക്കപ്പെടും. കോവിഡ് വ്യാപനം കാരണം പിഎസ്സി പരീക്ഷാ നടത്തിപ്പ് സമയക്രമത്തില്‍ വ്യത്യാസം വന്നതും റാങ്ക് ലിസ്റ്റ് പ്രസിദ്ധീകരിക്കുന്നതിന് കൂടുതല്‍ സമയമെടുക്കുന്നതും കണക്കിലെടുത്താണ് സര്‍ക്കാര്‍തീരുമാനം.