കുതിരാൻ തുരങ്കം ഉദ്ഘാടന മാമാങ്കത്തിനു കാത്തുനിൽക്കാതെ വേഗം തുറക്കണമെന്ന് ജസ്റ്റിസ് കെമാൽപാഷ ...പൊതുമുതൽ കൊണ്ട് പണിയുന്ന പാലത്തിൽ ഭിക്ഷക്കാരൻ കയറിയാലും അതിനെ ഉദ്‌ഘാടനം എന്ന് തന്നെ പറയാൻ കഴിയും .അതിനാൽ മുഖ്യമന്ത്രിയാണോ മറ്റു പ്രമുഖരാണോ ഉദ്‌ഘാടനം ചെയ്‌തതെന്ന കാര്യം പറയേണ്ടതില്ല

ജസ്റ്റിസ് കെമാൽ പാഷയുടെ കുറിക്ക് കൊള്ളുന്ന ചില മറുപടികൾ കേട്ടാൽ ആരായിരുന്നാലും മൂക്കിൽ
വിരൽ വെച്ച് പോകും .ഭരണപക്ഷമോ പ്രതിപക്ഷമോ എന്നുള്ള വേർതിരിവൊന്നും അദ്ദേഹത്തിന്റെ
വാക്കുകളിൽ ഇല്ല .

വിമർശിക്കേണ്ടവരെ മുഖമടച്ചു തന്നെ വിമർശിക്കുന്ന പതിവാണ് കെമാൽ പാഷയ്ക്കുള്ളത് .ഏറെ ചർച്ചാ വിഷയമായ ഒരു മറുപടിയാണ് വൈറ്റില പാലം തുറന്നുകൊടുത്ത സംഭവത്തിൽ അദ്ദേഹം പറഞ്ഞത് .വീട്ടിലെ തേങ്ങാ വെട്ടിയ കാശ് കൊണ്ട് പണിത പാലമല്ലല്ലോ എന്ന് പിണറായി സർക്കാരിന് കുറിക്ക് കൊള്ളുന്ന തരത്തിൽ പറഞ്ഞ ആ മറുപടി മലയാളികൾ ഏറ്റെടുത്തു

.പൊതുമുതൽ കൊണ്ട് പണിയുന്ന പാലത്തിൽ ഭിക്ഷക്കാരൻ കയറിയാലും അതിനെ ഉദ്‌ഘാടനം എന്ന് തന്നെ പറയാൻ കഴിയും .അതിനാൽ മുഖ്യമന്ത്രിയാണോ മറ്റു പ്രമുഖരാണോ ഉദ്‌ഘാടനം ചെയ്‌തതെന്ന കാര്യം പറയേണ്ടതില്ല കുതിരാനിലും സമാനമായ യാത്ര തടസ്സങ്ങൾ കാലാകാലങ്ങളായി തുടർന്നുവരികയാണ് .
അതിനു ഒരു പരിഹാരമെന്ന നിലയിലാണ് തുരങ്കത്തിലൂടെയുള്ള ഗതാഗത സൗകര്യം നടത്താനായുള്ള ശ്രമങ്ങൾ സർക്കാരിന്റെ ഭാഗത്തു നിന്നും വന്നത് .

കുതിരാൻ തുരങ്കം ഉദ്ഘാടന മാമാങ്കത്തിനു കാത്തുനിൽക്കാതെ വേഗം തുറക്കണമെന്ന് ജസ്റ്റിസ് കെമാൽപാഷ ഇപ്പോൾ പറഞ്ഞിരിക്കുകയാണ് . കുതിരാൻ തുരങ്കം തുറക്കണമെന്ന് ആവശ്യപ്പെട്ട് ജനകീയ പ്രതിഷേധ സമരം ഉദ്ഘാടനം ചെയ്യുകയായിരുന്നു അദ്ദേഹം. കുതിരാൻ തുരങ്കങ്ങളിലൊന്ന് ഫെബ്രുവരി ഒന്നു മുതൽ തുറക്കുമെന്ന് മുഖ്യമന്ത്രി പിണറായി വിജയൻ തൃശൂരിൽ വന്നപ്പോൾ പ്രഖ്യാപിച്ചിരുന്നു.

പക്ഷേ, ആ വാഗ്ദാനം പൂർത്തിയായില്ല. മാർച്ച് 31ന് മുൻപ് പണി പൂർത്തീകരിക്കുമെന്നാണ് ദേശീയപാത അധികൃതർ ഹൈക്കോടതിയെ അറിയിച്ചിരിക്കുന്നത്. ഇനിയും കുതിരാൻ തുരങ്കം തുറന്നില്ലെങ്കിൽ ശക്തമായ പ്രതിഷേധം നടത്താനാണ് നാട്ടുകാരുടെ തീരുമാനം.

ദേശീയപാതയിൽ സഞ്ചാര സ്വാതന്ത്രം ഉറപ്പുവരുത്താൻ ബന്ധപ്പെട്ട അധികൃതർക്കു ബാധ്യതയുണ്ടെന്ന് പ്രതിഷേധം ഉദ്ഘാടനം ചെയ്ത ജസ്റ്റിസ് കെമാൽപാഷ പറഞ്ഞു.

കെപിസിസി സെക്രട്ടറി ഷാജി ജെ.കോടങ്കണ്ടത്ത് രചിച്ച നിയമപോരാട്ട പുസ്തകം ജസ്റ്റിസ് കെമാൽപാഷ പ്രകാശനം ചെയ്തു. കുതിരാനിലെ മണ്ണുമാറ്റുന്നതും പാറ പൊട്ടിക്കുന്നതും പുരോഗമിക്കുകയാണ്.