വാളയാറിലെ  പിഞ്ചുകുട്ടികളെ പീഡിപ്പിച്ച് കൊന്ന    പ്രതികളെ ശിക്ഷിക്കുന്ന കാര്യത്തില്‍  തുടക്കം മുതലെ സര്‍ക്കാരിന്   കള്ളക്കളിയാണെന്ന് പ്രതിപക്ഷ നേതാവ് രമേശ് ചെന്നിത്തല.      പൊലീസും പ്രൊസിക്യുഷനും ബോധപൂര്‍വ്വം ഒത്ത് കളിച്ചാണ് അദ്യം  പ്രതികളെ രക്ഷപെടുത്തിയത്്. പിന്നീട്  ഉണ്ടായ  വന്‍ പ്രതിഷേധത്തെത്തുടര്‍ന്നാണ് ഈ കേസ്  സി ബി ഐക്ക് വിട്ടത്.  എന്നിട്ടും ആദ്യത്തെ  കുട്ടിയുടെ മരണം മാത്രമാണ് സി ബി ഐക്ക് വിടാന്‍ സര്‍ക്കാര്‍  തെയ്യാറായത്. വാളയാര്‍ സമര സമിതിയും, പൊതുപ്രവര്‍ത്തകരുമൊക്കെ ചൂണ്ടിക്കാണിച്ചപ്പോഴാണ് രണ്ടാമത്തെ കുട്ടിയുടെ മരണവും സി ബിഐക്ക് വിട്ടതെന്നും അദ്ദേഹം   പറഞ്ഞു. വാളയാര്‍ സമപരന്തലിലെത്തി പെണ്‍കുട്ടികളുടെ അമ്മയെ സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

പെണ്‍കുട്ടികളു കൊലപാതാകത്തെക്കുറിച്ചുള്ള അന്വേഷണം വഴി തെറ്റിച്ച പൊലീസ് ഉദ്യേഗസ്ഥരുടെ പേരില്‍ സര്‍ക്കാര്‍ എന്ത് കൊണ്ട് നടപടിയെടുക്കുന്നില്ല.  അരിവാള്‍ പാര്‍ട്ടിക്കാരെ സംരക്ഷിക്കാനുളള നീക്കമാണ് നടന്നുകൊണ്ടിരിക്കുന്നതെന്ന്  വ്യക്തമാവുകയാണ്.  വാളയാര്‍ പൊലീസ് സ്റ്റേഷനില്‍ 45  പോക്‌സോ കേസുകളുണ്ടായി അതില്‍ പന്ത്രണ്ടെണ്ണം മാത്രമെ ചാര്‍ജ്ജ് ചെയ്തുളളുവെന്നും താന്‍ അന്വേഷിച്ചപ്പോള്‍ മനസിലായി.  അതാകട്ടെ വെറുതെ വിടുകയും ചെയ്തു. അപ്പോള്‍ പ്രതികള്‍ക്കായി  പ്രവര്‍ത്തിക്കുന്ന  പൊലീസ് ഉദ്യേഗസ്ഥരാണ് ഈ വാളയാര്‍ സ്റ്റേഷനിലുള്ളതെന്ന് വ്യക്തമാവുകയാണ്.  ആ പൊലീസ് ഉദ്യേഗസ്ഥരെ സസ്‌പെന്‍ഡ് ചെയ്യണമെന്ന് പറയുമ്പോള്‍ എന്തിനാണ് സര്‍ക്കാര്‍ മടിക്കുന്നത്.   അപ്പോള്‍ പ്രതികള്‍ സി പിഎം കാരായത് കൊണ്ട് അവരെ   രക്ഷിക്കാനുളള ബോധൂപൂര്‍വ്വമായ നീക്കങ്ങളാണ്  ഇവിടെ നടക്കുന്നത്.

തന്റെ  പെണ്‍കുട്ടികള്‍ക്ക് നീതി ലഭ്യമാക്കണമെന്നവശ്യപ്പെട്ട് അവരുെട  അമ്മ വാളയാറില്‍ നടത്തുന്ന സത്യാഗ്രഹ സമരം കേരളത്തിന്റെ മനസാക്ഷിയെ ഞെട്ടിപ്പിക്കുന്നതാണെന്നും  അത് കൊണ്ടാണ് ഈ സമര പന്തലില്‍ അവരെ സന്ദര്‍ശിക്കാന്‍ താനെത്തിയതെന്നും രമേശ് ചെന്നിത്തല പറഞ്ഞു. ഭരണം തലക്ക് പിടിച്ച്  കൊണ്ടാണ് ഐസകിന് സമരം  ചെയ്യുന്ന യുവാക്കളോട് പുഛമെന്ന്   രമേശ് ചെന്നിത്തല.

 പാലക്കാട്:   ഭരണം തലക്ക് പിടിച്ചത് കൊണ്ടാണ് ധനാകാര്യമന്ത്രി തോമസ് ഐസകിന്  തിരുവനന്തപുരത്ത് സെക്രട്ടറിയേറ്റിന് മുന്നില്‍ സമരം നടത്തുന്ന പി എസ് എസി ഉദ്യോഗാര്‍ത്ഥികളോട്  പുഛം തോന്നുന്നതെന്ന് രമേശ് ചെന്നിത്തല പറഞ്ഞു. അവരെ  പ്രതിപക്ഷം ഇളക്കിവിടുന്നതാണ് എന്ന്  തോമസ് ഐസിക്കിന്റെ ആരോപണം   ബാലിശമാണ്. സമരം ചെയ്യുന്നവരെല്ലാം ഗൂഡാലോചന നടത്തുന്നവരാണെന്നും പ്രതിപക്ഷം അവരെ ഇളക്കിവിടുകയാണെന്നുമുളള ആരോപണം ഒരു കമ്യുണിസ്റ്റ് മന്ത്രിക്ക് ചേര്‍ന്നതാണോ. ഇപ്പോള്‍ നരേന്ദ്രമോദിയും തോമസ് ഐസക്കും തമ്മിലെന്താണ് വ്യത്യാസം.   ഡല്‍ഹിയിലെ സമരക്കാരെ സമരജീവികള്‍ എന്ന്  നരേന്ദ്രമോദി വിളിക്കുമ്പോള്‍ തിരുവനന്തപുരത്ത് സമരം ചെയ്യുന്നവരെ പ്രതിപകഷം ഇളക്കിവിട്ടവര്‍ എന്ന് വിളിക്കുകയാണ്  തോമസ് ഐസക്്. അധികാരം തലക്ക് പിടിക്കുന്ന ഭരണാധികാരിയുടെ കേവല ജല്‍പ്പനങ്ങള്‍  ആയിമാത്രമേ ഐസകിന്റെ  ആരോപണത്തെ കാണാന്‍ കഴിയൂ. വെറുതെ ആരെങ്കിലും മണ്ണണ്ണ ഒഴിച്ച് തീ കത്തിക്കാന്‍ ആരെങ്കിലും മുന്നോട്ട് വരുമോ ?  

അവരുടെ ഹൃദയ വികാരം മനസിലാക്കണം. രാത്രിയും പകലും ഇരുന്ന് പഠിച്ച് പി എസ് സി ടെസ്‌റ്റെഴുതി  റാങ്ക് ലിസ്റ്റില്‍   പേര് വന്നിട്ട് അവര്ക്ക് ജോലി ലഭിക്കാതിരിക്കുകയും സി പി എം നേതാക്കളുടെ ഭാര്യമാര്‍ക്കും മക്കള്‍ക്കും  മാത്രമേ ഉള്ളുവെന്ന് പറയുകയും ചെയ്യുമ്പോള്‍ അവര്‍   പ്രതിഷേധിക്കില്ലേ? അതിനെ കണ്ടില്ലന്ന് നടിക്കാന്‍ കഴിയുമോ. അതെല്ലാം പ്രതിപക്ഷം  ഉണ്ടാക്കുന്നതെന്ന്  പറയുന്നത് എന്ത് വിഡ്ഡിത്തമാണ്.  മാത്രമല്ല  പ്രതിപക്ഷം അവരുടെ ന്യായമായ സമരത്തെ പിന്തുണച്ചാല്‍ എന്താണ് തെറ്റ്.  കേരളത്തിലെ യുവജനങ്ങള്‍ നടത്തുന്ന സമരത്തെ ഞങ്ങള്‍ പിന്തുണക്കുക തന്നെ ചെയ്യും . മൂന്ന് ലക്ഷം  പിന്‍വാതില്‍ നിയമനങ്ങള്‍ നടത്തിയ സര്‍ക്കാരാണിത്.     ഈ സര്‍ക്കാരില്‍ നിന്ന്  യുവജനങ്ങള്‍ക്ക് എന്ത് നീതി ലഭിക്കുമെന്നും    രമേശ് ചെന്നിത്തല ചോദിച്ചു.  ഈ  ചെറുപ്പക്കാരുടെ സമരം അടിച്ചമര്‍ത്താമെന്ന വ്യാമോഹം സര്‍ക്കാരിന് വേണ്ടെന്നും  സമരം ശക്തമാകുമെന്നും രമേശ് ചെന്നിത്തല കൂട്ടിച്ചേര്‍ത്തു.