പ്രതിപക്ഷസംഘടനകളില്പ്പെട്ട ഒരുവിഭാഗം ജീവനക്കാരും അധ്യാപകരും ഇന്ന് പണിമുടക്കും.... സര്ക്കാര് ഡയസ്നോണ് പ്രഖ്യാപിച്ചു, ഗസറ്റഡ് ജീവനക്കാര് ഉള്പ്പെടെയുള്ളവര്ക്ക് അടിയന്തര സാഹചര്യങ്ങളിലല്ലാതെ ഒരുതരത്തിലുമുള്ള അവധി അനുവദിക്കില്ല
10 FEBRUARY 2021 06:34 AM IST
മലയാളി വാര്ത്ത
പ്രതിപക്ഷസംഘടനകളില്പ്പെട്ട ഒരുവിഭാഗം ജീവനക്കാരും അധ്യാപകരും ഇന്ന് പണിമുടക്കും. ശമ്പളപരിഷ്കരണറിപ്പോര്ട്ടിലെ അപാകങ്ങള് പരിഹരിക്കണം എന്നതുള്പ്പെടെ വിവിധ ആവശ്യങ്ങള് ഉന്നയിച്ചാണ് പണിമുടക്ക്. പണിമുടക്കിന് സര്ക്കാര് ഡയസ്നോണ് പ്രഖ്യാപിച്ചു.
ഗസറ്റഡ് ജീവനക്കാര് ഉള്പ്പെടെയുള്ളവര്ക്ക് അടിയന്തര സാഹചര്യങ്ങളിലല്ലാതെ ഒരുതരത്തിലുമുള്ള അവധി അനുവദിക്കില്ല. ഓഫീസ് തലവന് പണിമുടക്കില് പങ്കെടുക്കുകയും ഓഫീസ് അടഞ്ഞുകിടക്കുകയും ചെയ്താല് ജില്ലാ ഓഫീസര് മുമ്പാകെ റിപ്പോര്ട്ടുചെയ്യണം.
പണിമുടക്കാത്തവര്ക്ക് ഓഫീസുകളില് തടസ്സംകൂടാതെ എത്താന് പൂര്ണസുരക്ഷ ഉറപ്പാക്കാനും സര്ക്കാര് നിര്ദേശം നല്കി. ഇതിനുള്ള ക്രമീകരണം പോലീസ് മേധാവി ഏര്പ്പെടുത്തണം. അനുമതിയില്ലാതെ ഹാജരാകാത്ത താത്കാലിക ജീവനക്കാരെ പിരിച്ചുവിടും.
"അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
