കൊല്ലം ചടയമംഗലത്ത് വിവാഹ വാഗ്ദാനം നൽകി പതിമൂന്ന് കാരിയെ പീഡിപ്പിച്ച കേസിൽ യുവാവ് പിടിയിലായി. ചടയമംഗലം സ്വദേശിനിയായ പെൺകുട്ടിയെ മൊബൈൽ ഫോണിലൂടെയാണ് ആയൂർ ഇളമാട് സ്വദേശി ഷഹിൻ പരിചയപെട്ടത്. തുടർന്ന് പ്രണയാഭ്യർത്ഥന നൽകി പെൺകുട്ടിയെ പീഡിപ്പിക്കുകയായിരുന്നു.

വിവാഹ വാഗ്ദാനം നൽകി പെൺകുട്ടിയുടെ വീട്ടിൽ മാതാപിതാക്കൾ ഇല്ലാത്ത സമയത്താണ് പീഡിപ്പിച്ചത്. പെൺക്കുട്ടിയുടെ വീടിന് സമീപത്തുള്ള പാറമടയിൽ വെച്ചും പീഡിപ്പിച്ചിരുന്നു. ഇതിനിടെ പ്രതി പെൺകുട്ടിയുടെ സ്വർണ്ണമാലയും കൈക്കലാക്കിയിരുന്നു. മാല കാണാതായതിനെ തുടർന്ന് വീട്ടുകാർ അന്വേഷിച്ചപ്പോഴായിരുന്നു പീഡനവിവരം പുറത്തറിഞ്ഞത്. തുടർന്ന് മാതാപിതാക്കൾ ചടയമംഗലം പോലീസ് സ്റ്റേഷനിൽ പരാതി നൽകുകയായിരുന്നു. പോക്‌സോ നിയമ പ്രകാരം അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.