ഓൺലൈൻ റമ്മി നിരോധിക്കുന്നതിന് രണ്ടാഴ്‌ചക്കകം വിജ്ഞാപനം ഇറക്കുമെന്ന് സംസ്ഥാന സര്‍ക്കാർ ഹൈക്കോടതിയെ അറിയിച്ചു. തൃശൂർ സ്വദേശി നൽകിയ പൊതുതാത്പര്യ ഹർജി പരിഗണിക്കവെ ആയിരുന്നു ഹൈക്കോടതിയിൽ സർക്കാർ നിലപട് അറിയിച്ചത്.

ഓൺലൈൻ ചൂതാട്ടം ഗൗരവ പരമായ കാര്യമാണെന്ന് ഹൈക്കോടതി സർക്കാരിനെ അറിയിക്കുകയുണ്ടായി. ഇതിനുവേണ്ടി കേരളാ ഗെയിമിംഗ് ആക്‌ടില്‍ ഭേദഗതി വരുത്താനാണ് സര്‍ക്കാരിന്റെ നീക്കം. കേരള ഗെയിമിംഗ് ആക്‌ട് പ്രകാരം ചൂതാട്ടം ശിക്ഷാര്‍ഹമാണെങ്കിലും ഓണ്‍ലൈന്‍ റമ്മിയടക്കമുളളവയ്‌ക്ക് നിയന്ത്രണമില്ലെന്നും, അതിനാല്‍ ഇവ നിരോധിക്കണമെന്നുമായിരുന്നു ഹര്‍ജിക്കാരൻ ആവശ്യം ഉന്നയിച്ചിരുന്നത്.