കേരളം പിടിക്കാന് മോദി വരുന്നു; ബിജെപി ലക്ഷ്യമിടുന്നത് കേരളത്തില് കുറഞ്ഞത് ആറു സീറ്റുകളില് വിജയവും 30 സീറ്റുകളില് രണ്ടാം സ്ഥാനവുമാണ്, തെരഞ്ഞെടുപ്പിനു മുന്പ് രണ്ടു തവണ നരേന്ദ്ര മോദിയും മൂന്നു തവണ അമിത് ഷായും വിവിധ റാലികളിലും റോഡ് ഷോകളിലും പങ്കെടുക്കുമെന്ന് സൂചന
കേരളം പിടിക്കാന് നരേന്ദ്ര മോദി എത്തുകയാണ്. ഞായറാഴ്ച കൊച്ചിയിലെത്തുന്ന പ്രധാനമന്ത്രി ബിജെപി സംസ്ഥാന നേതാക്കളുമായി കൂടിക്കാഴ്ച നടത്തി ആദ്യതന്ത്രങ്ങള് പങ്കുവയ്ക്കും. കേരളത്തില് ബിജെപിക്ക് മെച്ചപ്പെട്ട സാധ്യത കല്പ്പിക്കുന്ന 40 മണ്ഡളുടെ ലിസ്റ്റും അവിടെ അനുയോജ്യരായ സ്ഥാനാര്ഥികളുടെ പേരുകളും ഉള്പ്പെട്ട റിപ്പോര്ട്ട് കഴിഞ്ഞ മാസം ബിജെപി കേന്ദ്ര നേതൃത്വം ശേഖരിച്ചിട്ടുണ്ട്. കേരളത്തില് കുറഞ്ഞത് ആറു സീറ്റുകളില് വിജയവും 30 സീറ്റുകളില് രണ്ടാം സ്ഥാനവുമാണ് ബിജെപി ലക്ഷ്യമിടുന്നത്. ഈ സാധ്യത മുന്നില്കണ്ട് തെരഞ്ഞെടുപ്പ പ്രഖ്യാപിച്ചാലുടന് പ്രധാനമന്ത്രി തിരുവനന്തപുരത്ത് നടക്കുന്ന പ്രചാരണ യോഗത്തില് പങ്കെടുക്കാന് എത്തും. തെരഞ്ഞെടുപ്പിനു മുന്പ് രണ്ടു തവണ നരേന്ദ്ര മോദിയും മൂന്നു തവണ അമിത് ഷായും വിവിധ റാലികളിലും റോഡ് ഷോകളിലും പങ്കെടുക്കുമെന്നാണ് സൂചന. ദേശീയ അധ്യക്ഷന് ജെപി നദ്ദയും കേരളത്തില് പ്രചാരണത്തിനുണ്ടാകും.
ആറു സീറ്റില് കുറഞ്ഞ് മറ്റൊരു ഒത്തുതീര്പ്പിനു കീഴടങ്ങരുതെന്നും അതിനുള്ള എല്ലാ തന്ത്രങ്ങളും പാര്ട്ടി താഴേത്തട്ടുമുതല് ഒരുക്കണമെന്നുമാണ് അമിത് ഷാ കേരള നേതാക്കള്ക്ക് നിര്ദേശം നല്കിയിരിക്കുന്നത്.
എ പ്ലസ് മണ്ഡലങ്ങളില് കെ സുരേന്ദ്രന്, കുമ്മനം രാജശേഖരന്, എം ടി രമേശ് , ശോഭാ സുരേന്ദ്രന്, സന്ദീപ് വാര്യര്, സി കൃഷ്ണ കുമാര്, സുരേഷ് ഗോപി, സി.വി.ആനന്ദബോസ്, ജേക്കബ് തോമസ്, ടി.പി.സെന്കുമാര് തുടങ്ങിയവരും സാധ്യതാ പട്ടികയിലുണ്ട്. നേമത്ത് കുമ്മനം രാജശേഖരന്, സുരേഷ് ഗോപി എന്നിവരുടെ പേരുകളാണ് ഉള്ളത്.
വട്ടിയൂര്ക്കാവില് വി.വി.രാജേഷ് വരുമ്പോള് കഴക്കൂട്ടത്ത് കേന്ദ്ര നേതൃത്വം ആവശ്യപ്പെട്ടാല് കെ.സുരേന്ദ്രന് കളത്തിലിറങ്ങും. കാട്ടാക്കടയില് പി.കെ.കൃഷ്ണദാസ്, പാറശ്ശാല കരമന ജയന്, ആറ്റിങ്ങല് ബി.എല്.സുധീര്, കുന്നത്തൂര് രാജി പ്രസാദ്, ചാത്തന്നൂര് ബി.ബി.ഗോപകുമാര് എന്നിവരും കരുനാഗപ്പള്ളിയില് ഡോ.കെ.എസ്.രാധാകൃഷ്ണനും പരിഗണനയിലുണ്ട്. കോഴിക്കോട് നോര്ത്തിലാണ് എം.ടി.രമേശിന് താല്പര്യമെങ്കിലും ചെങ്ങന്നൂരിലാണ് പാര്ട്ടി പരിഗണിക്കുന്നത്. നേമം കിട്ടിയില്ലെങ്കില് സുരേഷ് ഗോപി തൃശൂരില് എത്തിയേക്കും. ബിജെപിക്ക് ഏക എംഎല്എ ഉളള ജില്ലയായ തിരുവനന്തപുരത്തിന് പാര്ട്ടി ഇത്തവണ പ്രത്യേക പരിഗണന നല്കുന്നു. പാലക്കാട്, തൃശൂര്, കാസര്ഗോഡ് ജില്ലകളിലും പാര്ട്ടി ഏറെ പ്രതീക്ഷ വയ്ക്കുന്നു. കേന്ദ്രമന്ത്രി മുരളീധരന്, അല്ഫോന്സ് കണ്ണന്താനം ഉള്പ്പെടെ നിരവധി പ്രമുഖരും വിവിധ മണ്ഡലങ്ങളില് പരിഗണനയിലുണ്ട്.
https://www.facebook.com/Malayalivartha
