പ്രിയങ്കയും രാഹുല്‍ ഗാന്ധിയും മൃദു ഹിന്ദുത്വത്തിന്റെ പ്രചാകരെന്ന് സിപിഎം സംസ്ഥാന സെക്രട്ടറി എ വിജയരാഘവന്‍. രാജ്യത്തെ വര്‍ഗീയവത്കരിക്കാനുള്ള ബിജെപി ശ്രമത്തോട് ശക്തമായി പ്രതികരിക്കാന്‍ ഇവര്‍ക്ക് കഴിയുന്നില്ലെന്നും വിജയരാഘവന്‍ പറഞ്ഞു. പെട്രോള്‍ വിലവര്‍ധനവിനെതിരെ കോണ്‍ഗ്രസ്-യുഡിഎഫ് നേതാക്കള്‍ കേന്ദ്രത്തിനെതിരെ ഒരക്ഷരം മിണ്ടുന്നില്ലെന്നും ഇത് ബിജെപിയോടുള്ള മൃദു സമീപനത്തിന്റെ തെളിവാണെന്നും അദേഹം പറഞ്ഞു.

രാഹുല്‍ ഗാന്ധി അദേഹത്തിന്റെ തിരഞ്ഞെടുപ്പ് പ്രചാരണം ഗുജറാത്തിലും രാജസ്ഥാനിലും ആരംഭിച്ചത് അമ്ബലങ്ങളില്‍ പോയി പൂജ അനുഷ്ഠിച്ചാണ്. ബിജെപിയുടെ അതേ ശൈലി തന്നെയാണ് അവര്‍ സ്വീകരിക്കുന്നത്. ഹിന്ദുത്വ ചിഹ്നങ്ങളുടെ കാര്യത്തില്‍ പ്രിയങ്ക ബിജെപിയോട് മത്സരിക്കുന്നത് നമ്മള്‍ കണ്ടതാണെന്നും വിജരാഘവന്‍ പറഞ്ഞു.

'കേരളത്തിലെ സ്ഥിതിയും സമാനമാണ്. ഒരു നേതാവും ബിജെപിയെ എതിര്‍ക്കുന്നില്ല. നാട്ടുകാരെ കബളിപ്പിക്കുന്നതിലാണ് ഇന്നത്തെ കോണ്‍ഗ്രസ് നേതൃത്വം പ്രാവീണ്യം നേടിയിട്ടുള്ളതെന്നും ഒരു കാലത്തുപം ജനങ്ങള്‍ക്ക് നല്‍കിയ വാഗ്ദാനം പാലിച്ചിട്ടില്ലെന്നും അജദേഹം പറഞ്ഞു. ഇന്നത്തെ സമൂഹം നേരിടുന്ന ഒരു പ്രശ്‌നത്തിലും കോണ്‍ഗ്രസിന് നിലപാടില്ല. മോദി സര്‍ക്കാരിന്റെ സാമ്ബത്തിക നയം തകര്‍ക്കുന്നു. അവിടെ കോണ്‍ഗ്രസിന് ഒരു നിലപാടും ഇല്ല. ബിജെപിയുമായി സഹകരിച്ച്‌ ഇടതുപക്ഷ സര്‍ക്കാരിനെ ദുര്‍ബലപ്പെടുത്തുക എന്ന ഒറ്റ അജണ്ട മാത്രമാണ് അവര്‍ക്കുള്ളതെന്നും വിജയരാഘവന്‍ കുറ്റപ്പെടുത്തി.