പൊതുമേഖലാ സ്ഥാപനങ്ങളിലെ സ്ഥിരപ്പെടുത്തലില് സര്ക്കാരിന്റെ വിശദീകരണം തേടി ഹൈക്കോടതി
പൊതുമേഖലാ സ്ഥാപനങ്ങളിലെ സ്ഥിരപ്പെടുത്തലില് ഹൈക്കോടതി സര്ക്കാരിന്റെ വിശദീകരണം തേടി. നിയമനം സംബന്ധിച്ച ചട്ടങ്ങള് എന്തെന്ന് അറിയിക്കാനാണ് കോടതിയുടെ നിര്ദേശം.
പത്ത് ദിവസത്തിന് ശേഷം ഹരജി വീണ്ടും പരിഗണിക്കും. യൂത്ത് കോണ്ഗ്രസ് നല്കിയ ഹരജിയിലാണ് കോടതിയുടെ ഇടപെടല്. പി.എസ്.സി റാങ്ക് ഹോള്ഡേഴ്സിന്റെ എതിര്പ്പ് അവഗണിച്ച് സര്ക്കാര് കൂട്ട സ്ഥിരപ്പെടുത്തല് തുടരുന്നതിനിടെയാണ് കോടതിയുടെ ഇടപെടല്.
താല്ക്കാലിക ജീവനക്കാരെ സ്ഥിരപ്പെടുത്താനുള്ള സര്ക്കാര് നീക്കം തടയണമെന്ന് ആവശ്യപ്പെട്ട് യൂത്ത് കോണ്ഗ്രസ് നേതാക്കള് പൊതുതാത്പര്യ ഹര്ജിയാണ് നല്കിയത്. സംസ്ഥാന സര്ക്കാര് നടപടി നിയമ വിരുദ്ധവും ഭരണഘടനാ വിരുദ്ധവുമെന്ന് ഹര്ജിക്കാര് ചൂണ്ടിക്കാട്ടുന്നു.
വരും ദിവസവും സ്ഥിരപ്പെടുത്തലിന് സാധ്യതയുള്ളതിനാല് കോടതി ഇക്കാര്യത്തില് ഇടപെടണമെന്നും ഹര്ജിക്കാര് ആവശ്യപ്പെടുകയായിരുന്നു.
അതേസമയം 10 വര്ഷം പൂര്ത്തിയാക്കിയ യോഗ്യരായവരെ സ്ഥിരപ്പെടുത്തുന്നതില് തെറ്റില്ലെന്ന നിലപാടിലാണ് സര്ക്കാര്.
https://www.facebook.com/Malayalivartha
