സംസ്ഥാനത്ത് നിലവിൽ വൈദ്യുതി ലഭ്യതയിൽ കുറവുണ്ടെന്ന് മന്ത്രി സണ്ണി ജോസഫ്. മഴയുടെ കുറവും കടുത്ത ചൂടിനെത്തുടർന്ന് വൈദ്യുതി ഉപയോഗം വർദ്ധിച്ചതുമാണ് നിലവിലെ പ്രതിസന്ധിക്ക് പ്രധാന കാരണമെന്ന് അദ്ദേഹം വ്യക്തമാക്കി.

പാലക്കാട്, തൃശ്ശൂർ തുടങ്ങിയ ജില്ലകളിൽ മഴ കുറവാണെന്ന് മന്ത്രി ചൂണ്ടിക്കാട്ടി. മഴ കുറയുന്നതോടെ സംഭരണികളിലെ വെള്ളത്തിന്റെ അളവ് കുറയുന്നത് വൈദ്യുതി ഉൽപ്പാദനത്തെ ബാധിക്കുന്നുണ്ട്. ചൂട് വർദ്ധിച്ചതോടെ എസി, ഫാൻ എന്നിവയുടെ ഉപയോഗം വർദ്ധിച്ചത് വൈദ്യുതി ഉപഭോഗം ഗണ്യമായി ഉയരാൻ

കഴിഞ്ഞ മാർച്ച്, ഏപ്രിൽ മാസങ്ങളിലെ കടുത്ത ചൂടിന്റെ സമയത്ത് മറ്റ് സംസ്ഥാനങ്ങളിൽ നിന്ന് വൈദ്യുതി വാങ്ങിയിരുന്നു. ഈ വൈദ്യുതി നിലവിൽ തിരികെ നൽകിക്കൊണ്ടിരിക്കുകയാണ്. നിലവിലെ കുറവ് പരിഹരിക്കാനായി കൂടുതൽ വില നൽകി മറ്റ് സ്ഥലങ്ങളിൽ നിന്ന് വൈദ്യുതി വാങ്ങിക്കൊണ്ടിരിക്കുകയാണ്. പവർ എക്സ്ചേഞ്ചിൽ നിന്ന് വൈദ്യുതി ലഭ്യമാകാത്തതും പ്രതിസന്ധിക്ക് കാരണമായിട്ടുണ്ട്.

രാത്രികാലങ്ങളിലെ പീക്ക് സമയത്തും ഫുട്ബോൾ മത്സരങ്ങൾ നടക്കുന്ന സമയത്തും തടസ്സമില്ലാതെ വൈദ്യുതി വിതരണം ഉറപ്പാക്കാനുള്ള നടപടികൾ സ്വീകരിച്ചു വരികയാണെന്ന് മന്ത്രി അറിയിച്ചു.

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..