കുടുംബവഴക്കിനെ തുടര്‍ന്ന് യുവാവ് കുത്തേറ്റുമരിച്ചു. ആലപ്പുഴ കാഞ്ഞിരംചിറ പുന്നക്കല്‍ വീട്ടില്‍ മനീഷ് (29)ആണ് കൊല്ലപ്പെട്ടത്. ഇന്നലെ വൈകുന്നേരം 5:30 മംഗലത്തുള്ള വാടകവീട്ടിലാണ് സംഭവം. മനീഷിന്റെ ബന്ധുവായ റോബിന്‍ (26) ആണ് മനീഷിനെ കൊലപ്പെടുത്തിയത്.

മനീഷിന്റെ വീട്ടില്‍ എത്തിയ റോബിനും മനീഷും തമ്മില്‍ വാക്കേറ്റമുണ്ടായി. ഇതിനിടെ റോബിന്‍ കത്തി കൊണ്ടു കുത്തുകയായിരുന്നെന്നു പൊലീസ് . നാട്ടുകാര്‍ ഉടനെ ജനറല്‍ ആശുപത്രിയില്‍ എത്തിച്ചെങ്കിലും മനീഷിനെ രക്ഷിക്കാൻ കഴിഞ്ഞില്ല. മൃതദേഹം ജനറല്‍ ആശുപത്രി മോര്‍ച്ചറിയില്‍.