കെഎസ്ആര്‍ടിസിയുടെ പ്രതിസന്ധി മറികടക്കാന്‍ റീസ്ട്രക്ചര്‍ 2.0 പദ്ധതിയുമായി സര്‍ക്കാര്‍. നിലവില്‍ പ്രതിവര്‍ഷം സര്‍ക്കാര്‍ നല്‍കുന്ന 1500 മുതല്‍ 1700 കോടി രൂപ വരെ ധനസഹായത്തോടെയാണ് കെഎസ്ആര്‍ടിസി മുന്നോട്ട് പോകുന്നത്. വരവ് ചെലവ് അന്തരം ക്രമാതീതമായി കുറച്ചുകൊണ്ട് അടുത്ത മൂന്ന് വര്‍ഷത്തിനുള്ളില്‍ സര്‍ക്കാരില്‍ നിന്നുള്ള ആശ്രയം പരാമാവധി കുറയ്ക്കുന്നതിനാണ് ലക്ഷ്യമിട്ടിരിക്കുന്നത്. ഈ ലക്ഷ്യം കൈവരിക്കുന്നതിനുവേണ്ടി സര്‍ക്കാര്‍ കെഎസ്ആര്‍ടിസി റീസ്ട്രക്ചര്‍ 2.0 എന്ന വലിയ പദ്ധതി നടപ്പാക്കുകയാണെന്ന് മുഖ്യമന്ത്രി പിണറായി വിജയന്‍ പറഞ്ഞു.

ഇത്തരം പരിഷ്‌കാരങ്ങള്‍ ജനങ്ങള്‍ക്ക് മെച്ചപ്പെട്ട യാത്രസൗകര്യം ഒരുക്കുന്നതിനും സ്ഥാപനത്തിന്റെയും ജീവനക്കാരുടെയും ഉന്നമനത്തിനും അനിവാര്യമാണ്. റീസ്ട്രക്ചര്‍ 2.0 നടപ്പാക്കുന്നതിന് ജീവനക്കാരുടെ പൂര്‍ണ സഹകരണം പ്രതീക്ഷിച്ചുകൊണ്ട് ചില കാര്യങ്ങള്‍കൂടി നടപ്പാക്കാന്‍ ഉദ്ദേശിക്കുന്നതായി മുഖ്യമന്ത്രി പറഞ്ഞു. കുടിശികയുള്ള മൂന്ന് ഘടു ഡിഎ മാര്‍ച്ച് മാസം നല്‍കും. ഇതോടൊപ്പം ശമ്ബളത്തിന്റേത് ഗൗരവമുള്ള പ്രശ്‌നമായി കാണും. 2016 മുതലുള്ള സമ്ബള പരിഷ്‌കരണത്തിന്റെ ചര്‍ച്ച ആരംഭിക്കും. 2021 ജൂണ്‍ മുതല്‍ ശമ്ബള പരിഷ്‌കരണം പ്രാബല്യത്തില്‍ വരും.
ഈ പദ്ധതി നടപ്പാക്കുന്നതിന് ജീവനക്കാരുടെ പൂര്‍ണ സഹകരണവും സംതൃപ്തമായ വ്യവസായ അന്തരീക്ഷവും നിലനിര്‍ത്തേണ്ടതുണ്ട്. ഇത് കണക്കിലെടുത്ത് രൂക്ഷമായ സാമ്ബത്തിക പ്രതിസന്ധി നേരിടുമ്‌ബോഴും 65 കോടി രൂപ ശമ്ബളത്തിനുപുറമെ എല്ലാ കെഎസ്ആര്‍ടിസി ജീവനക്കാര്‍ക്കും പ്രതിമാസം 1500 രൂപ വീതം ഇടക്കാല ആശ്വാസമായി 2020 നവംബര്‍ മുതല്‍ അനുവദിച്ച് നല്‍കിയിട്ടുണ്ട്. ഇതിനുപുറമെയാണ് ശമ്പ ള പരിഷ്‌കരണം.
അതേസമയം ഒഴിഞ്ഞുകിടക്കുന്ന മുഴുവന്‍ തസ്തികകളിലേക്കും സ്ഥാനക്കയറ്റം സാധ്യമല്ലെന്ന് മുഖ്യമന്ത്രി പറഞ്ഞു. സ്ഥാനക്കയറ്റം വേണമെന്നത് ജീവനക്കാരുടെ ന്യായമായ ആവശ്യമാണെന്നും അത് പരിഗണിച്ച് എല്ലാ മേഖലയിലും ഒഴിഞ്ഞുകിടക്കുന്ന തസ്തികകളുടെ പത്ത് ശതമാനം എങ്കിലും സ്ഥാനക്കയറ്റം നല്‍കുന്നത് പരിഗണിക്കും. ആശ്രിത നിയമനത്തിന് അര്‍ഹതയുള്ളവരെ െ്രെഡവര്‍, കണ്ടക്ടര്‍ തസ്തികകളിലേക്ക് പരിഗണിക്കുമെന്നും അദ്ദേഹം കൂട്ടിച്ചേര്‍ത്തു.