മുസ്ലീങ്ങള്‍ക്ക് എതിരെ എതിര്‍പ്പ് വളര്‍ത്തിയെടുക്കാന്‍ ബി ജെ പി-സി പി എം ശ്രമമെന്ന് പ്രതിപക്ഷ നേതാവ് രമേശ് ചെന്നിത്തല. ബോധപൂര്‍വം എതിര്‍പ്പ് വളര്‍ത്തിയെടുക്കുന്നത് കേരളത്തിന് ഗുണകരമല്ല. ഹലാല്‍ ചിക്കന്‍ വേണ്ട എന്ന് ഇവരുടെ നേതൃത്വത്തില്‍ പലയിടത്തും എഴുതി വയ്ക്കുന്നു, എന്നാല്‍ ഹലാല്‍ ചിക്കന്‍ കഴിക്കാന്‍ ഇവിടെ ആരെയെങ്കിലും നിര്‍ബന്ധിക്കുന്നുണ്ടോ എന്നും രമേശ് ചെന്നിത്തല ചോദിച്ചു. എല്ലാ മതസ്തരും മതത്തില്‍ വിശ്വസിക്കാത്തവരും ഒരമ്മ പെറ്റ മക്കളെ പോലെ ജീവിക്കുന്ന നാടാണ് കേരളം.

രണ്ട് വോട്ടിന് വേണ്ടി മതസൗഹാര്‍ദം തകര്‍ത്ത് വര്‍ഗ്ഗീയ കളികള്‍ കളിക്കാന്‍ മടിയില്ലാത്ത പാര്‍ട്ടിയാണ് സി പി എം എന്നും രമേശ് ചെന്നിത്തല കൂട്ടി ചേര്‍ത്തു. ഐശ്വര്യ കേരള യാത്ര യുടെ സ്വീകരണ വേദിയില്‍ സംസാരിക്കുകയായിരുന്നു അദ്ദേഹം.