ഇടുക്കിയില് ഭൂമി കയ്യേറ്റം നടത്തിയവർക്കെതിരെ ശക്തമായ നടപടിയെടുത്ത് റവന്യൂ വകുപ്പ്
ഇടുക്കിയില് കയ്യേറ്റക്കാര്ക്കെതിരെ നടപടി ശക്തമാക്കി റവന്യൂ വകുപ്പ്. ഇക്കഴിഞ്ഞ ആറ് മാസത്തിനിടയില് ചിന്നക്കനാല് പ്രദേശത്ത് ഏക്കര് കണക്കിന് സര്ക്കാര് ഭൂമിയാണ് റവന്യൂ വകുപ്പ് തിരികെ പിടിച്ചത്. ആദിവാസി ഭൂമി കൈവശപ്പെടുത്തിയ കയ്യേറ്റക്കാരെയും ഒഴിപ്പിക്കാനുള്ള നടപടികളും ഇപ്പോൾ നടന്ന് വരികയാണ്.
കയ്യേറ്റങ്ങള് മൂലം വിവാദമായ ചിന്നക്കനാലിലെ സര്ക്കാര് ഭൂമി സംരക്ഷിക്കുന്നതിന് കര്ശന നടപടിയുമായാണ് ജില്ലാ ഭരണകൂടം മുന്പോട്ട് പോകുന്നത്. കഴിഞ്ഞ ആറ് മാസത്തിനുള്ളില് ഏക്കര് കണക്കിന് സര്ക്കാര് ഭൂമിയാണ് വന്കിട കയ്യേറ്റക്കാരില് നിന്നും തിരികെ പിടിച്ചത്.
ഇതില് മൗണ്ട്ഫോര്ട്ട് സ്കൂളിന് സമീപത്തെ 18 ഏക്കര് അടുത്ത കാലത്ത് ഒഴിപ്പിച്ചെടുത്ത വന്കിട കയ്യേറ്റങ്ങളില് ഒന്നാണ്. ജില്ലയിലെ വിവിധ മേഖലകളില് നിരവധി കയ്യേറ്റങ്ങള് ഒഴിപ്പിച്ച് സര്ക്കാര് ഭൂമി തിരിച്ചുപിടിച്ചെടുത്തിട്ടുണ്ട്.
ഒഴിപ്പിച്ചെടുത്ത ഭൂമി സംരക്ഷിക്കുന്നതിനും നടപടി സ്വീകരിച്ചാണ് റവന്യൂ വകുപ്പ് മുന്പോട്ട് പോകുന്നത്. ചിന്നക്കനാല് 301 കോളനിയിലെ ആദിവാസി ഭൂമിയിലെ കയ്യേറ്റങ്ങള്ക്കെതിരേയും കര്ശന നടപടികള് സ്വീകരിച്ച് വരികയാണ്. സര്ക്കാര് ഭൂമി പൂര്ണമായും സംരക്ഷിക്കുകയെന്ന ലക്ഷ്യത്തോടെയുള്ള പ്രവര്ത്തനമാണ് റവന്യൂ വകുപ്പ് ഇപ്പോൾ നടത്തി വരുന്നത്.
https://www.facebook.com/Malayalivartha
