വടക്കഞ്ചേരി-മണ്ണുത്തി ദേശീയപാതയില്‍ കാര്‍ തട്ടുകടയിലേക്ക് ഇടിച്ചുകയറി അപകടം; ജീവനക്കാരന് പരിക്ക്
കാര്‍ തട്ടുകടയിലേക്ക് ഇടിച്ചുകയറി ഒരാള്‍ക്ക് പരിക്ക്.രണ്ട് സ്‌കൂട്ടറുകള്‍ തകര്‍ന്നു.വടക്കഞ്ചേരി-മണ്ണുത്തി ദേശീയപാതയില്‍ തേനിടുക്കിന് സമീപമാണ് സംഭവം .കടയിലെ ജീവനക്കാരന് പരുവാശ്ശേരി മണികണ്ഠനാണ് (40) പരിക്കേറ്റത്. കഴിഞ്ഞ ഉച്ചയ്ക്ക് പന്ത്രണ്ടരയോടെയാണ് അപകടം.
വടക്കഞ്ചേരിഭാഗത്തേക്ക് വരികയായിരുന്ന അമിതവേഗത്തിലെത്തിയ കാര്‍ നിര്‍ത്തിയിട്ടിരുന്ന സ്‌കൂട്ടറിലും തട്ടുകടയിലേക്കും ഇടിച്ചുകയറുകയായിരുന്നു. കടയില്‍ ആള്‍ക്കാരുണ്ടായിരുന്നെങ്കിലും എല്ലാവരും ഓടിമാറി. വടക്കഞ്ചേരി-മണ്ണുത്തി ആറുവരിപ്പാതാ നിര്‍മാണക്കമ്ബനി വാടകക്കെടുത്ത കാറാണ് അപകടത്തില്‍പ്പെട്ടത്. കടയിലെ ചായപ്പാത്രത്തിലെ ചൂടുവെള്ളം വീണാണ് മണികണ്ഠന് പരിക്കേറ്റത്.മണികണ്ഠനെ തൃശ്ശൂര്‍ മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ചു. അപകടത്തില്‍ കട ഭാഗികമായി തകര്‍ന്നു. പരമന്റെയും കടയില്‍ ഭക്ഷണംകഴിക്കാനെത്തിയ മറ്റൊരാളുടെയും സ്‌കൂട്ടറുകളാണ് ഇടിയുടെ ആഘാതത്തില്‍ തകര്‍ന്നത്.
https://www.facebook.com/Malayalivartha
