പത്തുവര്ഷത്തിനിപ്പുറം അയര്ലന്ഡിലെ ആള്ക്കൂട്ടത്തില്നിന്ന് ധ്യാന് തന്നെ കണ്ടുപിടിച്ചു
'ഒരേമുഖം' എന്ന സിനിമ ഷൂട്ട് കഴിഞ്ഞു പോയിട്ട് കൃത്യം പത്ത് വര്ഷം കഴിഞ്ഞു. പത്തുവര്ഷം മുമ്പ് ഒന്നിച്ച് സിനിമയില് അഭിനയിച്ച തന്നെ ധ്യാന് ശ്രീനിവാസന് വിദേശത്ത് ആള്ക്കൂട്ടത്തില്നിന്ന് തിരിച്ചറിഞ്ഞതിന്റെ സന്തോഷം പങ്കുവെച്ച് നടനും ഗാനരചയിതാവുമായ ഉണ്ണി കെ. കാര്ത്തികേയന്. സാമൂഹികമാധ്യമങ്ങളില് പങ്കുവെച്ച കുറിപ്പിലാണ് ഉണ്ണി തന്റെ സന്തോഷം പങ്കുവെച്ചത്. അയര്ലന്ഡിലെ ആള്ക്കൂട്ടത്തിന് ഇടയില്നിന്ന് ഒട്ടും പ്രതീക്ഷിക്കാതെയാണ് ധ്യാന് തിരിച്ചറിഞ്ഞതെന്നും ഉണ്ണി കുറിച്ചു. 'ഒരേമുഖം' എന്ന ചിത്രത്തിലാണ് ഇരുവരും ഒന്നിച്ച് അഭിനയിച്ചത്.
പൃഥ്വിരാജ് നായകനായ ജി. മാര്ത്താണ്ഡന്റെ 'പാവാട' എന്ന ചിത്രത്തിലൂടെയാണ് ഉണ്ണി അഭിനയത്തില് സജീവമായത്. 'തോപ്പില് ജോപ്പന്', 'ഒരേമുഖം', 'ഡ്രൈവിങ് ലൈസന്സ്' ഉള്പ്പെടെ ചിത്രങ്ങളില് അഭിനയിച്ചു. 'ഹലോ നമസ്തേ'യില് ഡബ്ബ് ചെയ്യുകയും 'അനുഗ്രഹീതന് ആന്റണി'ക്കുവേണ്ടി പാട്ടെഴുതുകയും ചെയ്തു. 'സുനാമി'യില് ഗാനം ആലപിച്ചു. ഹയര് സെക്കന്ഡറി സ്കൂള് അധ്യാപകനായിരുന്നു.
ഉണ്ണി കെ. കാര്ത്തികേയന് പങ്കുവെച്ച കുറിപ്പില്നിന്ന്:
'ഒരേമുഖം' എന്ന സിനിമ ഷൂട്ട് കഴിഞ്ഞു പോയിട്ട് കൃത്യം പത്ത് വര്ഷം കഴിഞ്ഞു. ഒട്ടും പ്രതീക്ഷിക്കാതെ ഓര്ഗാനിക്കായി ഉണ്ടായ ഒരു റീയൂണിയനാണ്. പ്ലാന്ഡ് അല്ല.
അയര്ലന്ഡിലെ ആള്ക്കൂട്ടത്തിനു ഇടയില്നിന്ന് ധ്യാന് എന്നെ കണ്ടുപിടിച്ചതാണ്. ശരിക്കും സര്പ്രൈസ്ഡ് ആയത് ഞാനാണ്. ഇപ്പോഴും ഈ മനുഷ്യന് എന്നെ ഓര്ക്കുന്നല്ലോ. മറന്നുകാണും എന്നാണ് ഞാന് കരുതിയത്.
നന്ദിയുണ്ട് ധ്യാന്കുട്ടാ, ഒരു റീ എന്ട്രി തന്നതിന്. ശരിക്കും ഒരു റീ എന്ട്രി ഉണ്ട്. ആ കാര്യമാണ് ഞങ്ങള് സംസാരിച്ചത് (അത് എന്താണെന്നു പിന്നീട് പറയാം).
https://www.facebook.com/Malayalivartha
