ഒരു ചായക്കട കണ്ടെങ്കില്... ഡല്ഹി സമരത്തിന് വയനാട്ടില് ട്രാക്ടര് ഓടിച്ചതിനെ കളിയാക്കി കെ. സുരേന്ദ്രന്; വയനാട്ടിലെ പ്രധാനമന്ത്രി ട്രാക്ടര് ഓടിച്ചു നടക്കുന്നു; രാത്രിയില് സഖാക്കളെ അമ്പരപ്പിച്ച് രാഹുല് ഗാന്ധി സെക്രട്ടറിയേറ്റ് സമരപന്തലില്; സമരക്കാരുടെ സങ്കടങ്ങള് കേട്ട് രാഹുല് മടങ്ങുമ്പോള് കോണ്ഗ്രസുകാര്ക്ക് ഹാപ്പി
രാഹുല് ഗാന്ധിയുടെ വയനാടന് വരവ് ഏറെ ശ്രദ്ധ നേടിയിരുന്നു. ഡല്ഹി സമരത്തിന് വയനാട്ടില് വന്ന് ട്രാക്ടറോടിച്ച രാഹുലിനെതിരെ ട്രോള് മഴയാണ് ഉണ്ടായത്. അതേസമയം ബിജെപി അധ്യക്ഷന് കെ. സുരേന്ദ്രനും രുല് ഗാന്ധിക്കെതിരെ ആഞ്ഞടിച്ചു.
അങ്കമാലി പ്രധാനമന്ത്രി പോലെയാണ് വയനാട് പ്രധാനമന്ത്രി. വയനാടിന്റെ പ്രധാനമന്ത്രി വയനാട്ടില് വന്ന് ട്രാക്ടര് ഓടിച്ചു നടക്കുകയാണ്. ഇതിനേക്കാള് നല്ലത് വയനാട്ടിലെ പഴയ എംപിയായിരുന്നുവെന്ന് സുരേന്ദ്രന് പറഞ്ഞു. വയനാട്ടിലേക്ക് വരുന്ന വഴിയിക്കിറങ്ങി പെറോട്ടയും ചായയും കുടിക്കാന് എല്ലാവര്ക്കും കഴിയുമെന്നും സുരേന്ദ്രന് പറഞ്ഞു.
കുഞ്ഞാലിക്കുട്ടിയും പിണറായിയും സയാമീസ് ഇരട്ടകളെ പോലെയാണ് പെരുമാറുന്നത്. പകല് മാത്രമേ അവര് തമ്മില് വയോജിപ്പുള്ളൂ, സന്ധ്യയായാല് യോജിക്കും. മുസ്ലീം ലീഗും സി.പി.എമ്മും തമ്മില് ധാരണയുണ്ടെന്നും കേരളത്തിലെ പി.എസ്.സി പെണ്ണുമ്പിള്ള സര്വീസ് കമ്മീഷനായി മാറിയെന്നും സുരേന്ദ്രന് ആരോപിച്ചു.
അതേസമയം രാഹുലിനെതിരെ ട്രോള് തുടരുമ്പോഴും അപ്രതീക്ഷിതമായി സ്കോര് ചെയ്തു. സഖാക്കളെപ്പോലും അമ്പരപ്പിച്ച് സെക്രട്ടേറിയറ്റ് നടയില് ഉദ്യോഗാര്ഥികള് നടത്തുന്ന അതിജീവന സമരത്തിന് ഐക്യദാര്ഢ്യവുമായി സമരപ്പന്തലുകളില് രാഹുല് ഗാന്ധിയെത്തിയതോടെയാണ് എല്ലാം മാറി മറിഞ്ഞത്. ഇന്നലെ രാത്രി എട്ടുമണിയോടെയാണ് അപ്രതീക്ഷിതമായി സമരകേന്ദ്രങ്ങള് സന്ദര്ശിച്ചത്. ഉമ്മന്ചാണ്ടി, മുല്ലപ്പള്ളി രാമചന്ദ്രന്, രമേശ് ചെന്നിത്തല, ശശി തരൂര്, കെ.സി വേണുഗോപാല് എന്നിവര്ക്കൊപ്പമായിരുന്നു സന്ദര്ശനം.
സെക്രട്ടേറിയറ്റിന്റെ നോര്ത്ത് ഗേറ്റിന് സമീപം സമരം നടത്തുന്ന സി.പി.ഒ റാങ്ക് ഹോള്ഡേഴ്സിന് സമീപമായിരുന്നു രാഹുല് ആദ്യമെത്തിയത്. മുദ്രാവാക്യങ്ങളോടെയാണ് യൂത്ത് കോണ്ഗ്രസ് പ്രവര്ത്തകര് ദേശീയ നേതാവിനെ സമരപ്പന്തലുകളിലേക്ക് ആനയിച്ചത്. പട്ടുപുതച്ച് നെഞ്ചില് റീത്തും വച്ച് റോഡില് കിടന്ന് പ്രതീകാത്മ സമരം നടത്തിയ സി.പി.ഒ റാങ്ക് ലിസ്റ്റിലുള്ളവരുടെ സങ്കടം രാഹുല് കേട്ടു. ഒരു വര്ഷം മാത്രം കാലാവധിയുള്ള റാങ്ക് ലിസ്റ്റില് എട്ട് മാസത്തോളമാണ് നഷ്ടമായതെന്നും ഇതു പരിഹരിക്കാന് അനുകൂല സമീപനം ഉണ്ടായില്ലെന്നും അവര് പറഞ്ഞു.
തുടര്ന്ന് ഫോറസ്റ്റ് വാച്ചര് റാങ്ക് ഹോള്ഡേഴ്സിന്റെ സമരപ്പന്തലാണെത്തിയത്. കെ.എസ്.ആര്.ടി.സി ജീവനക്കാരുടെ സമരത്തിനും അദ്ദേഹം ഐക്യദാര്ഢ്യമര്പ്പിച്ചു. റാങ്ക് ഹോള്ഡേഴ്സ് സമരം അവസാനിച്ചെന്ന ധാരണയില് മുന്നോട്ട് നടക്കുന്നതിനിടെയാണ് പി.സി. വിഷ്ണുനാഥാണ് എല്.ജി.എസുകാരടക്കം സമരംകിടക്കുന്ന കാര്യം ശ്രദ്ധയില്പ്പെടുത്തിയത്. എല്.ജി.എസുകാരുടെ വിഷയങ്ങള് കേള്ക്കാന് തിരികെ നടന്ന് അവര്ക്കരികിലേക്ക് വന്നു.
വിഷയം ഗൗരവമുള്ളതാണെന്നും കേരളത്തിലെ തൊഴില് സമരങ്ങള് ലോക്സഭയില് അവതരിപ്പിക്കുമെന്നും കേരളത്തിലെ രൂക്ഷമായ തൊഴിലില്ലായ്മ രാജ്യത്തിന്റെ ശ്രദ്ധയിലേക്ക് കൊണ്ടുവരുമെന്നും അദ്ദേഹം സമരക്കാേരാട് പറഞ്ഞു. പ്രൊട്ടക്ടഡ് അദ്ധ്യാപകരുടെ സമരപ്പന്തലിലും ഉദ്യോഗാര്ഥികളുടെ സമരത്തിന് ഐക്യദാര്ഢ്യമര്പ്പിച്ച് സമരം നടത്തുന്ന അശ്വതി ജ്വാലയുടെ അടുത്തും പോയ ശേഷമാണ് യൂത്ത് കോണ്ഗ്രസ് നേതാക്കള് നിരാഹാരമിരിക്കുന്ന സമരപ്പന്തലിലെത്തിയത്.
സമരത്തിന് തുടക്കമിട്ട യൂത്ത് കോണ്ഗ്രസ് നേതാക്കളായ ഷാഫി പറമ്പിലും കെ.എസ്. ശബരീനാഥനും പന്തലില് എത്തിയിരുന്നു. സമരം ശക്തമായി തുടരണമെന്ന് ആഹ്വാനവും നല്കിയയായിരുന്നു രാഹുലിന്റെ മടക്കം.
ഇടതുപക്ഷത്തിന്റെ കൊടിപിടിക്കാത്ത ചെറുപ്പക്കാര് തൊഴിലിന് വേണ്ടി സെക്രട്ടേറിയറ്റിന് മുന്നില് നിരാഹാരം കിടക്കണം. നിരാഹാരം കിടന്ന് മരിച്ചാലും മുഖ്യമന്ത്രിക്ക് ഒരു കുലുക്കവുമില്ല. അവരുടെ കൊടിപിടിക്കുന്ന ആള്ക്കാരാണ് സമരം നടത്തിയിരുന്നതെങ്കില് മുഖ്യമന്ത്രി എത്തി സംസാരിച്ചേനേയെന്നാണ് രാഹുല് നേരത്തെ റാലിയില് ആഞ്ഞടിച്ചത്.
https://www.facebook.com/Malayalivartha