ശാരീരിക അസ്വസ്ഥതകളോടെ ഭാഗ്യലക്ഷ്മി; പിന്നാലെ സംഭവിച്ചത് വമ്പൻ പുകിലുകൾ; ബിഗ് ബോസ് വീട്ടിൽ പൊട്ടിത്തെറി
കിച്ചണ് ടീമിലേക്ക് തെരഞ്ഞെടുക്കപ്പെട്ട ഭാഗ്യലക്ഷ്മി ശാരീരിക അവശത മൂലം തനിക്ക് ടീമില് നിന്ന് മാറിയാൽ കൊള്ളാമെന്ന് ആഗ്രഹം പറഞ്ഞിരുന്നു. അതുപ്രകാരം മറ്റൊരു ടീമിലുണ്ടായിരുന്ന ലക്ഷ്മി ജയന് പകരം എത്താന് സന്നദ്ധത അറിയിച്ചു. ലക്ഷ്മി മാറിയതോടെ മറ്റ് ടീമുകളിലും ചില ഒഴിവുകളും ഒഴിവു നികത്തലുകളും സംഭവിച്ചതിൽ ചില അംഗങ്ങള് നീരസം പ്രകടിപ്പിച്ച് രംഗത്തെത്തിയതോടെയാണ് സ്ഥിതി വിഷളായത്. അടുക്കളയില് പാത്രം കഴികുന്ന ടീമിലേക്ക് ഒരാളുടെ കുറവ് വന്നപ്പോള് ടോയ്ലറ്റ് ക്ലീനിംഗ് ടീമിലുള്ള റിതു മന്ത്രയോട് അടുക്കളയിലേക്കു ചെല്ലാൻ ക്യാപ്റ്റനായ സൂര്യ പറയുകയായിരുന്നു. അവരെ സഹായിക്കാനായി ചെല്ലാനാണ് സൂര്യ പറഞ്ഞതെങ്കിലും ടോയ്ലറ്റ് ടീം ക്യാപ്റ്റനായ റംസാനോട് റിതു പറഞ്ഞത് താന് ടീം മാറിയെന്നായിരുന്നു. ഇക്കാര്യം ഉച്ചയ്ക്ക് എല്ലാവരും ഭക്ഷണം കഴിച്ചുകൊണ്ടിരുന്നപ്പോള് റംസാന് ഉന്നയിച്ചതോടെയാണ് കൂട്ടത്തര്ക്കത്തിലേക്ക് കാര്യങ്ങൾ എത്തിയത്.
അഡോണി, റംസാന്, ലക്ഷ്മി, സൂര്യ, നോബി, റിതു, അനൂപ് തുടങ്ങിയവരൊക്കെ ശബ്ദമുയര്ത്തി സംസാരിച്ചപ്പോള് ബഹളം വെക്കാതെ ഇടപെട്ടത് മണിക്കുട്ടൻ മാത്രമായിരുന്നു. ബിഗ് ബോസ് മലയാളം സീസണ് 3 ആദ്യവാരം മത്സരാര്ഥികള്ക്കിടയില് വലിയ പ്രശ്നങ്ങളൊന്നുമില്ലാതെയാണ് കടന്നുപോയത്. എന്നാല് ആ സ്ഥിതി പൂര്ണ്ണമായും മാറിയതുപോലെയാണ് ഈ ആഴ്ചയിലെ കാര്യങ്ങള്. വൈല്ഡ് കാര്ഡ് എന്ട്രിയായി വന്ന മിഷേനിലും ഡിംപലിനുമിടയിലുണ്ടായ സംഘര്ഷമായിരുന്നു ഇന്നലെ ഹൗസിനെ മുഖരിതമാക്കിയതെങ്കില് ഇന്ന് മിക്കവാറും മത്സരാര്ഥികള് പങ്കെടുത്ത വലിയ തര്ക്കം അരങ്ങേറുകയിരുന്നു . എല്ലാവരും പറയുകയും ആരും കേള്ക്കാനില്ലാത്ത അവസ്ഥയും ഉണ്ടായിരുന്നു പലപ്പോഴും. ഈ വഴക്കിൽ ഇല്ലാതെ കിടിലം ഫിറോസ് മാറിയിരിക്കുകയായിരുന്നു.
https://www.facebook.com/Malayalivartha
