മീശ പിരിച്ച് വിശ്വാസികളുടെ നെഞ്ചത്ത് അമ്മാനമാടുമ്പോള്‍ ചില മാധ്യമ സ്ഥാപനങ്ങള്‍ അറിഞ്ഞില്ല കാലം കാത്തു വച്ച കാവ്യ നീതിയായി ഇമോജി പണി വരുമെന്ന്. പറയുന്നത് ഞങ്ങളല്ല സാമൂഹ്യമാധ്യമങ്ങളിലൂടെ പിള്ളേരാണ്. കളക്ടര്‍ ബ്രോ ആയാലും ഭാര്യയായാലും ഒബ്‌സീനായി അയച്ചെങ്കില്‍ അതിന് വകുപ്പുണ്ട് നടപടികളും ഉണ്ടാകണം

. വാര്‍ത്തയ്ക്കായി വിളിക്കുന്ന മാധ്യമപ്രവര്‍ത്തകരോട് ഇങ്ങനെയൊന്നുമല്ല അധികാരത്തിന്റെ ഉന്നത കസേരകളില്‍ ഇരിക്കുന്നവര്‍ പ്രതികരിക്കേണ്ടത്. പക്ഷെ അവിടെ രണ്ടുണ്ട് കാര്യങ്ങള്‍ പ്രശാന്തിന്റെ ഭാര്യ പറയുന്ന ആരോപണമനുസരിച്ചാണെങ്കില്‍ സെക്‌സ് ചാറ്റെന്ന് വരുത്തിതീര്‍്ക്കാനുള്ള മാധ്യമ സെക്‌സ് ബോംബ് ആണ് ലേഖകന്‍ അല്ലെങ്കില്‍ ലേഖിക തയ്യാറാക്കിയത്.

ഏതായാലും അത് പൊട്ടി. തീര്‍ന്നില്ല സീമ ചേച്ചിയുടെ ഇമോജിക്ക് ആധാരമായ സിനിമ സീന്‍ ഫേസ് ബുക്കില്‍ പോസ്റ്റ് ചെയ്ത് ശ്രീജിത്ത് പണിക്കരും കാര്യമായി കൊട്ടു കൊടുത്തിട്ടുണ്ട് കിട്ടേണ്ടവര്‍ക്ക് കിട്ടേണ്ട രീതിയില്‍. അത് ആരായാലും അവര്‍ക്ക് കൊണ്ടിട്ടുമുണ്ട്. ഏതായാലും അന്ന് ശോഭ സുരേന്ദ്രന്‍ അടക്കമുള്ളവര്‍ പറഞ്ഞതിനോട് മുഖം തിരിച്ച മാതൃഭൂമിക്ക് കിട്ടിയ കാവ്യനീതിയെന്ന് വിശേഷിപ്പിക്കുന്നവരും കുറവല്ല.

ഹിന്ദു മതവിശ്വാസികളോടും സ്ത്രീ സമൂഹത്തോടുമുള്ള വെല്ലുവിളിയാണ് മീശ നോവല്‍. ഈ നെറികേടിനു പിണറായി വിജയന് വരുന്ന തിരഞ്ഞെടുപ്പില്‍ മറുപടി കിട്ടുമെന്ന് ശോഭ സുരേന്ദ്രന്‍ പറഞ്ഞിരുന്നു. ഏതായാലും രണ്ടും നടക്കുന്ന മട്ടാണ്.

മീശയിലൂടെ വിശ്വാസികളുടെ നെഞ്ചത്ത് കയറിയപ്പോള്‍ അന്ന് തോന്നാത്ത എന്ത് മര്യാദകേടാണ് ഇപ്പോള്‍ ഇമോജിയില്‍ കണ്ടതെന്നാണ് സാമൂഹ്യമാധ്യമ വിമര്‍ശനം. എസ് ഹരീഷ് എഴുതിയ 'മീശ' നോവലിന് കേരള സാഹിത്യ അക്കാദമി അവാര്‍ഡ് നല്‍കിയ തീരുമാനത്തിനെതിരെയാണ് ബിജെപി നേതാവ് ശോഭാ സുരേന്ദ്രന്‍ നേരത്തെ രംഗത്ത് വന്നത്.

നോവല്‍ ഹൈന്ദവ വിശ്വാസികളെയും സ്ത്രീകളെയും അവഹേളിക്കുന്ന വികല രചനയാണെന്നും പുസ്തകത്തിന് പുരസ്‌കാരം നല്‍കാനുള്ള തീരുമാനം ഹിന്ദു മത വിശ്വാസികളോടും, സ്ത്രീ സമൂഹത്തോടുമുള്ള വെല്ലുവിളിയാണെന്നും അവര്‍ പൊട്ടിത്തെറിച്ചത് ഇപ്പോള്‍ ഏറ്റെടുത്തിരിക്കുകയാണ് ഒരു വിഭാഗം. ഏതായാലും തെരഞ്ഞെടുപ്പ് കാലത്ത് 'മീശ' നോവല്‍ വിവാദം വീണ്ടും കത്തിക്കാന്‍ ഒരുങ്ങി ,..

എസ് ഹരീഷിന്റെ മീശ നോവലിലെ ചില പരാമര്‍ശങ്ങളുടെ പേരില്‍ ബിജെപി ഉള്‍പ്പടെയുള്ള പാര്‍ട്ടികളും തീവ്രഹിന്ദുസംഘടനകളും എതിര്‍പ്പ് അറിയിക്കുകയും വലിയ വിവാദമുയര്‍ത്തുകയും ചെയ്തിരുന്നതാണ്. നോവലിന് കേരളസാഹിത്യഅക്കാദമി പുരസ്‌കാരം നല്‍കുന്നത് ഹിന്ദു സമൂഹത്തോടുള്ള വെല്ലുവിളിയാണെന്നാണ് ബിജെപി സംസ്ഥാനാധ്യക്ഷന്‍ കെ സുരേന്ദ്രനും പറഞ്ഞിരുന്നു.

'മീശ'യ്ക്ക് അവാര്‍ഡ് നല്‍കിയത് ഹിന്ദു സമൂഹത്തോടുള്ള വെല്ലുവിളിയാണെന്നും, പിണറായി വിജയന്‍ സര്‍ക്കാരിന് ഹിന്ദുക്കളോടുള്ള കലി അടങ്ങിയിട്ടില്ലെന്നും കെ സുരേന്ദ്രന്‍ പറയുന്നു. ശബരിമലയില്‍ ചെയ്ത അതേ കാര്യമാണ് പിണറായി ചെയ്യുന്നതെന്നും കെ സുരേന്ദ്രന്‍ ആരോപിക്കുന്നു.നോവലില്‍ വര്‍ഗീയപരാമര്‍ശം ഉണ്ടെന്നും, പ്രസിദ്ധീകരിച്ചവര്‍ തന്നെ അത് പിന്‍വലിച്ചതാണെന്നും ആക്ഷേപം ഉയര്‍ന്നിരുന്നതാണ്.

മാതൃഭൂമി ആഴ്ചപ്പതിപ്പിലാണ് മീശ നോവല്‍ ആദ്യം പ്രസിദ്ധീകരിച്ചുവന്നിരുന്നത്. എന്നാല്‍ ഈ പരാമര്‍ശങ്ങളുടെ പേരില്‍ വലിയ വിവാദമുയര്‍ന്നതിനെത്തുടര്‍ന്ന് നോവലിന്റെ പ്രസിദ്ധീകരണം ആഴ്ചപ്പതിപ്പ് നിര്‍ത്തി. ഒടുവില്‍ ഡിസി ബുക്‌സ് പുസ്തകം പ്രസിദ്ധീകരിക്കുകയായിരുന്നു. ഏതായാലും ആഴക്കടലും പ്രശാന്തും മീശയും ഇമോജിയും എല്ലാം കൂടി എന്താണോ എന്തോ.