പൂര്ണത്രയീശന്റെ മണ്ണില് അമിത്ഷാ വന്നത് വെറുതെയല്ല എന്ന് എല്ലാവര്ക്കും അറിയാം. കേന്ദ്ര ഏജന്സികള്ക്കും അമിത്ഷായ്ക്കും നേരെ വിമര്ശനശരങ്ങള് ഉയര്ത്തുന്നവര്ക്കുള്ള മറുപടിയുമായാണ് അമിത്ഷാ വന്നത് എന്നു മാത്രമല്ല ഇനിയും കടമ്പകള് പിണറായിക്ക് ഏറെയുണ്ട് എന്ന് ഓര്മിപ്പിച്ചിരിക്കുകയാണ് അമിത്ഷാ
പൂര്ണത്രയീശന്റെ മണ്ണില് തൃപ്പൂണിത്തുറയില് അമിത്ഷാ വന്നത് വെറുതെയല്ല എന്ന് എല്ലാവര്ക്കും അറിയാം. കേന്ദ്ര ഏജന്സികള്ക്കും അമിത്ഷായ്ക്കും നേരെ വിമര്ശനശരങ്ങള് ഉയര്ത്തുന്നവര്ക്കുള്ള മറുപടിയുമായാണ് അമിത്ഷാ വന്നത് എന്നു മാത്രമല്ല ഇനിയും കടമ്പകള് പിണറായിക്ക് ഏറെയുണ്ട് എന്ന് ഓര്മിപ്പിച്ചിരിക്കുകയാണ് അമിത്ഷാ. രാജ്യത്ത് കുറ്റകൃത്യം നടന്നാല് യുഎന് ഏജന്സികളല്ല രാജ്യത്തെ ഏജന്സികള് അന്വേഷിക്കുമെന്നുളള ഒറ്റ വരിയില് തന്നെ പിണറായിക്ക് മറുപടിയുമായി അമിത് ഷാ നേരിട്ടിറങ്ങി എന്ന് വ്യക്തം.
കേരള സര്ക്കാരിനെ അട്ടിമറിക്കാന് കേന്ദ്ര ഏജന്സികളെ ഉപയോഗിക്കുന്നെന്ന മുഖ്യമന്ത്രി പിണറായി വിജയന്റെ ആരോപണത്തിന് മറുപടി മാത്രമല്ല വരും നാളുകളില് തീക്കനലില് ചവിട്ടി സംസ്ഥാനത്തിന്റെ ഉഇടതുപക്ഷത്തിന് നടക്കേണ്ടി വരുമെന്ന് പറയാതെ പറഞ്ഞിരിക്കുന്നു കേന്ദ്ര ആഭ്യന്ത്രമന്ത്രി അമിത് ഷാ. രാജ്യത്ത് ഒരു കുറ്റകൃത്യം നടന്നാല് യുഎന് ഏജന്സികള് അന്വേഷിക്കണമെന്നാണ് പിണറായി പറയുന്നത്. ഇവിടെ കുറ്റകൃത്യം നടന്നാല് അന്വേഷിക്കുക രാജ്യത്തെ ഏജന്സികള് ആകും.
സ്വര്ണക്കടത്തില് അറസ്റ്റിലായ ഉദ്യോഗസ്ഥന് മുഖ്യമന്ത്രിയുടെ പ്രൈവറ്റ് സെക്രട്ടറി ആയിരുന്നോ എന്നു പിണറായി വ്യക്തമാക്കണം. അയാളെ നിയമിച്ചത് ആരെന്നും വ്യക്തമാക്കണം. കേരളത്തില് തുടര്ഭരണം എന്നത് മാധ്യമസൃഷ്ടി മാത്രമാണ്. ശബരിമലയും തെരഞ്ഞെടുപ്പില് ചര്ച്ചയാകും. ബിജെപി മികച്ച പ്രകടനമാകും ഇത്തവണ കാഴ്ചവയ്ക്കുകയെന്നും അമിത് ഷാ കൂട്ടിചേര്ത്തിട്ടുണ്ട്. കേരളത്തില് ഇത്തവണ ബിജെപി കൂടുതല് സീറ്റുകള് നേടി നിയമസഭയിലെ സാന്നിധ്യം കൂട്ടുമെന്നുള്ള തികഞ്ഞ പ്രതീക്ഷയിലാണ് ആഭ്യന്തരമന്ത്രി അമിത് ഷാ. സംസ്ഥാനത്ത് രണ്ട് സീറ്റുകളില് സ്ഥാനാര്ത്ഥി ഇല്ലാത്തത് പാര്ട്ടിയെ ചെറുതായി ബാധിക്കുമെന്നും അമിത് ഷാ പറഞ്ഞു.
പൗരത്വനിയമ ഭേദഗതി നടപ്പാക്കില്ലെന്ന മുഖ്യമന്ത്രിയുടെ നയത്തിന്റെ ഭാവിയെന്തെന്ന് തെരഞ്ഞെടുപ്പിന് ശേഷം കാണാം എന്നും അമിത് ഷാ പറയുമ്പോള് ബംഗാളിലെ മമതയില് നിന്നും പിണറായിലേയ്ക്ക് എത്താനും ഷാ മറന്നില്ല. അതും 'ജയ് ശ്രീറാം' എല്ലായിടത്തും ജനം ഏറ്റെടുക്കുന്നു. പശ്ചിമബംഗാളില് ജനം മാറ്റം തീരുമാനിച്ചു കഴിഞ്ഞു. വര്ഗ്ഗീയ പ്രീണനത്തിനും അഴിമതിക്കും ജനം തിരിച്ചടി നല്കുമെന്നും ബംഗാളില് വലിയ വിജയം ഉണ്ടാകുമെന്നും കൂട്ടിച്ചേര്ത്തുകൊണ്ട്്. തൃപ്പൂണിത്തുറയില് കാഞ്ഞിരപ്പള്ളി, പുറ്റിങ്ങല്, മലമ്പുഴ മണ്ഡലത്തിലെ കഞ്ചിക്കോട്ട് എന്നിവിടങ്ങളിലെ അമിത്ഷായുടെ സന്ദര്ശനം കൃത്യമായ രാഷ്ട്ട്രീയ ലക്ഷ്യത്തോടെയാണ് എന്ന് നിരീക്ഷകര് വിലയിരുത്തുന്നുമുണ്ട്.
ശബരിമല ആചാര സംരക്ഷണത്തിനായി നിയമം കൊണ്ടുവരുമെന്ന വാഗ്ദാനം ബി.ജെ.പി പ്രകടനപത്രികയില് ഉള്പ്പെടുത്തി വിഷയത്തെ സജീവമാക്കി വോട്ട് വിഹിതത്തിലെ വര്ധനയും അഞ്ച് മണ്ഡലങ്ങളിലെ വിജയവും അമിത്ഷാ ലക്ഷ്യമിടുന്നുണ്ട്. ക്ഷേത്രങ്ങളുടെ നടത്തിപ്പ് ദേവസ്വം ബോര്ഡുകളില് നിന്നും മാറ്റി വിശ്വാസികള്ക്ക് നല്കുമെന്നതാകും മറ്റൊരു വാഗ്ദാനം. ലൗ ജിഹാദ് തടയാന് യുപി മോഡല് നിയമവും പത്രികയിലുണ്ടാകും. ഒരു വീട്ടില് ഒരാള്ക്ക് ജോലി എന്നതാണ് ബിജെപി പ്രകടനപത്രികയിലെ മറ്റൊരു പ്രധാന വാഗ്ദാനം.
കേരളത്തില് ഇത്തവണ ബിജെപി കൂടുതല് സീറ്റുകള് നേടി നിയമസഭയിലെ സാന്നിധ്യം കൂട്ടുമെന്ന് ആഭ്യന്തരമന്ത്രി അമിത് ഷാ. സംസ്ഥാനത്ത് രണ്ട് സീറ്റുകളില് സ്ഥാനാര്ത്ഥി ഇല്ലാത്തത് പാര്ട്ടിയെ ചെറുതായി ബാധിക്കുമെന്നും അമിത് ഷാ പറഞ്ഞു. പൗരത്വനിയമ ഭേദഗതി നടപ്പാക്കില്ലെന്ന മുഖ്യമന്ത്രിയുടെ നയത്തിന്റെ ഭാവിയെന്തെന്ന് തെരഞ്ഞെടുപ്പിന് ശേഷം കാണാം എന്നും അമിത് ഷാ പറയുന്നത് ന്യൂനപക്ഷങ്ങളില് പ്രത്യേകിച്ചും ക്രിസത്യന് സഭാ വിഭാഗങ്ങളുടെ വോട്ടുകൂടി ലക്ഷ്യമിട്ടാകാം എ്ന്നും വിലയിരുത്തലുണ്ട്.
ഏതായാലും ചാനല് സര്വേകളുടെ മലവെള്ളപ്പാച്ചിലില് പിണറായിയും ടീമും ഒലിച്ചുപോയാകാതിരിക്കാന് ആമയും മുയലും കഥ ഒന്ന് വായിക്കുന്നത് നല്ലതായിരിക്കും. എന്ഡിഎ ഓടിക്കയറിയില്ലെങ്കിലും മിനിമം കോണ്ഗ്രസും യുഡിഎഫെങ്കിലും കൊണ്ടുപോകും.
